أرى أن كل شيء يدخل فيه رأي للنساء يفسد
هادي ما أنزل الله بها من سلطان
دوكا ضروف الناس تختلف وامكانياتهم وكل حسب طاقته

الاغنياء يهدولهم اشياء ثمينة والفقراء يهديولهم اشياء تافهة
الدنيا تعكست ربي يجيب الخير

ليس الكل اخي فهناك من أرائها جواهر
بالفعل تختلف الظروف وهذا الموضوع يخلي ناس تكلف على انفسها باش يجيب هدية معتبرة يعني نرجعوا لقضية المظاهر

اللهم امين
صراحة كاين عادات تافهة المجتمع الجزائري مشغول بها

شكرا لك وبارك الله فيك

ندمت على دخولي المنتدى تافه لاقصى الحدود لبس من موضوعك الاخت لكن من رد الشخص فوق ىأي النساء يفسد .. اووووف نحن في القرن 21 و لازال للنساء رأي فاسد !! ارى ان الجهل يجهل راي الانسان فاسد سواء كان رجلا او امراة

اهلا اختي ايمان
اختي كل واحد ووجهة نظرة واختلاف فالراي لا يفسد فالود قضية
ولك حق النقد
الحمد رانا هنا كلنا واعيين ورانا نتحاورو ونحاولو نعالجو امور ولي غلط نوجهوه وعلى حق نشكروه يعني نستفادو من بعضانا
شكرا لك وبارك الله فيك

هده العادة للاسف سببها انو الناس تعتبر انو الهدية دين !!!
يعني لازم تعرفي شكون جابلك وواش جابلك باش تعرفي واش ترديلوا
عرفت هادي الامور بعد زواجي لان امي حكاتلي مرة انو امراة من الجيران تلاقاتها ولامتها انها مجاتش لعرسهم ووو لانهم جاو لعرسي وجابو هدية وحنا مرحناش وبالتالي فهمت انو الهدايا دين واستعجبت واستغربت
اي واحدة من النساء راح تغضب ادا جاتك في مناسبة ومرحتيلهاش
صدقيني انا كي ندي كادو لواحدة نديه فرحانة وعمري ما نفكر بالمقابل عايشة في كوكب وحدي
واش تحبي هدا هو المنطق تع المجتمع انتاعنا مالا غير وجدي ستيلوا لعرسك ان شاء الله باش تردي امانات الناس

1- يا سيدتي أنت حكمتي على كل المنتدى بانه تافه لمجرد راي عضو واحد.
2- انت قلتي رانا في القرن 21 افي القرن هذا وردك خالي من اللباقة على الاقل مع مثيلاتك
3- انا قلت راي النساء بحكم انهم يفكرون بالعاطفة كثيرا هل من كتب الملصقة رجل +
هل من يفكر في اللبسة رجل + هل من يفتح الهديا رجل اذن كل شيء وراءه امرءة
وهو شيء سيئ لما رميتنا بتفاهة كان يجدر بك استفساري عن كلامي وانا افصل لك

الا ترين ان اكثر من يتعاملون بامور الجهلة هم النساء من سحر شعوذه وعلاش انت
اعطيتي كلامي كل هذا النقد .

ربي يهديك ويهدينا
اليس موضوع مطروح للنقاش وفيه وجهات نظر من كل الاعضاء

اهلا اختي
والله صح كلامك ناس ردتها دين
ولازم كيما تجيبلك تديلها وما اكتر
يا الله كيما تجي تفهمي تحيري
انا ادا رحت مع لوالدة ندو الحمد لله ولي ماجابش الله يكتر خيره المهم يديرو الواجب
الحمد لله ماعندناش هاد العقلية لي شبعان من عند ربي سبحانه
الله يهدينا ويصلح احوالنا
انا والله ماتهمني تفاهات المجتمع شحال من مرة تقولي لوالدة نتي وحدك ولا متمردة على العادات وتقاليد هههه لكن الحمد لله نعرف حدودي
نورت اختي وشكرا ليك

لا علينا اخي
ربما سوء تفاهم
لكن لا اوافقك الراي ان المراة سبب كل هذا البلاء
والله صدقني وليت نشوف طباع نتاع نسا فرجال متلا تنقريش وحتى سحر كاين حالات بزاف نعرفهم رجال كي يخطب وحدة ومايعطوهالهش يروح يسحرلها والمرا كي تبغي تسحر وين تروح عند ساحر .....
حنا هدا ماشي موضوعنا المهم الواحد مايعممش وكيما كاين طالح كاين صالح ربي يبصرنا بعيوبنا
ورانا هنا نتناقشو مع بعض

كل واحد يكبر عقله ويوسع قلبه وان شاء الله مايكون غي لخير

دون جدال كل واحد يعمل الصح واش يشوف مناسب الناس ليست بالمضاهر والهدايا بل بالكلمة الطيبة والهدية المتواضعة انا ميهمنيش واش يقول الناس بل واش نحس انا في راحت نفسي المهم الكلمة الطيبة و تقاسم الفرح مع الاخرين

بالرغم من الناس تقول ارضاء الناس لاتدرك الا انهم مشغولون بتتبع العادات وتقاليد واحيانا البدع خوفا من الاحراج
اهم حاجة لازم الناس تلتزم بها هي تدير الصح وهذا صح منين نجيبوه نجيبوه من دين نتاعنا
قلتي كلمة زينة ختي هي المهم الكلمة الطيبة ومايهمش واش يقولو ناس لواحد مايكلفش على روحه

ربي يهنيك ويفرحك

ربي يهدينا انشاءالله ويبصرنا بعيوبنا كل يوم يخرجولنا حاجة جديدة كاين ليميرحوش للعرس لخاطر معندهمش راش يدو في يديهم العيشة غالية

اللهم امين
خوفا من الاحراج مايديروش الواجب
شكرا اختي وبارك الله فيك
نورت

السلام عليكم
اولا ماغاديش نقولك هذا كلام نتاع طمع وغيره وبعيدا عن الميثالية نهدرو بكل صراحة كاين ناس لي تخمم كيفك وتفهمك
لكن اختي نقولك حاجة هوما كي عرضوك نتي ديري لواجب نتاعك اذا ديتي الهدية سواء ثمينة او متواضعة هنا الامر يعود ليك حتى ولو ماتديش فلا لوم عليك ولا حرج على خاطرش ادا ماعندكش ماتروحيش تكلفي على روحك وهوما مراهمش دايرين قانون يقول ماتجيناش بلا هدية
ونتي كي راكي تدي هدية اعتبريها في سبيل الله والرسول صلى الله عليه وسلم قال "تهادوا تحابوا" يعني ماشي دين ولا حسابات
اختي انا ماغاديش نغيرلك قناعاتك لكن المهم راني قلت وجهة رأيي وكل واحد ويدير لحاجة لي تناسبه
وقضية نتي تكبري بيهم وهوما لا هنا نقولك كل اناء بما فيه ينضح يعني نتي عاملي ناس على واش تربيتي وتعلمتي ماشي بمثل مايعاملوك ويبقى مجرد رأي
شكرا اختي على الرد واختلاف في الراي لا يفسد في الود قضية