اريد ان اطمأن

[زبدة ذايبة]

بعد ما وضعت الحرب أوزارها وسكتوا الناس مابقاش القيل والقال

دخلك انت الشك

هذا مستواه من النهار الأول

وهذا مستواك كذلك من النهار الأول

وش اللي جد في الموضوع بالنسبة ليك

ضرك عاودتي تفكري بطريقة مختلفة تماما

وش رأيك لو كان خلاك في هذاك الوقت وتخلى عليك

كانت رايحة تبقالك التهمة والشبهة مدى حياتك

مايتزوج بيك لاالقريب ولا البعيد

لكن لما ضمنتي أنه الموضوع تغلق على أن هذا الرجل شاريك بانلك تفكير ثاني

اللي هو ممكن مايناسبكش من حيث المستوى التعليمي والاجتماعي ووووو

الصورة الآن راهي واضحة قدامك

حابة تتزوجي لكن بالطريقة اللي راهي في ذهنك

وانا نقولك أبدا الزواج ماكان يبنى على هذه الأمور

شحال من وحدة تزوجت على جال المال وشقات

شحال من وحدة تزوجت على جال المستوى وشقات

الزواج بمن ترضين دينه وخلقه هنا تحبسي

إنسان متربي ومتدين ويخاف ربي هذي أكبر نعمة صدقيني

كي تخدميه بشفار عينك وقليل عليه

لأنه ماراحش يضيعك ويخاف ربي فيك

مع الفساد الأخلاقي اللي راه يتخبط فيه المجتمع

لما يجيك راجل متدين ومتخلق يتوزن بالذهب لأنه عملة ناااااااادرة جدا في هذا الزمان

وأما أشباه الرجال فلا حاجة لك بهم

ماتعرفيه وين بايت، ماتعرفيه منين جا ، ماتعرفيه مع من كان

ماتعرفي دراهمو وين يصرفهم وعلى من يصرفهم

أسئلة كثيرة ماتلقايلها حتى جواب

ربما الإجابة الوحيدة هي الإهمال واللامبالاة والضياع والبعد عن الدين

إذا كان إنسان متدين وراااااااجل بأتم معنى الكلمة توكلي على الله

وإذا كان ترددك هذا بسبب المال فهذا والله سبب واه لأن الرزق بيد رب العالمين يرزق من يشاء بغير حساب