هل لديه خلل في العقل وانفصام في الشخصية ام مادا

[زبدة ذايبة]

لا باس عليه في عقلو

اللي عندو فصام الشخصية ماشي هكذا نهائيا

هذاك أخطر بكثير ولوكان جا مريض بيه لو كان راك تبكي عليه بدل الدمع دم

لأنه أخطر مما تتصور -نسأل الله العافية

مثل ماقالولك الأخوات خوك كباقي الجزائريين الشباب -إلا ما رحم ربي -

همهم الوحيد العلاقات مع الإناث

الدخول للنت ببرفايلات أنثوية وهوما ذكور

الدخول بمستويات علمية وهمية

هذا العالم الافتراضي يشبه كنز علي بابا

كل واحد داير روحو علي بابا لكن خلف شاشة الجهاز

واحد مايجيب حقيقتو وشنو هي

واحد مايقدر يعرف الضعف اللي فيه

واحد مايقدر يعرف المشاكل اللي عندو

حالتو تتشبه لحالة الممثلين اللي يؤدوا الأدوار

مرة نشوفوهم أغنياء مرة فقراء مرة قتالين وجرمين

مرة فجار ومرة زهاد وعباد يقوموا الليل

إذن هذي أدوار يمارسها الممثلون

الآن ولينا كل واحد يقدر يكون ممثل من خلال النت

وخوك راه يدير دور الإنسان المتفتح ودور الصياد اللي يغري الفريسة تاعو (البنات الضعاف)

وكل وحدة ساهلة تطيح في شباكه

هو ينصب الشباك لبنات الناس ويلعب بيهم

ونهار يجي يتزوج يقول مانكولش الجيفة لازم وحدة تكون جديدة

ونسي أن ( إعمل ماشئت كما تدين تدان)

عندك تنصح خوك من جيهة رب العالمين أن هذا الشيء حرام

وأن بنات المسلمين ماشي لعب وأعراضهم ماشي لعب

وإذا كان الله غالب عليهم ربما ضروف حياتهم هي اللي خلاتهم يوصلوا لهذا الشيء

مايزيدش عليهم بالتمسخير . واحتمال هوما تانيك يتمسخروا بيه

(شبشاق ولقى لغطا ديالو)

ذكروا بالله وانصحوا راه كبير ماعندو مابقالو نتاجو عندهم اولاد يربوهم

إذا خذالك الراي هذا وش نتنماو

وإذا ماخذالكش الراي خليه بينو بين اللي خلقوا


لعل يجي نهار يفطن ولعل يبقى هكذا

انت التهى بنفسك أصلحها وادعيلوا