وعليكم السلام اختي.... زوجك مزالت فيه عقلية بكري تع اجدادنا مكانوش يحبو المراة تخرج بزاف مدار ويعتبرو زعما لي يزير مرتو وميخرجهاش راه قافز ومأصل وراجل تع الصح هكذا فيهم هذالافكار ياختي بصح هي فالاصل هذي معندها حتا علاقة بالرجولة والاصل هذي راها ظلم المراة من حقها تتنزه وتحوس وتخرج مالدار بصح واش تحبي اختي الافكار اللي مغروسة في عقل انسان تولي مبادئ من دستوره وميقدرش يغيرها ويشوف فالاخرين خارجين عن القانون ..وباش تغيريه ياختي ملازمش عليك تهدري معاه بالقباحة والخشونة راح يقسى عليك ويكرهك بصح لازم عليك تدرسيه وتفهميه بالعقل فهميه بلي المراة لازملها الخرجة باش تتثقف ولازم تخرج باش متبقاش حزينة طول الوقت قوليلو المراة لي متخرجش مدار تولي متخلفة ورجعية قوليلو الدار تدير غير الجهل وضيقة الخاطر قوليلو ضاق خاطري قوليلو لكان ران خدامة تقولي راكي تخرجي بصح ران نظل فدار قوليلو ياك ران طلبت نزور والديا وفقط مطلبتش منك رحلة لكذا وكذا..هكذا بلاك تغيضيه ويغير طريقة تفكيره وننصحك متذكريش قدامو هذوك الافكار تاعك تع الحرية وكنت حرة وراك مقيدني وكنت نقرا بلا قيود وكذا وكذا وكذا هذو الافكار حذاري تهدريهم لزوجك لأنو راه انقاص من قوامتو كرجل ويولي يشوف فيك مسترجلة وحابة تسيطري عليه وراح يكرهك وتكبر الامور فهمتيني اختي اهدريلو الامور اللي في محلها مش الامور اللي تأذي حياتك الزوجية وان شاءالله رب يحبب فيما بناتكم
( تقرير عن مشاركة سيئة )، و الموجودة أسفل كل مشاركة .
2016-10-06, 11:08
العرض الشجري