الى اشبال باك 2017 لا تقعو في نفس الخطأ

[mimi roka]

المشاركة الأصلية كتبت بواسطة saifedding

شكرا لنصيحتك وان شاء الله تفيدنا ممكن تعطينا الطريقة الصحيحة للدراسة

العفو اخي
طبعا اكيد راح نحاول نفيدكم بكل لي نقدر عليه

ادا نتا شعبة علوم تجريبية ننصحك انو المواد 3 الاساسية خليك تقراها على طول العام ديما تريفيزيها حاول كل نهار تدرس مادة تحل تمارين فيها وهاكا (متلا نهار علوم نهار فيزياء نهار رياضيات وتبقا تدور هاكا ) اما مواد الحفظ فخليها في نهاية الاسبوع او يوم الثلاثاء في المساء (ماشي شرط انك تحفظ الدرس كامل المهم تفهمو مليح وتركز على العناصر الاساسية فيه حتى اد ا كان عندك اختبار ولا فرض راح تسهال عليك وبسرعة تقدر تسترجع المعلومات اللي حفظتها من قبل ) وايضا في العطل خليك تعاود تريفيزي كامل الدروس تاع الفصل وحفظهم ملييح باش ماتنساهمش
بالنسبة للانجليزية والفرنسية ننصحك انك تحل البكالوريات تاع السنوات لي فاتو لانو الاسئلة مارايحاش تتبدل بزاف يعني نفس طبيعة الاسئلة
وحبيت ناكد على حاجة في العلوم فقط ماتديش في بالك بلي هي مادة حفظ فقط لانو هي تجمع الاثنين الحفظ والفهم وصدقني عن تجربة لي خلاني ندي 17.5 في العلوم هو كثرة المواضيع لي حليتها على هادا ننصحك انو حل بزاف مواضيع وتمارين في هاد المادة (ننصحك بكتاب الهباج) لانو الافكار والهدف يختلف من تمرين لاخر وكل ما حليت بزاف تمارين كلما ساعدك كتر وكان عندك حظ اكتر في فهم اسئلة البكالوريا والاجابة عليها بطريقة صحيحة

نتمنى اني ماطولتش
واي سؤال اخر ولا اي حاجة انا في الخدمة
وبالتوفيق ان شاء الله