إستفسار حول التسجيل كمترشح حر ..

[oussama walid]

المشاركة الأصلية كتبت بواسطة noureddine18

السلام عليكم
كيف حالكم ؟
هذا وين لحقني الضر
بعد عام شوماج ( خدمة وصعيييييييب الشي فيها ) بعد ماكملت الجامعة هههه

المهم راح نعقب هذا العام باك تقني رياضي هندسة مدنية
وقلت ندير طب واش رأيكم في الطب صعيبة ولا ساهلة
وواش رايكم في شعبة تقني رياضي خصوصا الرياضيات و الفيزياء كيما العلميين ولا كيما شعبة رياضيات
وبارك الله فيكم خاوتي
صحا رمضانكم

أنا كيفك خويا عاودت الباك هذا العام تخليت على ماستر بيولوجيا و deua انجليزية بش ندير طب بعدما تكركرت عام و نص في مناصب تاع anem و تيقنت بلي من غير الطب حاجة ما تصلح و نقولك من ضرك ماهيش ساهلة اذا حبيت معدل مليح و ما تقولش هذي نشفا عليها و هذي فاهمها رايح تعاود من صفر اذا حبيت تضمن تعبك ما يروحش . أنا بديت من رمضان بصح خفيف برك . من سبتمبر كل يوم نقرا 6 ساعات كنت حبست الخدمة و عاودت لحوايج تاع السنة الأولى و الثانية ثانوي لي خلاوني ماديتش مليح الباك لول خلاص ماشي حاجة كبيرة . و في ديسمبر حكمت خدمة بصح درت حساب نخدم غير 3 شهر و نقرى في نفس الوقت . كنت ندير 4 ساعات فلي بيس يسمى كنت نقرى بزاف فطرولي هههه و فالخدمة نخلص واش لازم بكري و الوقت لي يبقى نقرى فيه المهم لازم 6 ساعات فاليوم . من مارس حبست الخدمة و ليت نقرى 8 ساعات فالنهار حتى آخر يوم و نهارات 10 ساعات و الحمد لله نظن النتيجة مضمونة . المهم حاجة ماهي صعيبة اذا قررت ديرها بصح لازم لازم تكون حاب تقرى صح . اذا عندك سؤال راني هنا