المقبلون على السنة الثانية ثانوي

[~QUeen Of Darkness ~]

المشاركة الأصلية كتبت بواسطة عآشقة فلسطين

العفو اختي

ههه في الحقيقة لا اتذكر كثيرا دروس السنة الاولى (تقدري تقولي ماقريناش الرياضيات) على كل كاين حوايج تستحقيهم مثلا حل معادلة من الدرجة الثانية (هي اكثر درس حقلت عليها والباقي والو)
بصح ما تخافيش دروس ملاح بزاف تقدري وحدك في الدار تقريهم ومع فيديوهات الاستاذ نور الدين تسلكيها ان شاء الله

اما عن الصعوبات فاني كنت اخشى دروس الاشعة بل كنت اكرهها لكن لا تخافي تاكدي انك ستتحصلين باذن الله على المعدل الذي تريدينه
نحكيلك حاجة حبيبتي انا كنت في قسم الله يلطف منه وكنت نقعد في الطاولات التالية والضحك والتقسار مانحكيلكش واقدرت نجيب معدل مليح شوية فما بالك كون تقري انا ندمت قلت كون قريت كون راني جبت معدل ممتاز بصح ماعليش لهذا صدقيني لكان قريتي مليح راح جيبي معدل ممتاز ان شاء الله

حملي الدروس لي تستحقيهم واستثمري هاد العطلة في الراحة لانو في العطلة الجاية تولي تخمي غير في الباك كي حالتي
اذا حبيتي استثمريها في المطالعة ونمي رصيدك في اللغات وريحي كيما تحبي
اما عن الكتب الخارجية
في الرياضيات لم اعتمد على اي كتاب رغم اني حملتها من قبل مثل كتاب الجديد وكتاب الرائع واصطررت للالتحاق بالدروس الخصوصية لاني لم اكن اسمع شيئا من الاستاذ كما سبقت وقلت لك قسمنا فوضوي لدرجة لا تتصورينها حتي الاساتذة مولوش يحبو يقرونا

اما الفيزياء فكاين الهباج والزاد تاني
والعلوم ننصحك بكتاب الوافي وكتاب المرجع ايضا وكاين تاني المجتهد والممتاز

العلوم احسن طريقة لفهم الدروس هي الاستاذ بالدرجة الاولى وننصحك بحل التمارين والاختبارات خاصة في كتاب الوافي والمرجع فيهم تمارين رائعة
المادة الصعبة بالنسبة لي هي الفيزياء لكن اعلنت الحرب عليها هه بعدما اخذت نقطة كارثية في الفصل الاول
وكل واحد على حسابو بصح كون تقري ماراح يصعب عليك والو

ماكثرتي عليا ما والو اي حاجة راني هنا حبيبتي انا لي سمحيلي حكيتلك قصتي ههههههه

ان شاء الله جيبي امتياز
سلام

شكراااا لك اختي على الاجابة جزاااك الله خيرا
اريد فقط ان اعرف كم كانت معدلاتك ف ي السنة الاولى ثانوي و هل تراجعت في السنة الثانية
مووفقة