واش رايكم

[مشكلتي]

البنات قولولي واش احاسسكم لما يجي واحد يخطب ومايوليش
شافني وبعدين وافقت على كل شروطه قالي ماعنديش سيارة ولا بيت شهريتي قليلة قلتلو انا يهمني راجل صالح والماديات كلشي يتحل مع مرور الوقت ومرات يتكلملي على انو دو مزاج متقلب قلت ماكانش واحد خال من العيوب المهم مدة اربع اشهر وانا نسنا ماقدرو يتقدمو ماقدرو يوخرو وعند الاستفسار ماقالوش رانا رافضين لا تعلقو على المالمات كانو مكالمتين اهدرنا فيهم على الشروط علاش كيكن العبد قدو قد روحو ومتواضع تصرالو هكدا وافقت على شروطه مع ان مستواي التعليمي والاجتماعي اكثر منو ومارنيش نعاير فيه يقولك ناوي خير ومعد يخليك 4 اشهر ومايردش حتى خبر مع العلم ان الحكاية بعلم العائلتين رايحين تقولو مكتوب وانا مؤمنة بواش كتبلي ربي بصح طعم الحياة فقدته بعد هدي الحكاية تجي تفهم تدوخ على الاقل يرد جواب او يعطي سبب

[زبدة ذايبة]

في بعض المرات التنازلات والتسهيلات اللي نعطيوها للخاطب هي اللي تخليه يروح ومايوليش

في هذا الوقت

إذا ماحطيتيش شروط باينين ماتتنازليش عليهم

فهذا يعني أنك:

اللي جا تتزوجي بيه

كيما نقولو : هات راجل وخلاص

هذا هو المفهوم اللي راه شائع

اللي تتشرط ماتتزوجش بالخف

اللي ماتتشرطش ماتتزوجش بالخف

قابلة بكلش = ماعندك حتى ضوابط وحتى تصور على الزوج المستقبلي

على هذا مرة ثانية ديري بالك في شروط الاختيار

ممكن باقي الأعضاء يعطوك آراء أخرى

رب يعوضك بخير

[♥ ســ/رة ♥]

ايييييييييييييه واش اتديري اصبري

[بيلسان91]

هههههههههههههههه يظهرلي ولات لامود تع 2016 بزاف عادو يعملو هكا يا لطييييف

ربي ينوب عليك من جهة اخرى بواحد مخير منو

[مصطفى_س]

المشاركة الأصلية كتبت بواسطة زبدة ذايبة

في بعض المرات التنازلات والتسهيلات اللي نعطيوها للخاطب هي اللي تخليه يروح ومايوليش

في هذا الوقت

إذا ماحطيتيش شروط باينين ماتتنازليش عليهم

فهذا يعني أنك:

اللي جا تتزوجي بيه

كيما نقولو : هات راجل وخلاص

هذا هو المفهوم اللي راه شائع

اللي تتشرط ماتتزوجش بالخف

اللي ماتتشرطش ماتتزوجش بالخف

قابلة بكلش = ماعندك حتى ضوابط وحتى تصور على الزوج المستقبلي

على هذا مرة ثانية ديري بالك في شروط الاختيار

ممكن باقي الأعضاء يعطوك آراء أخرى

رب يعوضك بخير

تسمى تشجعي فيها باش تتشرط و هكذا تتزوج
الله يهديك


اما بالنسبة للاخت انت كما انت رائعة الهنا هو كلشيء ماشي الشروط و هذا هو الزواج كل شيء بالمكتوب و احنا الرجال و نخطبو 2 و 3و كاين حتى لي يلحق ل10 حتى يلقى البنت لي يرتاحلها و تعجبو طبعا الخطبة الشرعية نتحدث
انت هذا الشخص معليش ميقلقكش
احسن حل لهذي الامور و بالاخص الزواج الاستخارة ...الاستخارة راكي توكلي امرك لربي سبحانو و هو لي يقربلك السيد او حتى يطرق باب داركم اخر
و انا نشوف 4 اشهر و محكاوش معناتو و هذا يبقى رايي طبعا انو بطلو بالصح انا ننصحك انو كبير داركم يتصل بكبير دارهم مهيش عيب او ضعف قال اذا جايين قولو اذا بطلتو ربي يسهل مكانش مكتوب

و ممكن تكون ظروف اخرى مخفية محكاش عليها ا

المهم استخيري اختي و يبقى الزواج مكتوب
نحكيلك حكاية انا خطبت فتاة مبغاوش يردو اذا قابلي او لا حتى عيطت انا باباها يقلي شوف جدها انا خاطي و جدها يقلي شوف باباها انا خاطي
انسحبت و الحمد لله متقلقتش لانو ربي بعدني عليها او بعدها عليا ربي


بالتوفيق اختي

[محمد جديدي التبسي]

يليق بالفتاة ان تكون عزيزة ومطلوبة لا أن تستفسر كثيرا عن رجل كلمها او تقدم لها ثم هرب ..اللي يكون راغب في فتاة ما سيستعجل في اجراءات الخطبة ولو كان فقيرا معدما ..اما من يرمي أكثر من خيط وليس له رغبة حقيقية في فتاة ما سيهرب أكيد ان كان ضعيف شخصية لا يمكنه ان يواجه..ربي يفتح عليك

[first first]

يااختي مكتوب
وحتى لي شرطتي وراحو ولم يرجعو ستلومين نفسك وتقولي اكثرت الشروط

مكاتيييييييييييييييييييييييييييييييييب وخيو في غيرو.

[زبدة ذايبة]

المشاركة الأصلية كتبت بواسطة مصطفى_س

تسمى تشجعي فيها باش تتشرط و هكذا تتزوج
الله يهديك

يوجد أشياء يصعب أن يتفهمها الرجل

الشروط حق للرجل والمرأة

لكن أن يضع الرجل شروطا في الزوجة المستقبلية

وفي المقابل يكون هناك اللا شرط من المرأة

فهذا والله عين الذلة والمهانة لها

أما فيما يتعلق بالمهر فهذا أوجبه الله على الرجل يدفعه للمرأة

[*أم سجى*]

اختي وانتي علاش راكي تنغبني وحدك وتنكواي ران حاسة بيك وبلي راكي تمري عليه امالا ننصحك خليك مالسكات هاذا لي راكي فيه اخرجي لداركم بالحرف الواحد قولي لبباك (..شوف هاذ الناس يلا راهم مكملين معانا ولا خلاصة الحكاية) هكذا بباك أو خوك يهدرمع هذ الناس وتتضح الامور ...وتحطو النقاط عالحروف باش يلا راه يجبد في روحو يبان ولا راه مزال معاك يبين نفسو .........بزاف عليك يابنتي تحطي راسك عالمخدة تباتي تخمي وحدك شكون راه حاس بيك روحي اهدري على روحك....قوليلهم فهموني من حقك تعرفي واش راه صاري هادي راهي حياتك مكيش تلعبي ........انشاله ربي يتمملك ويهنيك............................... ملاحظة:كي تطلبي منهم يفهموك فالحكاية مش معناها أنك تطابيه بالرجوع ليك لا ....معناها أنك تطالبي بتوضيح الامور المصيرية ووضع الموضوع أمام العين ...قال هاك هاك هاك.......كملتو معنا ربي وآمين ....متكملوش كل واحد في حدو........غير السكات لالالالالالالالالالالالا.فهمتيني اختي......يلا ظهر بلي مزال معاك كملي معاه نورمال ويلا ظهرت الحكاية خلاصت تربحي راحت البال وكملي حياتك وانشاله ربي يعوضك ماخير منو...

[♥لَيْلَىّ♥]

ربي يفرج ويعوضك بالخير

[الفقيرة إلى ربها]

يا اختي هوني عليك،الامر بيد الله و كل شيئ يصيبك له حكمة .
ما تتحدثين عنه حدث معي ما يفوق ست او سبع مرات.و انا الان و الحمد لله مخطوبة و زفافي قريب ان شاء الله.
لن اقول لك مثلما قال البعض بانه عليك ان "تتشرطي".ابق كما انت و اتركي الامر لله و استخيري،صدقيني لن يخذلك.اقول هذا عن تجربة...فما حدث معي بخصوص الخطبة و الزواج قصة طويلة و بلاء لن تصدقيه اذا سردته عليك،لكنني تجاوزت المحنة و خرجت منها اقوى مما كنت عليه.و انعم الله علي بزوج متدين و خلوق تحلم به كل مسلمة ....الصبر ثم الصبر ثم الصبر

[روح المي]

صبر ثم الصبر
انا نحير في هذوا ناس يخلوا بنات ناس يستنوا واذا تخطبت يقولوا عليهم كلام بذيئ ربي يهدي
الله اعلم انه قد انسحب ...وادعي ربي يرزقك زوج الصالح..وربي يرزقك زوج الصالح واستخيري

[رَكان]

السلام عليكم ...
التجربة التي مررت بها يجب أن تكون درسا لك في المستقبل ..
نعم فكثير من التنازلات والقبول بأي شيء هو يكون منفرا لأغلب الرجال الا من رحم ربك من أصحاب العقول ..وكم هم هؤلاء أصحاب العقول موجودون ؟؟؟
هل تعرفين شعرة معاوية ؟ عليك بها مستقبلا ..فلا تشدد يبعد الخطاب اتقاء شرك ولا تساهلا يشعرهم أنك لاتساوين شيئا ..
نصيحة مني إنسي موضوع هذا الخاطب ..واحذري أن تبادري من طرفك أو من طرف أحد أفراد اسرتك الإتصال به والسؤال عن قراره ..فإن ذلك لاأجد فيه غير مزيد من الإهانة لك .