الجزء163من كوزينة واش طيبتي اليوم ؟؟.؟؟؟.؟؟

[@رنيم الأمل في الحياة@]

المشاركة الأصلية كتبت بواسطة ام هدول

الحمد لله لي حملتي الصور وبصحتك البسبوسة تشهي

شكرا يسعدني تقييمك

[ام عبدو و ملاك]

سلام لبنات بصحتكم كامل واش تغديتو
ام تاجو قتلتيني بالضحك يا البابيشة وبصحتك الغدا
ام لجين ربي يجيب الشفا لميمتك وبارك الله فيك على الوصفة

[حياة نور الدين]

السلام عليكن تفضلوا فطوري بغرير

[oum ibrahim]

المشاركة الأصلية كتبت بواسطة البحر الصافي

السلام عليكم
دخلت نبارك لام اسلام ونقلهااسمحيلي عندي ظروف مدخلتش لكوزينتك
لكن مجيتش بيديا فارغين هذا الخبز لي حطاتو ام ابراهيم الله يجازيها كل خير
بالصدفة شفتو وشهاني وعندي يامات ونقول نجربو هذا وين كتب يهبل يهبل
يعطيك الصحة ام برهوم كي كنت نحط في المقادير لقيت هادي العجينة مالفة بيها
هي تشبه لعجينة الاخت نينا فرات ندير بيها بريوش وبيتزا وخبز محشي هايلة وخفيفة
لكن الفرق انو مفيهاش البيضة برك وتجي مليحة في الخبز المحشي او البيتزا لكن عجبتني فكرة اضافة البيضة لما نديرها حلوة المهم بارك الله فيك افدتي الجميع والشكر موصول لصاحبة الوصفة تحدثت كثير تفضلو

صباح الخيرات يا الحراير يومكن موفق و سعيد
كنت نراجع و شفت بريوش البحر الصافي يعطيك الصحة اختي خرجلك روعة
فقط حبيت نوضحلك انو هذي العجينة تختلف تماما على عجينة نينافرات و كنت جربت عجينة نينا من قبل فعلا رائعة قطن لكن الفرق كبير بيناتهم لانو الي حطيتها فيها بالاضافة للحليب كاس ماء و مافيهاش بيضة و مافيهاش خميرة الحلوى وفيها 2مغارف خميرة و الزيت نص كاس اما نتاع نينا فيها الحليب و بيضة و ربع كاس زيت ممكن طريقة التحضير تتشابه و هي طريقةانك تخلطي السوائل اولا و تخليهم يخمرو شوية ثم تكملي باقي المقادير

[حياة نور الدين]

المشاركة الأصلية كتبت بواسطة ام هدول

صباح الخير عليكم يوم منور ك وجوهكم المنورة وربي يحلي ايامك كالتحليات والروائع لي تحطو فيها
جبتلكم تحلية لام اماني درتها البارح .....الصابلي بالفلون ..جات رووووعة

صباح الانوار والتحليات بصحتكم

المشاركة الأصلية كتبت بواسطة oum islem

السلام عليكم ورحمة الله
صباح العافية والمحبة لكل الطيبات الغاليات
يوم سعيد وموفق للجميع

أم هدول بصحتكم التحلية تهبل كما كل وصفات الغالية أم أماني

مسلمة طارو عينينا واحنا نستناو في أم لجين :d خصنا نديرو مظاهرة حتى لدارها خخخ
ايمان قارعي معانا حتى يفرج ربي
أم الجوج صباحك خيرات ومسرات حبيبة وبصحتكم الجلبان والكسرة

ام عبدو وحيوتة عشاكم بالصحة والهنا وعجبني من قلب الحدث زعما على المباشر خخخ
ريمة شكرا على وصفة لي دوم تاع أسماء باين تخرج بنينة تهبل

من بعد نكمل مراجعة
غدانا قراتان البطاطا تاع ليزاتي ونشوف واش نزيد للزعيم ما يحبش لا بيري والاجبان




لا قغاس ماتيني الله غالب الوقت بحح

المشاركة الأصلية كتبت بواسطة oum islem

صباح الخير حيوتة ديري طجين الصرف تاع أم ماجد ساهل وينحي شدة عليك

عشانا البارح شوربة مع بيتزا اكس براس تاع ام ساجد تهبل خفيفة وسريعة صح بصح حرفت فيها ما جاتش تقرمش جات خفيييييفة وطرية تهبل تهبل الله يعطيك صحتك ام ساجد وينجح وليداتك ويخليلك والديك العزاز

نروح نحارب شوية ونلتقي بعد الظهيرة
في أمان الله غالياتي

اهلاااا وصباحك ونهارك مبرووووك
بصحتك لقراس ماتيني وبصحتك واش رايحة طيبي ومنبعد احكيلي على طبق الصرف

المشاركة الأصلية كتبت بواسطة أم محمد تاج

صباحوووو سميناتي الحلوااات البطااات الرشيقااات الأميرااات النائمااات اخخخخخخخصصصصصصصصص
اريج البسكرية راكي غالطة وتقولي عندي بزاف متبعتكم نونونووو شكون قالك طاطا يخرب دباديبك انا شابة والسر يقطر ومازالني بابيشة البابيشات ههههههه
مراحب اروى الكوزينة كوزينك
لبنات طيابكم ولا اروع حيوووتة ام لجين جازيا مسلمة حنوونة شهيتك في الجنة وتحلية ام هدووول وام اسلام يااي على البيتزاااا تسلمن حبيباتي
غدايا على الاغلب عدس ورخساااس محروووقة هك يحبها زوجي ههههههه
يوم موفق لكن سلاماتي ومواحاتي

اهلااااا اووووو حسابلي غير انا بابيشة طلعنا زوج خخخخخخ لوكان تسمعنا الداية هههه

المشاركة الأصلية كتبت بواسطة أم لجين هيثم

السلام عليكم
صباح الخير على الجميع
نشركم كامل لي عجبهم القاطو جازيا أم البنات والله ضحكتيني و ام عبدو و ملاك ومسلمة بالفطرة و الاخت ايمان وام اسلام والله شوية مانيش هانية برك امي مريضة شوية راني كل يوم نروح نطل عليها لهذا منيش ندخل بزاف دعواتكم ليها بالشفاء
وهذاك القاطو راهو قصتو قصة شفتو يحطو فيه لي يخدمو القاطو سيركوموند في الفايس طلبتهم في الوصفة وانا كنت مدايرة واحد تاع ليدوم من قبل راهو في وصفات الحراير يشبهلو شوية المشكل كي تطلبيهم في وصفة وحدة محبت تمدهالي تقولي الرزق رايح يتقطع عليهم اول شيء الرزق على ربي وزيد وحدة من قسنطينة ولا من دزاير ميمنعش تمد لوحدة وصفة تسكن في سطيف ولا باتنة خطراكش منضنش انو وحدة تسكن في ولتية تروح دير القاطو عند وحدة في ولاية اخرى والله حيروني تاع الصح لاه البخل هذا

المشاركة الأصلية كتبت بواسطة أم لجين هيثم

قمار فيهم درتو بطريقتي واش تقولو جبتها ولا لا منخليهش في قلبي هههههه


هذه المقادير ديرلك 60 حبة تماما

اهلاااا اختي وربي يشفي ميبمتك وشكرااا على الوصفة وربي يهدي خخخخ

المشاركة الأصلية كتبت بواسطة @رنيم الأمل في الحياة@

اوكي اخيرا قدرت نحمل الصورة
بسبوسة من مطبخي

بصحتكم اختي

المشاركة الأصلية كتبت بواسطة ام رويدة

السلاااام عليكم ورحمة الله
ام اسلاااام الغااالية اسمحييييلي ماشاركتش فكوزينتك رغم انني فرحت بزااااف كي فتحتيها والله المشااااغل لا تنتهي والحمد لله اولا واخيييييرا
ندا لايمنع انني نطل عليكم من دااااك
ونشوف الروااااءع والخيرااااات ماشاااء الله عليكم كل وحدة باسمها ربي يبارك في ارزاقكم واعماركم واهليكم ياااارب
البنااات اسمحووولي عندي استفسار دوك نحطو في قسم الدردشة في صالون ام جوجو نتمنى تجاوبوني

اهلاااا اختي وربي يهني بالك ولك وحشة

المشاركة الأصلية كتبت بواسطة omjoujou

سلام لبنات
جازيا ربي يشفيك حنونتي
ام لجين وهيثم يعطيك الصحة على وصفة القاطو انا تاني عجبني وزيد يقطع ربي يشفي ميمتك
ريما87 المادلان خرجلك هاااايل يعطيك الصحة
ام تاجووووو لعزيزة بصحتكم العدس والرخساس اممممممم
ام اسلام حبيبتي بصحتكم غراتان البطاطا
ام رويدة ذرك نروح لصالون نشوف انشغالك حبيبة
غدايا رخسيس وجلبانة بقالي نوجد السلطة والحمد لله اللهم ادمها نعمة

امممم بصثحتكم اختي

المشاركة الأصلية كتبت بواسطة ام هدول

جبتلكم غدايا قبل ما يدخلو بناتي
بطاطا مقلية وسلاطة الجزر والزعلوكة الغالية ام رحاب

بصحتكم ام هدول الخفيف الظريف

المشاركة الأصلية كتبت بواسطة arwa alaa

صح غداكم انا غدايا شكشوكة وكسرة والعشاء جاري وبوراك ........بصحتكم يا الحراير

اهلااااا اروى هادي غيبة وبصحتك الاطايب

[أم محمد تاج]

صح غداكم بابيشاتي الحلواااااااااااات
حووووتة اوووووو اسكتي برك الغاشي يحسابنا عزاااااايز اخخخصصصصص هههههه والغرايف ماخلاو فيا بصحتكم
ريمة المادلان رووعة روووعة
الامل البسبووسة تهبل بصحتكن
ام الجوووج بصحتك حنوونة الجلبانة
ام رويدة مسامحة يالغالية
مممم ام هدوول بصحتكم وربي يرجع ام رحاب الحنينة الغالية بخيير يارب
ام برهووومييي اخخخخصصصصصص ماشفتيش واش حطييييت طيب طيب
ام عبدووو واروى وام لجين والغاليااااات بصحتكم حبيباتي مطرح مايسري يمري

[oum islem]

السلام عليكم
صح غداكم غالياتي ما شاء الله عليكم راكو تجرو جري
ما نزيديش ندير الاقتباسات باه طول الكوزينة شوية

نحطلكم غدانا اليوم قراتان البطاطا تاع حبيبتي الغالية ليزا العسولة حرفت فيه شوية
وبيض مغلي والحمد لله

[البحر الصافي]

السلام عليكم
شوفو واش جبتلكم خبز محشي بعجينة ام برهوم الغالية مممم
بسم الله
متضحكوش على التشكيل شوي ناقص حشيتو بالموجود صوص تاع الطون
وبطاطا مقلية وبيض مغلي ومرابي وفرماج

[oum islem]

المشاركة الأصلية كتبت بواسطة arwa alaa

السلام عليكم واش راكم يا الفحلات
يعطيكم الصحة على الخيرات والف مبروك الكوزينة يا ام اسلام
انا من متتبعي الكوزينة وتعلمت منكم بزاف حوايج يعطيكم الصحة

مرحبا بيك اروى بين حباباتك في الكوزينة دوك تحلالك اللمة وكل يوم تستفيدي من الحراير ما شاء الله عليهم

[oum islem]

المشاركة الأصلية كتبت بواسطة simassim

السلام عليكم والرحمة.

الف مبارك افتتاح الجزء. غاليتي. ام اسلام ربي. يجعلها مربوحة عليك ربي يبارك في صحتك ووقتك. وكل الفحلات

ماحبيتش. ندخل. قبل. ماندير حاجة حلوة. كيفك. بسبوسة. درتها اليوم. وشي. صور من الارشيف. راني. مشغووووا لشوشتي. هاد اليامات. نسلك برك. وننسى مانصورش

تحياتي. مواات. لحباباتي. توحشتكم.

انت الحلا كله يا ام الحلا
يعطيك الصحة على البسبوسة مع شاربة الشاربات الله الله كما نحبها

[البحر الصافي]

المشاركة الأصلية كتبت بواسطة oum ibrahim

صباح الخيرات يا الحراير يومكن موفق و سعيد
كنت نراجع و شفت بريوش البحر الصافي يعطيك الصحة اختي خرجلك روعة
فقط حبيت نوضحلك انو هذي العجينة تختلف تماما على عجينة نينافرات و كنت جربت عجينة نينا من قبل فعلا رائعة قطن لكن الفرق كبير بيناتهم لانو الي حطيتها فيها بالاضافة للحليب كاس ماء و مافيهاش بيضة و مافيهاش خميرة الحلوى وفيها 2مغارف خميرة و الزيت نص كاس اما نتاع نينا فيها الحليب و بيضة و ربع كاس زيت ممكن طريقة التحضير تتشابه و هي طريقةانك تخلطي السوائل اولا و تخليهم يخمرو شوية ثم تكملي باقي المقادير

ام ابراهيم اختي حسيت انك زعفتي من كلامي لكني منقصد حتى حاجة لاني تكلمت بكل عفوية والله يعلم بنيتي نعرف انك شاف وافدتي المنتدى بالكثير
والعجينة قلت انو تشبهلها فقط وكون نلاحظو تقريبا كل العجائن تتشابه وكل واحدة والاضافات تاعها هذا مكان انا ثاني كنت نضيفلها خميرة الحلويات

[أميمةالعربية]

السلام عليكم مبارك الكوزينة الجديدة

[oum islem]

المشاركة الأصلية كتبت بواسطة simassim

يسلمو يديك سيما ويدين الشطور أسيستون شاف يوسف لو ممكن تسميلنا الطبق الأول ؟؟؟

[oum islem]

المشاركة الأصلية كتبت بواسطة جازيا ام البنات

مفيش اجمل من دعاء للاحبة على الصباح ربي ينورك ويبارك فيك وفي اولادك وزوجك
انا شخصيا مانقدرش نعاندك دخلت نصبح عليكم ورايحة باذن الله للطبيب ربي يسهل علي وعليكم ويشفيني ويشفي كل المرضى ويجعلنا كلش تخفيف من الذنوب
بصحتك الجلبان مطرح مايسري يمري

جازيا ربي يشفيك ويعافيك زكاة نفس ودافعة كثير من البلاء ما يكون غير الخير وألف سلامة عليك

[oum islem]

المشاركة الأصلية كتبت بواسطة أم لجين هيثم

السلام عليكم
صباح الخير على الجميع
نشركم كامل لي عجبهم القاطو جازيا أم البنات والله ضحكتيني و ام عبدو و ملاك ومسلمة بالفطرة و الاخت ايمان وام اسلام والله شوية مانيش هانية برك امي مريضة شوية راني كل يوم نروح نطل عليها لهذا منيش ندخل بزاف دعواتكم ليها بالشفاء
وهذاك القاطو راهو قصتو قصة شفتو يحطو فيه لي يخدمو القاطو سيركوموند في الفايس طلبتهم في الوصفة وانا كنت مدايرة واحد تاع ليدوم من قبل راهو في وصفات الحراير يشبهلو شوية المشكل كي تطلبيهم في وصفة وحدة محبت تمدهالي تقولي الرزق رايح يتقطع عليهم اول شيء الرزق على ربي وزيد وحدة من قسنطينة ولا من دزاير ميمنعش تمد لوحدة وصفة تسكن في سطيف ولا باتنة خطراكش منضنش انو وحدة تسكن في ولتية تروح دير القاطو عند وحدة في ولاية اخرى والله حيروني تاع الصح لاه البخل هذا

ربي يشفي الغالية ماماك ويعافيها
ومشكورة جدا على الوصفة وبطريقتك ابداع ما شاء الله عليك
ممكن راكي مع مجموعة البخيلات في الفايس شوفي في الوصفات المصورة
راني حطيت شحال من صورة ووصفة تاع لي دوم حتى انا ممكن نديرهم لعرس وليد عمتي عجبوني بزاف شكلهم جميل