اقتباس:
المشاركة الأصلية كتبت بواسطة oum ibrahim
تحريفاتي في وصفة خبز الباغيت لام وليد
علمت نفش مقادير الوصفة زدت شوية في كمية السكر و زدت مغرف حليب بودرة وزدت شوية في خميرة الخبز
درت كاس حليب دافئ +3ملاعق سكر +ملعقة و شوية خميرة الخبز + ملعقة حليب بودرة + بيضة +كاس فرينة خلتطهم خليتهم يخمرو حتى يديرو فقاعات ممكن ربع ساعة الى 20 دقيقة ثم اضفت ربع كاس زيت +خميرة الحلوى +ملح + لفاني + كاس ونص الى 2 كيسان فرينة وعجنتها مليح نحصل على عجينة طرية تتلاصق نخليها تخمر
نقسمها على 8 كراات نحل الكرية و نلفها مثل الباغيت و ندهنهم و نخليهم يخمرو مليح ثم نطيبهم و نحشيهم بالكريمة
الكريمة استعلت الجاهزة فانواز شكولا +ملعقة كبيرة نشا +سكر حسب الذوق +2كؤوس ونص حليب نحرك بارد في بارد و نحطهاا فوق النار تعقد نفرغها في اناء نزيدلها مغرف مرغرين +2ملاعق نوتيلا و نخليها تبرد مليح ثم نضربها بالباتور حتى تولي خفيفة و مافيهاش تكتلات ونحشي بيها البريوش و الف صحة و هناء
على فكرة استعملت فرينة سيم خاصة بالبريوش روووووووووووعة و تاني في عجينة التوريق نستعمل فرينة التوريق تعطي نتيجة مبهرة
هذه وصفة ام وليد
وهذا تطبيقي
و الحمد لله حمدا كثيرا طيبا مباركا فيه |
يسلمولي يديواتك وتحريفاتك تاع الصح يعطيك الصحة عجبني بلبزاف
واكيد نطبق الوصفة بتحريفاتك ربي يرزقك سعادة الدارين ويجازيك على قد ما راكي تعاوني فينا وكل مرة تدخلي نهز من عندك حاجة ولو حتى الديكور
( تقرير عن مشاركة سيئة )، و الموجودة أسفل كل مشاركة .
2016-04-23, 09:33
العرض المتطور
