الجماعة الزواج ولا صعيب وانا ابلغ من العمر
الثلاتين قصتي كنت زوالي معنديش نهار كاين ونهار مكاش خدام عند الشعب وناوي الحلال بحكم تربيتي خطيني العلاقات الغرامية بالنسبة للاخرين كنت اعتبر ماشايفش المهم كملت قرايتي وديت ليسانس ودخلت الخدمة قبل مانخدم كي كنت نقرا غجبتني انسانة روحت قصدتها لدارهم هدرت معاهم قالولي البنت رايها وحدها واحنا نطلبو 18 مليون وتكون غندك سيارة ودار قريبة لدارنا يعني هي من الشرق وانا من الغرب اما البنت قالتلي مدام راك تقرا مزال .....ومبعدها روحت ل 4 بنات بمساعدة اهلي مكان والوووو نفس الهدرة المهم كي خدمت في منصب مهم شريت سيارة وبنت داري ولاو هوما يجرو من ورايا نبدل الرقم يجيبوه وزيد الحومز كامل ولا يمعنو عليا بالهدرة راني كبير لازم نتزوج وباه نزيد نتاكد حبيت ندي وحدة مقناعو قلت منصارحش بعملي ورزقي روحت لوحدة عجبتني قلتلها بلي انا زوالي نهار كاين ونهار مكاش وانا في الحقيقة لاباس عليا قالتي روح غسل فمك عاد فكر في الزواج ....شفتو كيفاش ومبعدا سقسات عليا وقالولها لاباس عليه وساكن وحده وعندو سيارة ولات تجي تفوت من حدا مكتبي وتقيسلي الشررات شفتو كيفاش وافلب الي روحتلهم لقيتهم مشهورين بالفسق الحمد للله ربي نجاني منهم وراني مليح وحدي مخاصني والو ديجا معنديش نزوات شيطانية متدين والحمد لله ومععا القانون الجديد خليتهالكم منتزوجش ابدا الحياة طموحات واهداف نعيش احلامي خيرلي
وحسب ماشفت في منتداكم المشاكل الزوجية بففف مخصنيش الي تمرضلي راسي قليلة الي تصبر واكيد الي متصبرش على قلة المعيشة ماتصبر في الدار بعد الزواج ...... مع احترامي للجميع