الجزء 160 من واش طيبتي اليوم......كوزينة رجوع الغائبات الغاليات

[x ام رحاب x]

المشاركة الأصلية كتبت بواسطة حياة نور الدين

السلام عليكم انا فطوري كسكس بالدجاج والخضر مرق احمر ومصورتش كنت شوية منارفية ههههه

بصح نحطلكم كسكس من الارشيف

امزية كنت منارفية باه انشوفو هادا الخير الله ايبارك ايشهو كاملين تسلم ايدك وماتزعفي روحك ماوالو الدنيا ماتستاهلش الزعل ياقميل

[sandibal]

اسلام عليكم أخواتي نتمنى تقبلوني معاكم أنا داءما نتبعكم خلف الشاشة هاذا اروكي قاطو تاع يوم ميلاد وليدي رربي يخله ويخليلكم اوولادكم

[حياة نور الدين]

اهلااااا ام رحاب والله يحفظك على كلامك وعينيك شابين

سانديبال اهلاااا معنا ونقبلوك بفرح وسرور وربي يحفظ وليدك

[حياة نور الدين]

قمر اختي سالتيني على المحمصة
انا عندي طريقتين

حطي زيت والبصل والفلفل الاسود والاحمر وقرفة وراس الحانوت واللحم او الادجاج او اي حاجة تبني بها وقطعي حبة بطاطا وحبة جزر وحبة قرعة وحبة لفت مربعات صغار وينينة ثوم وملح وملعقة طماطم مصبرة وحبة طماطم مرابية وقلي مليح زيدي الحشبش وكاس ماء وخليبه حتى يغلي زيدي الماء باش طيب الخضرة كي طيب نرحيها ونضيف طماطم مصبرة ادا خص ونمرق كي تغلي نضيف حمص ومحمصة تاعنا ونخليها تطيب وادا حبيتي جومبو




اما الطريقة الثانية واللي جي اممممم
نتبعوا نفس المراحل الاولى منديروش غير الثوم وكي نمرقوا منديروش الحمص
في طنجرة اخرى نديروا زيت وثوم وحمص وملح وفلفل اسود واحمر وحار وكمووون نقلوا ونزيدوا كاس ماء كبير كي يغلي نضيفوا بولات الكفتة المخدومة بالملح والثوم والحشيش ونحطوهم يطيبوا وطماطم مصبرة

كي توجد المحمصة او البركوكس نسقوه في صحن ونسيقوا من فوق بالمرق اللي طيبناه والله جربيها رووووعة وحتى ولادك ميحبوش الحار انا نطيب المحمصة عادي وفي المرق الثاني ندير الحار ومنديرلهمش من فوق
ان شاء الله افدتك وكاش سؤال انا بالخدمة

[ام سهام 02]

[حياة نور الدين]

اهلااااا ام سهام والله لك وحشة كنت رايحة نديرلك نداء وتفكرت نهار قلتيلي راني مشاركة في بزااااف منتديات قلت بلاك راه مشغولة وتراجعت على النداء
المهم لك وحشة عزيزتي والخهيراااات رووووووعة بريوووش روووووعة حلي وناقشي وطيحي بالوصة ههه

[hiba beba]

[رزيقة16]

ام سهام الوصفة تع البريوششششششششش بالكي تنساي راني نستنا حنونة

[hiba beba]

المشاركة الأصلية كتبت بواسطة sandibal

اسلام عليكم أخواتي نتمنى تقبلوني معاكم أنا داءما نتبعكم خلف الشاشة هاذا اروكي قاطو تاع يوم ميلاد وليدي رربي يخله ويخليلكم اوولادكم

عيد ميلاد سعيد لوليدك ربي يطول عمرو و تشوفيه في أعلى المراتب و يعطيك الصحة على القاطو خرجلك هايل

[رزيقة16]

المشاركة الأصلية كتبت بواسطة sandibal

اسلام عليكم أخواتي نتمنى تقبلوني معاكم أنا داءما نتبعكم خلف الشاشة هاذا اروكي قاطو تاع يوم ميلاد وليدي رربي يخله ويخليلكم اوولادكم

عيد ميلاد سعيد ا ربي يفرحك بيه نشالله

[hiba beba]

المشاركة الأصلية كتبت بواسطة ام سهام 02

امممممممم يعطيك الصحة قاطواتك يسخفو

[القناعة كنز]

ام سهام البريوش هااايل الوصفة الله يعطيك و يرضيك

[omsalah]

اهلا بالغالية ام سهام والله كل مرة اتفقدك الله لايغيبك

[ام سهام 02]

المشاركة الأصلية كتبت بواسطة حياة نور الدين

اهلااااا ام سهام والله لك وحشة كنت رايحة نديرلك نداء وتفكرت نهار قلتيلي راني مشاركة في بزااااف منتديات قلت بلاك راه مشغولة وتراجعت على النداء
المهم لك وحشة عزيزتي والخهيراااات رووووووعة بريوووش روووووعة حلي وناقشي وطيحي بالوصة ههه

اهلا بيك حبيبتي حياة و اش ركي ههههههه ضحكتني على راني نشارك في عدة قروبات ماني نشارك في حتى بلاصة مشاغل برك ووقتي موش يسمح برك

راني لبيت طلب حبيباتي ام امينة و ام عبد الرحمان ودخلت كلقيت عندي وقت و مركز التحميل اارضا ههههه

وصفة البريوش

1كاس حليب دافي و كاس لبن و ملعقة اكل و نص خميرة خبز من 3 الى 4 مك سكر و نخلط كامل و نخليه 10 دقائق حتى يعمل فقعات نضيف الفرينة حبة بيض و 1مص ملح حتى نتحصل على عجينة تتلصق ندخل حوالي 100غ زبدة ماغرين طرية ونخبط العجين مالفوق للتحت حتى تترطاب ندخلها في كيس مبلل بماء دافي و نتركها تخمر كتخمر نحبط لها الخمور و نرش طاولة العمل بالفرينة و نعمل حربوش ونقطع قطع و كل قطعة نكورها ونشكها اما دي بتي با محشين بالشكولا او كورات محشية ايضا و نعمل لها علامة زائد مالفوق و نحاليهم يخمرو وحد 15 دقيقة و ند هنهم بخليط التلميع و نذر عليهم السكر و الخبيزات كاوكاو ايفيلي
و بالصحة والهنا

[ام سهام 02]

المشاركة الأصلية كتبت بواسطة omsalah

اهلا بالغالية ام سهام والله كل مرة اتفقدك الله لايغيبك

ربي يخليك و يحفظك حبيبتي ام صلاح الف شكر يا طيوبة