إلى الماكثات في البيت و العاملات

[sunshine2013]

المشاركة الأصلية كتبت بواسطة oumadoumawayouta

comparaison n'est pas raison mr othmane
bekri makenouch ykhalsou al kra wel les factures mr othmane

denya tbedeler

w chkoun galek bekri kenou nssa amirat

mnin lihoum ya hasra

rak wekila tahdar ala hadouk al nssa li nchoufouhoum f les tableaux taa delacroix
win nssa lebssin karakou w gaadin fi dar yahadrou

ya akhi denya tbedelt w rah ahdek al wekt li kenou fih nssa yekhedmou koulech fel dar w yekhedmou meme barra f les champs

w li kanou chwi lebes bihoum kenou andhoum khedemmet w meme des allaiteuses yrad3ou wledhoum w nssa yaghasloulhoum souf w ydirou menage

wekt taa dork koulech bel swarad

malheureusement
ida kenet hiya radhia brajelha fakir hiya horra

besah ida hiya fel dar bin 4 murs w rajelha sbah yokhroj w ybala3 el beb bel meftah w yweli fel lil w ygoulouha ahamdi rabi andek frigo maamar koul ma tkoulou atini nechri shampoing non non non

w koul wahda horra wel khedma mech aib
men bekri nssa yekhedmou meme kbel saida aicha radia allahou anha

khedmou meme fel flaha
wel wekt mech kif kif

hna wektna hakda dayer



(wech t3achit al bereh wech taybetlek al madam rani sure bli mechi tamra w hlib)

بارك الله فيك أختي
كاين راجل يقولك راكي تاكلي تشربي احمدي ربي كي شغل نتي حيوان ماعندك حتى هدف خاصة ما يكونوش الدراري نهار كامل و نتي مغلوقة بين ربع حيطان ، وعلاه اللي تخرج تشم هوا حرام؟؟؟ اللي تحب تلبس و تتزين في دارها حرام؟؟ اللي تحب تشوف ناسها و صحاباتها حرام؟؟؟ و المشكل تلقاي الراجل عايش حياتو بطولها و عرضها خرجات و كاين حتى اللي راهم يسافرو يحوسو بدون زوجاتهم و ما اكثرهم في قسم الحياة الزووجية و المشاكل، الانانية راهي تقتل

و راني نشوف باللي الاخ عثمان ما رديتش على التعليق نتاعي ولا ما لقيتش واش تقول؟؟؟ ولا ما حبيتش تهدر على الرجال راك داريهم ملايكة؟؟؟ علابالي كاين و كاين كيما النسا كاين و كاين، مش كامل اللي راهي في الدار راهي متهنية و مش كامل اللي يخدمو راهم يعانو و نهار يجو يخطبونا نطلبو الهنا و نظن الهنا مش غير في الماكلة و الرقاد.