وكم كانت سعادتي .. حين تُــوِّجت بتاج العفاف!!

[أمي عائشة قدوتي]

قصة أخرى

السلام عليكم ورحمة الله وبركاته كتابتي هذه ردا على سؤال سالته احد الفتيات عن النقاب اختي الغالية سالتي عن النقاب هل هو فرض ام لا اسمحي لي ان اسرد لك قصتي مع النقاب وبعدها لك القرار .لك وارجوك اسمعيني بقلبك قبل عقلك اسمحي لي ان اتكلم باللغة العامية انا كنت بنت بتحب الموضة كتير وبتابع آخر صيحات الموضة كان عمري 15 سنة كنت محجبة بس للاسف ما كان حجابي حجاب الاسلام الصحيح ومرة شفت بحلمي اني عم ارتدي الحجاب بس ما عم يصير بتطلع بالمراية بشوف وجهي حوله حفر يعني مشوه وحول الحفر فيه وسخ اسود سالت كتير من علماء الدين وكان جاوبهم لازم ارتدي النقاب كانت خطوة صعبة كتير خاصة اني بعيش ببيئة سبور جدا ولقيت صعوبة لاني افتقدت لشخص يشجعني ويحببني فيه سمعت استهزاءات كتيرة (شو هالمنظر,,,,انتي لسه صغيرة,,,,بكرا مارح يجيكي عريس,,,والدين مو هيك بقول ) ماقدرت اتحمل بعد شهر قررت اني انزع النقاب وبنفس اليوم الي قررت فيه اني انزعه شفت بحلمي زجاج بينزل على وجهي وبيتشوه وجهي بعد هالحلم طبعا قررت اني ما انزعه بس دايما يخطر ببالي سؤال نفس سؤالك يا ترى اهل بيت الرسول كانو يرتدوا النقاب وصدقيني شفت بحلمي الرسول بيخلي بنته توقف قدامي لحتى شوف حجابها وبيقلي بنتي هيك كانت تتحجب كانت لابسة نقاب وما كان فيها اي شي ظاهر شعرت انه رسول الله جاوبني على سؤالي انتي سالتي عن النقاب هل هو فرض للاسف نحنا الشباب دايما بنسال عن الفرض وبننظر لكل امر من رب العالمين على انه فرض فقط لا غير ليه ما بنشوف الفرض هو حب وعناية الهية رب العالمين ما امرنا وفرض علينا اي شيئ لانو هو هيك حابب لا بالعكس لما فرض علينا النقاب مثلا فرضه لانو بيحبنا بحبك انتي ..بيغار عليكي..ما بيرضى اي حدا يشوف وجهك بيغارعليكي لما شب رخيص بيطلع فيكي وبيرسم بافكاره شيئ عنك ربنا بيشوف الفتاة المسلمة جوهرة باهظة الثمن بيحب هالجوهرة تكون بقلب صدفة مخباية لشخص واحد بس هو زوجها معقول نعرف ربنا بيغار علينا وبيحبنا هالقد وما نعمل شي كرماله صدقيني بكرا لما رح ترتدي النقاب وانا واثقة ان شاء الله رح ترتديه لانك مهتمة فيه وعم تسالي عنه رح تشعري انك شخص مميز عند ربك لما تشوفي البنات حولك رح تشعري انو الهك ميزك عنهن لانك غاليه عنده رح تمشي بالشارع وتقولي يا ارض اشتدي ما حدا قدي انا البنت الي ربها بيغار عليها تخيلي كم مرتبه رح تزدادي فيها لما تتقدمي بهالخطوة قديه رح تقربي من ربنا تخيلي القصور الي رح تنعمل كرمالك ليه تخلي بنت غيرك عند ربك اغلى منك ليه ترضي بنات ينفذوا هالخطوة قبلك خلي شعارك((( لن يسبقني الى الله احد ))))) لو لاقيتي صعوبة هالصعوبة رح تكون ببداية الامر بس لا تخلي الشيطان يدخلك من باب التأجيل ويقلك بعد الدراسة رح ارتديه... ناس كتير بيأجلو وللاسف التاجيل بنسيهم ونصيحة لا تحرمي نفسك من فرحة النقاب ولا تسمعي لعواء الكلاب الي رح يزعجوكي لانه ببساطة هنن الي بينزعل عليهم بالعكس لما تسمعي عواءهم ازدادي قوة وثقة بالنفس وبالاخر بحب قول يا شباب امة محمد قبل ما تشوفوا الفرض امر مجبرين على العمل فيه خلونا نشوف كل اوامر خالقنا محبة وعناية الهية وبعتذر لاني اطلت الحديث بس بحب كل بنت تشعر بنفس السعادة الي بشعر فيها والي ما كنت مدركة جوهرها