جزء ****138***من واش طيبتي اليوم ---عيد سعيد وكل عام وانتم بخير ----

[saja hamed]

المشاركة الأصلية كتبت بواسطة قمر 77

حبيباتي توحشتكم مووووووووووووووووووووووووت عفوا السلام عليكم
راني بلا نت راني غير نبيراتي من عند لوسي مبصح هو اذن لينا و النت ثقييييييلة
شمس مبروك عليك افتتاح الكوزينة حلوياتك روعة يعطيك الصحة و يعطيها الصحة ماماك و كل عام و انتم بخير حاولت نراجع مبصح الصفحات كثيييييرة تفكرت نهال مبروك عليك ياسمين تتربي في عزكم و ربي يجعلها من الصالحين و لعاقبة ام احمد وصال ربي يسلك وحلها
واقيلا سجا كانت تسقسي على عادات الدزاير فالنفاس انا عندي سنين طويلة هنا و واولادي كامل زادو هنا و رحت لكامل انواع طبقات المجتمع كل واحد يدير حسب طاقتو لا صال لا والو النسا ديرولهم قهوة يبداو عادي بالعصائر و الصالي او الملفاي كل واحد وش يحب و يحطو القهوة وع باطة القهوة و رجعو يحطو المسمن و القاطو سيك و مبعد كي يعودو خارجين يمدو البياط نتاع الحلوى و مبعد التاي مع الطمينة و المقروض و كاين اللي يدير السيقار و حضرت عند ناس من الشرق الاسبوع حطو الطمينة مع الزير اول مرة نذوقو روعة
اما الرجال غالبا يعرضوهم في مطعم اذا الدار صغير او ماكاش العوان انا عرضت فالدار يديرو الشوربة و الطعام اي الكسكس هنا يحبو الابيض و كل واحد و مقدورو و ربي يسلك وحل ختك ان ششاء الله

شكرا حبيبتي قمووورة ربي يجازيك ضرك نقولاها

[ام و ابنة]

قمر انت ثاني ربي يقدرك على اولادك و يفرحك بيهم

فطوري كملنا البانيني اللي قعد من امس خاطر ما طيبناهش كامل و اليوم كملناه نوعنا في الحشوات اجبان و طن

و عملت العجينة نص سميد و نص فرينة بش العشية باذن الله نعمل المسمن و المحاجب و ربي يستر في الشكل سينون نحشم و ما نحطهوملكمش

[saja hamed]

المشاركة الأصلية كتبت بواسطة ام و ابنة

السلام عليكن اللي سلمت و اللي سقسات و حتى اللي ما سلمتش و ما سقساتش خخخخخ

شكر خااااص و كبييييير لاختي سماح 94 راسلتني عالخاص و جاوبتني على بودرة الليمون بالتفصيل و للاسف ما زال مانقدرش نراسل عالخاص روحي ان شاء الله وين تروحي تلقايها مفتوحة في وجهك و من قدامك و من موراك خضرااااااء

اختي سجا حبيت نجاوبك حنا في العاصمة النفاس عندنا سهل و كل واحد و مقدورو بصح و الله قليل اللي يديرو السابع في لاصال الناس ولات للبساطة و التخفيف و حتى الختانة كاين اللي يدير العرس و لكن الأغلبية عادو يديرو فقط عشاء لأقرب الاقارب من العايلة مثلا انا عملت عشاء لأهل زوجي و عشاء لدارنا و بسسسسسس

بالنسبة للعوايد اهم حاجة عندنا الطمينة توجدلها السميد و تحمصو من قبل توجد العسل و الزبدة و حلوة الترك و اذا ممكن المكسرات و لي دراجي ازرق اذا ولد و وردي اذا طفلة و كل ما يجيها واحد لاااازم تحطلوا الطمينة الى جانب القاطو و حتى زوجها تعطيه الطمينة في علب فردية صغغغيرة يديها لزملاءو في العمل و ممكن ايضا يعملولها صحن يدوهولها للعيادة للعاملات او حتى للي يزوروها بصح و الله غالبا ما عادوش يديو كاين اللي يشري للعاملات باطة باتيسري تع الفأل و كاين اللي ما يدي والو

الاهتمام طبعا على حسب العيادة و خاصة اذا كمستيلهم زعما الفال يقومو بيك مليح
شوفي حنا الأسعار راهي جهنم
جبت ولدي و من بعدو بسنة جبت بنتي ولدتهم بعملية قيصرية بصح التخدير موضعي يعني كنت فاطنة و شفت و سمعت كلش بصح ما حسيت والو روووعة بصح غالية لانها أغلى من التخدير العام يعني كلش بما فيه الدواء و الانتيبيوتيك و الحقن اللي تمشي الدم لوفينوكس علابالك غاليين في كل مرة حطيت قريب عشر ملاين بصح الحمد لله العيادة فارغة و هدووووء و غرفتي وحدي لاني ما نحبش مع الناس خصوصا في مثل هذه الأحوال و نزيد بالسبت نخرج بالثلاثاء لداري و البيبي ليل و نهار عندهم غير كي تحبي ترضعيه و لا تخليه معاك شوية
شوفي بصفة عامة العيادات اللي في الأحياء الراقية هي. المليحة مثلا حيدرة و سعيد حمدين و كاين تع الابيار مشهورة و لكن ما نحبهاش فيها الغااااشي بزاف

و لكن نصيحتي لاختك و كل واحدة تولد ربي يسهلهم و يعطيهم وقفة ساهلة و لكن لازم ما يتفششوش بزاف و بسرعة يحاولوا يعتمدوا على ارواحهم مليح ليهم بش بسرعة يبراو
هذا واش جا في راسي و اذا عندك سوْال ما تتردديش

شكرا اختي حبيت برك نسقسي علي لعوايد وش يحطو وكيفاه السابع واختي راهي طبيبة سبيسياليست في التخذير وراجلها ثاني هو طبيب ويخدمو في مصطفى باشة كان حبيتي مساعدة ههههههه راني في الخدمة

[ام و ابنة]

المشاركة الأصلية كتبت بواسطة saja hamed

شكرا اختي حبيت برك نسقسي علي لعوايد وش يحطو وكيفاه السابع واختي راهي طبيبة سبيسياليست في التخذير وراجلها ثاني هو طبيب ويخدمو في مصطفى باشة كان حبيتي مساعدة ههههههه راني في الخدمة

الله يبارك
مالا في هاذ الحالة تعمل السابع كيما قالت لك قمر لي صالي مع القازوزاو العصير
و منبعد لي قاتو ساك مع القهوة
و في الأخير الطمينة مع اتاي و لو ممكن اما مقروط او باقلاوة
و كي يجو يروحو تعطيهم علب القاطو
و الافضل تعمل يوم لزميلاتها لأنهم اكيد كثار و يوم للعائلة
و نعاود ناكدلك قليييل جدا وين يعملو السابع في لاصال
ربي يسهل ليها و لاختنا ام احمد وصال و ام محمد تاج و كل الحوامل و ربي يرزقك كل محرومة

[وردة سطيف]

السلام عليكم
وشراكم ان شاء الله لاباس

[saja hamed]

[QUOTE=ام و ابنة;3993964679]الله يبارك
مالا في هاذ الحالة تعمل السابع كيما قالت لك قمر لي صالي مع القازوزاو العصير
و منبعد لي قاتو ساك مع القهوة
و في الأخير الطمينة مع اتاي و لو ممكن اما مقروط او باقلاوة
و كي يجو يروحو تعطيهم علب القاطو
و الافضل تعمل يوم لزميلاتها لأنهم اكيد كثار و يوم للعائلة
و نعاود ناكدلك قليييل جدا وين يعملو السابع في لاصال
رب
ي يسهل ليها و لاختنا ام احمد وصال و ام محمد تاج و كل الحوامل و ربي يرزقك كل محرومة[/QUO
ربي يجازيك كل خير المهم يسلك ربي وحلها وهذا المهم ومبعد يجي القاطو ههههه راهي خايفة

[الرجاء الاماني المجد]

مساء الخير حبيبتي قمر كيف حالك توحشتك بزاف ان شاء الله يطلقلك النت كيف احوال الاولاد و زوجك اتمنى ان يكونوا بخير اتعرفين احس انك رقيقة الاحساس وحنونة وطيبة القلب ربي يعطيلك قد قلبك انت وام وابنة وام طيري الجنة وام مؤمن واخريات

[ام مؤمن]

واش احوالكم يا لمة الخير

كان الميكروبورطابل تاعي معطل و ماقدرتش نشارك من الهاتف وراه مشى و جيت نطل كاش طيابات و الا مازالكم مع لي قاطو

[x ام رحاب x]

المشاركة الأصلية كتبت بواسطة الرجاء الاماني المجد

صباح الخير عليكن كيف الحال اتمنى ان تكونوا بخير ام وابنة دائمة الحمد ام ياسين وزهراء مع انك لاتسالين عني ام رحاب كيف الاحوال دائما احس انني غريبة في وسطكم لا اعرف لمادا

مساء الخير حبيبتي انا مانعرفكش راني عندي 6 اشهر مادخلتش بصح الي تدخل ركن الكوزينة تعود من اصحاب الدار حبيبتي ماتقوليش هاكدا راكي منا وفينا حنونة ماكيش غريبة

[x ام رحاب x]

دائمة الشكر يعطيك الصحة حنونة قاطوك باين بنين

[الرجاء الاماني المجد]

مساء الخير رحاب شكرا اختي على الترحيب انا قلت هدا لانني اراكم تسالون عن بعضكم الا انا لايسال عني احد

[آسيا 27]

السلام عليكم
ماتوحشتونيش النت راهي مقطوعة عندي راني نكونكتي بالتابلات ما راجعت والو رايحة نشوف شا حطيتىو و نولي
فطورنا اليوم كان بركوكس و القهوة بالبسبوسة و الصابلي ً
سلااااااااااااااااااااام

[x ام رحاب x]

المشاركة الأصلية كتبت بواسطة الرجاء الاماني المجد

مساء الخير رحاب شكرا اختي على الترحيب انا قلت هدا لانني اراكم تسالون عن بعضكم الا انا لايسال عني احد

والله حبيبتي كي توالفي الكوزينة واصحابها تعودي في دارك ومع ولادك وزوجك وتقعدي تخمي عليها وعلى حباباتك انا مادخلتش 6اشهور لدرجة غار مني زوجي بيا انحبهم بزاف اصبري وتشوفي

[Om moussaab]

مساء الانوار واشراكم توحشتكم بزاف بزاف ام رحاب وشراكي يالحبيبة والله كنت متحرية عليك واش هاذ الغيبة نتمنى تكوني بخير

[Om moussaab]

لاباس الحمد لله