جزء ****138***من واش طيبتي اليوم ---عيد سعيد وكل عام وانتم بخير ----

[زينب 83]

المشاركة الأصلية كتبت بواسطة x ام رحاب x

السلام عليكم ورحمة الله وبركاته
صحة عيدكم حبيباتي ينعاد عليكم بالصحة والهنا ليكم ولوليداتكم و ازواجكم وعايلاتكم واش راكم حبيبات قلبي
ومبروك الكوزينة الجديدة وحلوياتك روعة
كلكم حلوياتكم روعة وطياباتكم اروع

اهلييييييين اهلين ام رحاب توحشناك بزاااااف بزاف الف نورتي الكوزينة ، ربي يخليك دايما منورتنا يا رب

[x ام رحاب x]

المشاركة الأصلية كتبت بواسطة ام سهام 02

اهلا وسهلا باختي الغالية المنتدى نور بيك وكل عام وانت بخير

المنتدى منور بيكم حبيبتي ربي يخليك حنونة كلامك كل يوم عسل

[x ام رحاب x]

المشاركة الأصلية كتبت بواسطة زينب 83

اهلييييييين اهلين ام رحاب توحشناك بزاااااف بزاف الف نورتي الكوزينة ، ربي يخليك دايما منورتنا يا رب

النور نورك حنونة والله انا تاني توحشتكم بزاف ربي عالم وربي يخليك ليا حبيبتي يالغالية

[اسمهان79]

المشاركة الأصلية كتبت بواسطة tamimkougi

الملتزمة بإذن الله..السلام عليكم أخواتي الحبيبات رب يحفضكم و يباركم فيكم كااااامل
°°قال عمر بن الخطاب رضي الله عنه : لولا مجالسة أقوام ينتقون أطايب الكلام كما ينتقى أطايب التمر , ما أحببت البقاء في الدنيا °°
الغــاليــة أسمهان مساؤك ظل ممدود و كلمات طيبة إلى ربها في صعود ..مساؤك طريق مليء بالورود, و جمال الأرواح فيه تسمو بلا حدود..
وانت زادا عيدك مبارك و كل عام ز انت وأهل بيتك بألف خير...ذكرتك بالخير في غيابك و الحمد لله أنك بخير....

الله يذكرك بالخير حبيبتي والله ليكي وحشة إنتي وكل الأخوات ونتكلم من قلبي
احببتكم كلكم في الله والله على ما أقول شهيد

[اسمهان79]

أم سهام توحشنا الطمينة نتاعك هاذي مدة ما شفناهاش
طير الرحمة القريوش نوعو فيه وكل مرة نشوفو الجديد بصح صراحتا ما يتشبعش
روضة حبيبتي كيف أحوال وائل الصغيرون وأكيد إنتي أيضاً كي راكي

[oum islem]

السلام عليكم
واش احوالكم لبنات؟؟؟؟؟
توحشتكم وتوحشت الكوزينة والقعدة الزينة معاكم


للاسف الردود ما تفوتش والصفحات ثقيلة
يعني المنتدى اصبح كارثة

اهلا بالغاليات منورين الكوزينة
ام رحاب اهلا بيك ان شاء الله احوالك مليحة
اسمهان ليك وحشة يا الغالية تحسنتي شوية

سلام لكل الحاضرات

[أم ياسين الزهراء]

اهلا بام رحاب واش راكي يالعزيزة
كنت نشوف في القواطو روعة والله يحلي ايامنا الكل خايفة نسمي وننسى ونزعف البطات الكل روعة

ام يزن فوتي علي مادامك جاية لبانتة واهلا بيك يالحبيبة كلامك روعة والفاظك تسعد القلب والله نحبك في الله سلميلي على الصديقة انتاعك وقوليلها جعل الله القران نور قلبك وربي يثبتني ونكمل الحفظ انا ادعولي


راني جربت عجينة ام رويدة ادا صلحت راح تلقاوني وادا ................... حوسو علي في بحث في فايدة الطبخات والخايبيات هههههههههههههه

نروح نطل على صالون زينب

[oum islem]

الحمد لله روضة يسال عليك الخير

ماعنديش مشكل في الكوناكسيون مليحة فقط المنتدى تالمون يتعبني عدت ما ندخلش

ولحفافة لي رحت ليها هايلة تخدم مليح خاصة اذا ما لقيتيش الغاشي بزاف وما لقيتيهاش عيانة
روحي انت الاولى
وبيناتنا انا نحب روحي بدون ماكياج ولا صبيغة نحس روحي اجمل بلا بيهم:d

[oum islem]

روضة اذا ما فاتتش الرسالة نحط العنوان في الكوزينة وخلاص

[زينب 83]

ام اسلام اذا الحفافة مليحة قوليلي عليها تعيشي اختي حابة تبدل اللوك و تصبغ ، انا مازال العيد الكبير اذا عطانا ربي عمر راح نحاااااااااااااول نبدل شوي و نخرج من الروتين


انا ليوم صائمة و الحمد لله
درت لازانيا و سلاطة و درت موسكوتشو للأولاد و بريوش شهاتني فيه ام سهام

ام يزن الحمد لله حبيبتي لي لقاك بحبيبتتك و ربي يجمع شملكم في الدنيا و الآخرة


زهرة اللوتس الصراحة حلوياتك ابداع يشهيو تاع الصح يعطيك الصحة


ام سهام حابة نقرعج اذا نقصت في الميزان اذا تقدري راسليني

ام ياسين اكيد من يديك العجينة راح تخرج تووووووووووووب

طير الرحمة حنا كامل نحبوك و نتفكروك انت و ايدرونو عندكم معزة خاصة يكفي المساعدة لي راكم تقدمو فيها

روضة سلميلنا على ام الجود و ربي يكون في عونها يا رب

لبنات حنان العروسة عندها بزاااااااااف غائبة يا رب تكون بخير و تاني لهنة

اسمهان هلت الأنوار غاليتي توحشنا طيابك



وهيبة و ام رهام اذا راكم تقرعجوا علينا طمنونا عليكم ماكمش تروحو من بالي ، ام يسرا المغتربة و ام يسرا صبرينة تاني عندهم مدة غائبة

[oum islem]

تقبل الله منك حبيبتي زينب
وانت علاه تستناي للعيد الكبير ؟؟؟ اذا عندك شوية مصروف روحي قلشي روحك
ولا راكي كيفي مرة في الزمان وبالمناسبات؟؟؟؟

نبعثلك عناوين زوج من احسن الحفافات في العلمة وشوفي لي تساعدك

روضة لحقت الرسالة ولا تبحرت؟

[زينب 83]

ههههههههه ام اسلام ضحكتيني هاذيك هي بالذات مرة في العام و بسيف ههههههه و الله ما مشكلة مادة ، انا ماشي فنيانة لكن في ما يخص التجميل فنيانة بامتياز و دايما هكذا نأجل، علابالك انا شعري مازال طبيعي كيما كنت صغيرة و حتى لي كوب ممكن درتهم مرتين او ثلاث في 10 سنوات هههههه يعني راني ابتدائي

[oum islem]

والله راه نفس الحال زينب
اولا الكوزينة ثم الاولاد والدار وانا الاخيرة ندير دوش واذا زدت تعبت روحي وبقالي وقت نزيد سوشوار
وكي نماكيي يقولو اولادي وين رايحة؟.؟ تالمون تبانلهم بيزاغ

اذان المغرب
سلام للجميع

[rahma2014]

ام اسلام صح عيدك واش راكي حبيبتي

زينب ارواحو عندي انت وام اسلام وروضة ديرو ستاج انا ف العام نتبدل 3 مرات ربعة من قصة شعر لصبيغة باه مانحسش بالملل مام راجلي نعجبو هكذا





ي

[oum islem]

الله يبارك في صحتك رحمة وكل عام انت زاهية

بصحتك كل فصل بخرجة جديدة خخخخخ

مازالت الحلاقة اللبنانية تخدم في سطيف ولا بدلت؟؟؟؟؟

عشانا دوارة من الغدا والحمد لله نزيد سلاطة فقط