الجزء 136 من واش طيبتي اليوم *فلنغتنم عشر المغفرة*

[أم ياسين الزهراء]

الرجاء كنت راح نحطلك صورك بصح ماطلعوش قالي خطا عاودي حمليهم

ام ساجد ههههههههههههههههه يسمى عندك سوابق عدلية ههههههههههههه دوق يجوبوك جماعة لانتربول ههههههههههههه درت لاكرام تاع تونg لاكرام بالدانيت وزهري مالقيتش فلن شوكو رحت درت فاني وزدتلو الكاكاو واكرادي الصغار عجبهم في الليل نقلك


درت شربة لسان الطير لزوجي وراح ندير بريك وبوراك والمطلوع والحمد لله

[ارزاق]

المشاركة الأصلية كتبت بواسطة narimane22

روووعة الوصفة من فضلك ممكن نديرو للعيد ان شاء الله

[أم هبوبة]

ا نشكر كل الاخوات الي دعاو لبنتي سمية بالشفاء و دعاولي بالقوة ربي يخليكم يا احلى رفقة و اخوة
يشهد الله انها اعز اولادي و متهلية فيها و مقلشتها و الاكثر مني امي و ابيي ربي يحفظهم و يرزقهم الصحة اغلب الوقت عندهم هي مقابلتها اكثر مني راه عندها دايما ما حبتش تمدهالي معونتني فيها بالبزاف ادعوا معايا ربي يخاليهالي و يعطيها صحتها لاني بلا بيها نهيم و خصوصا اني وحيدة عندي اخت وحدة متزوجة في الغربة
فطوري وجد عملت حريرية كاعادة حوت بالصوص طوماط و ارز و ميني بيتزا و طاجين حلو

[omomnia15]

سلام يا غاليات
اليوم برد قلبي فالتسياق فحفحت الدنيا ودرت للفطور شربة تورت مخشي مطلوع كي الشاطرة ولحم محمر بطريقة ليزا الله يعطيها الخير بصح راهو ريقي ناشف من السخانة ربي يلطف
عازفة كلش يشهي بصحتهم ضيافك
ام ساجد روائع واش حطيتي
دائمة بصحتك المشتريات والميناج بصح حاذري روخك السن له احكام وصحتك اسبق
من بعد يا غوالي نروح نكمل وصح فطور الجميع
المازة المقلوعة ادخلي كي يروح الحكومة يصلي

[أم هبوبة]

صخ فطوركم

[وردة سطيف]

السلام عليكم جميعا

[زهرة البستان1]

الله يبارك يسلم يديك

[وردة سطيف]

ان شاء الله تكونو كامل بخير
سامحوني مقدرتش نكون معاكم ليامات لي فاتو بصح كنت نتبع من بعيد كي تسمحلي الفرصة

[um alaa]

سلام لبنات مرانيش مراجعة بعد الفطور ان شاء الله نراجع
هدا طيابي تع اليوم
باسم الله

[um alaa]

[um alaa]

[ام محمدْ ومريمْ]

سلام لبنات
صح فطوركم ليوم طيبت شوربة فريك وتليتلي ومحجوبة نتاع الخميرة وبوراك وطاجين لحلو والحمد لله

[wahibaazel]

صح فطوركم حبيباتي.
ام هبوبة ام علاء تسلم الايادي،ماشاء الله عليكم.
ام ياسين بصحتهم الاولاد الصغار لاقلاس.
روزا راني شفت مطلوعك في الفايس خرج رووووعة
رايحة نصلي الى الملتقى

[أم ماجد]

صح فطوركم لبنات
ام هبوبة ربي يعينك يارب والله قسمتيلي قلبي خلصة انك تعملي خارج البيت العمل مضاعف
انوار الايمان غدا امضاء الخروج ونتهناو

[ام مؤمن]

المشاركة الأصلية كتبت بواسطة الريفية

وهيبة ادخلي ذرك نجاوبك في الصالون
أم وابنة وين راكي
عزوفة ليكراب هبلوني الوصفة الله يخليك ويعلي شانك
أم مؤمن لحبيبة طلبتك في وصفة طاجين الشواء تاعك كيفاش ديريه سؤالي كان في كوزينة أم فاطيمة جاوبيني

حبيبتي الريفية سامحيني هذا وين شفت طلبك و الله ماشفتو في كوزينةام فاطيمة اعتذر الانترنت ضعيفة و الردود ماتطلعليش كلها

اتفضلي الوصفة بالتفصيل حبيبتي موجودة هنا

https://www.djelfa.info/vb/showthread.php?t=1825081

هذا الموضوع كتبته البارحة بحسن نية و لم انتبه ان مضمونه تقريبا هو نفس مضمون مواضيع الكوزينة و الله كان هدفي الوحيد اني نشارككم اطباقي و طيابي و انا سابقى مشاركة معكم بكل الكوزينات دائما بغض النظر عن هذا الموضوع