الطرد متوقف عند الجمارك منذ أكثر من شهر ولم أستلم الاستدعاء او الاشعار بوصول

[always1]

المشاركة الأصلية كتبت بواسطة kader41

السلام عليكم
آخر تحديث

أرسلت صاحبي الى العاصمة أخبروه أن الطرد حجز من طرف الأمن ولا يمكن فعل شيىء حيال ذلك
تم حجزه كليا بما فيه وما عليك الا نسيان الطرد لعل يتركون ما بقي من مقتنيات تمر ويمكن لا

المهم راحت ساعة بقيمة 120 دولار وقبعة وجهاز مقياس سرعة الدراجة هباء ههههه ربي يعوض ان شاء الله

سلاااااام

اخي الكلام هاذا بكري وقت الغفله
روح تجيب طردك وحوس عليه وبركاك من الخوف
انت ماشريت والوا ممنوع
انا ناكل روحي كي شوف حالات زي هاذي ومولاهاا راخف روحه روح تجيب حقك ..الله يحاسب على لي حقه ظايع

[kader41]

المشاركة الأصلية كتبت بواسطة always1

اخي الكلام هاذا بكري وقت الغفله
روح تجيب طردك وحوس عليه وبركاك من الخوف
انت ماشريت والوا ممنوع
انا ناكل روحي كي شوف حالات زي هاذي ومولاهاا راخف روحه روح تجيب حقك ..الله يحاسب على لي حقه ظايع

يا أخي انا ماراني خايف من حتى عربي في بلاد الشكوبي هاذي نسكن بعيد على العاصمة وشقيت ليهم مرة وحدة ومرة بعث صاحبي

يا أخي قلي أين أجد الطرد بالظبط نطلع ليهم مانيش مفرط في حقي

أنت قتلي المطار لكن أخي المطار يحجزوا فيه الطرود تع dhl fedex ups وأنا أرسلت usps priority فهل أيضا تم حجزه في المطار ؟؟؟

أعطيني معلومات دقيقة ان كنت تعلم أين أذهب بالظبط في المطار وهل يوجد أي مكتب للأمن أو الجمارك يمكن أجد طردي عندهم ؟؟؟

أنا ما رانيش راخف روحي كون علمت أنو الطرد في المرادية عند بوتفليقة نروح انا المشكل تاعي خلوني في الظلمة ولا عرفش مكان الطرد وين

في انتظار أي توضيحات من طرفك وشكرا على المرور والتفاعل