لا أمل .. لا أستطيع حفظ المصطلحات .. :(

[رئاب]

ميساء حبيبتي اسمعيني جيدا
أولا أكثري من ذكر الله والإستغفار وقول لا حول ولاقوة إلا بالله والصلاة على النبي صلى الله عليه وسلم
ثانيا الإحساس بالضغط هو من يفعل بك هذا ديري في بالك :نحفظ وين وصلت وصلت ماشي لازم انكمل كل شيء ،وتصوري الأسبوع الماضي التقيت قريبة لي لم تدرس الفلسفة أبدا ومين تدخل القسم وهي تشوش واتقصر في آخر السنة حفظت ثلاث مقلات طاحت وحدة فيهم وجابت الباك ،رغم أني لا أشجع على هذا لكن باش تتيقني بلي التوفيق بيد الله
ثالثا لما اتشدي الورقة انتاع المصطلحات قبل ما تعرفيه حطي يدك وحاولي تشرحيه من راسك ثم صححي لنفسك المفهوم فقط لا الألفاظ ،الأستاذ انتاع التاريخ والجغرافيا في القسم قال هنا في المنتدى ماشي لازم نفس الألفاظ المهم تكوني فاهماتو
أما التواريخ احطيهم فوق الطابلة في الصالون أو المكان الذي تجلسين فيه كثيرا ،ونفس الشيء حطي يدك على التاريخ وحاولي تعرفي الحدث أو العكس ،كل يوم من اليوم فصاعدا راح تدخل راسك بعض التواريخ وماشي لازم كامل ،لازم يروحولنا شوية نقاط ههه
شوفي في اليوتيوب طريقة الإجابة على أسئلة التاريخ والجغرافيا انتاع الأستاذ نور الدين ماشاء الله جد نافعة ،وحاولي اتحلي مواضيع سابقة قدر المستطاع وربي يجيب ساعة الخير ماتتقلقيش برك