حمزة المجتهد مستعد للاجابة على استفساراتكم ~ الى التميز ~ متجدّد ~

[hadjer_jijel]

المشاركة الأصلية كتبت بواسطة creative chaos

عزيزتي لا يفوت الاوان مطلقا
لقد مررت بحالتك سابقا , وكان الفصل الاول هو اسوا ما مر علي رغم اني احفظ واراجع واسهر ووو تحصلت على 8 كمعدل كل ما فعلته كان ممزوجا بالخوف والمرض وقله التنظيم وجرعه كبيرة من الرعب الغير مبرر واقنعت نفسي ان الوقت فات لكنني كنت مخطئة قيمت الامور من جديد ولم ادرس شيئا الفصل الثاني و كنت ادرس بشكل خفيف بعيدا عن اي عامل يتعلق بالخوف وحمدا لله تحصلت على معدل اكبر من الاول و هو 10
تابعي حل الباكالوريات ولا تقلقي مطلقا , بالنسبة للمواد الادبيةلا تقلقي ابدا وواجهي خوفك منها وابداي تحرير الفقرات لانه يا عزيزتي لا يمكنك الهرب من هذا الامر للابد .واجهيه وسترتاحين . اتصدقين ان كثيرا عرفتهم تحصلوا على معدلات خياليه خلال الفصول لكن في عام الباك سمحوا للخوف بالتسلل فيهم اعرف شخصا ايضا عاما كاملا لم يدرس شيئا معدلاته كانت كالتالي الاول والثاني 07 والثالث 6 اما الباك فب12 السر في عدم الخوف ومتابعه المحاولة و عدم التوقف انت تعملين من اجل مستقبلك وهذا بحد ذاته مهم
غدا اذهبي واجتازي امتحانك ولا تهتمي مطلقا للاخطاء ارتكبيها الان وتجنبيها في الباك , عمري الورقة كملي الوقت حسي نفسك بلي راكي تفوتي الباك ومتقلقيش روحك كامل لانو التقلاق هوا الي ينح عليك كلش
قلتي الباك التجريبي غدا وفقك الله عزيزتي اعملي بشكل عادي ولا تفقدي الامل لانك من خلال هذا الباك ستعرفين اخطائك وتتعلمين ماذا تصححين في الباك الحقيقي لذا انها فرصة لك انظري للامر من هذه الزاوية .
طلب اخير اجتازي الامتحانات وعودي لاعرف ان ابليت حسنا ام لا ومجددا لا تقلقي ودعي ثقتك بالله وبنفسك تكون كبيرة وتاكدي انو على قد ما تحفظي وتراجعي رح تحسي نفسك مخدمتي والو لكن الصح كامل يبان في نتيجة الباك وان شاء الله تكوني من الناجحين وميكونش حلمك تبخر .
سلام .

شكرااا شكرااا لكي يا طيبة
انتي عديتي الباك؟ كم كان معدلك ؟
حسناا كلما مر امتحان ساخبركي بما فعلت
لي عودة ان شاء الله و شكرااا كثييرا ^_^
و ان امكن اريد جدول مراجعة يساعدني لاكمال البرنامج و النقائص التي دكرتها من قبل ارجوووكي

[Creative chaos]

المشاركة الأصلية كتبت بواسطة hadjer_jijel

شكرااا شكرااا لكي يا طيبة
انتي عديتي الباك؟ كم كان معدلك ؟
حسناا كلما مر امتحان ساخبركي بما فعلت
لي عودة ان شاء الله و شكرااا كثييرا ^_^
و ان امكن اريد جدول مراجعة يساعدني لاكمال البرنامج و النقائص التي دكرتها من قبل ارجوووكي

عزيزتي وفقك الله
اجابة على اسئلتك فانا لم اجتز الباك من قبل وانا مثلك ادخل على مرحله جديده من حياتي
سانتظر عودتك لتطلعيني اما بالبنسبة لبرنامج المراجعه فعزيزتي انا الاسؤا في هذا الامر لانني لا اتقيد بها مطلقا كل ما افعله هو اني احدد يوما للانتهاء واعرف الطريقه وابدا وهذا كل شيء , لم ينفع معي يوما قضيه الجداول لكنني وجدت ان غاليتي وفاء وضعت جدولين من قبل لعضوين هنا سابحث عنهما واضعهما لك انهما جيدان على حسب ما اذكر .
فقط قليل من النصائح التي اتمنى ان تساعدك وهي مزيج مما تعلمته من غاليتي وفاء و كل الذين نصحوني .
اخبرتك ان الوقت لا يفوت مطلقا لانو نهار الي تفوتي هذيك الماده نقولوا ادب مثلا نهار الي تحطي الورقه نتاعك وتخرجي وقتها صح قولي فاتني الحال اما درك مزالوا كافيك الحال ومتخميش وتوكلي على ربي .
المثل الدارج عندنا يقول : اسع يا عبدي وانا نعينك يستما نتي اخدمي واقراي والباقيه على ربي كشما سمعتي واحد مقراش وجاب الباك انا مسمتعش علا داها معرفه اما الحاجة الثانية عندك لتخلي الخلعه تدخلك راهو حاجة عادي تقراي جبتيه متقرايش راكي قاعده وراه كلش بالمكتوب عندك لتنساي هاذي الحاجه وثاني نقلك حاجة هذا مستقبلك نتي واحد مراهو رايح يغيضوا الحال قدك نتي لا باباك لا ماماك اعني لا احد وما يحس بالجمره غير الي كواتوا .
تعلمي المنهجيه فهي كل شيء وحلي ياسر باش تترسخ من ذهنك انا الفصل الاول طبقت كراس الشريعه والاجتماعيات لكن دون منهجيه والاجتماعيات منعرفش وشنهي التعليق على الخريطه الله يهديهم كل مره يبدلولنا الاستاذ نتفكر مليح بلي الخريطه ديتها معايا للدار كي لحقت ثما تفكرتها بقيت غير نضحك نتائجي كانت :
شر: 11.30 و اجت 7.30 اما الفصل الثاني وفاء نصحتني بحل البكالوريات السابقه وراجعت على اقل من مهلي والحمد الله شر:18 واجت 12 لهذا المنهجيه مهمة جدا ومذابيك يتكون اجاباتك عمليه واضحه ومختصره ومفهومه مثلا مادة العلوم التحليل الي يمدوه في 5 اسطر حطيه في سطر ونص استاذ العلوم قال بلي المصحح ميلهاش باش يشوف كامل وش كتبتي بمجرد انو يلقى كلمة مفتاحيه واختصار للجمله مع انها تكون واضحه يعطيك العلامة وتختصري على نفسك الوقت ثاني .
اياك ان تهملي مادة على حساب مادة تحبي تقراي من الصعب للسهل او من السهل للصعب براحتك حنونتي لكنك بنتيلي شويا خوافه يستما احكمي مادة تفهميها مليح وعاودي من الاول باش كي تكمليها يجيك الحافز على الي بعدها وهكذا تكون عندك دفعه مليحه باش تبداي .
السر في مزج المواد مع بعضها باش تقراي مادة وتصبري لين تكمليها باش تبداي الاخرى لالا غلطه هاذي انا مثلا البارحه اخترت اربع مواد وهي علوم وفيزياء وادب وشريعه ومن قبل انطلاقتي جيده في الشريعه والعلوم باقيلي الفيزياء والادب وحابه نخلط فيهم باش نشد من كل حاجة شويا لانو طبعا عامل الوقت مهم ومادة تطيحك ومادة ترفعك .اما موضوع الفقرات متقدريش تتجنبيه دايمن نوريلك طريقتي في الانجليزيه لانو انا و الفرنسيه للاسف اعداء على كل الانجليزية يلزم تكون عندك حصيله من الكلمات وهاذي تجي من الدرس ولا من النص عادي اضربي طله على نص ولا درس احكمي بالكلمه ومتهابيش كامل راها حاجة ساهله تاكدي انو في اللغات دايمن الامر ميخرجش عن نطاق النص ولفي نفسك تتعودي على صياغه النص بشكل اخر او لخصيه فهذه طريقه اخرى ايضا و حاولي تشوفيلك فقرات محتملين لعل وعسى تلقاي الي وجدتيها طاحت نهار الباك ونتمنى تكون لحقت فكرتي وان شاء الله نهار الي ترجع وفاء رايحه تمدلك وجهة نظر مختلفه لانو فرق بين شخص فوت الباك ومر على ذيك المرحله وعداها والاخر مزالو في ترقب وطبعا النصايح تجي مختلفه لكن المهم تخدملك واش تحتاجي وتعاونك.
شوفي نقلك حاجة عندك حلم هاذي الحاجة برك متستاهلش تخدمي علجالها ووالديك ذيك الفرحه ميستاهلوهاش راه كلش بيدك والي كتبها ربي هاذيك هيا والواحد يخدم ويتكل على ربي ويديل الي عليه وربي ميضيعش حق عبادو الي تعبوا وسهروا راكي فاهمتني يخي .
المهم لا تهملي اي مادة وراجعي بشكل عادي اذا الباك فيه خير ليك راهو يجي واذا لالا صدقيني وكان تظلي حاجة متبدلك ناصيتك ولا واش كاتبلك ربي , وكل واحد يرضى بقسمتوا بلاك تجيك في الباك وتروحلك في حاجة اخرى وبلاك تجيك في حاجة اخرى وتروح في الباك , راها ابواب الله واسعه والباك مش نهاية العالم حطيها في بالك زين وتاكدي ولو كان نظل نحكيلك ونطول نقلك على كامل الي نعرفهم وفوتوا الباك الي جابوه ومجابوهش الي قراو ومقراوش ,نحيهم من بالك كامل دركا اكتبي حكايتك نتي باش يقولوا فلانه دالت ودالت وفي التالي ان شاء الله تنتهي بجابت باكها ونجحت وحقت حلمها قولي امين ويارب يصرالك واش راكي تتمناي ويوفقك ربي .

وتمسكي بحلمك راكي نتي برك الي بيدك تبنيه او تحطميه .


سلام