الكنة بين الماضي والحاضر

[ام ايمان16]

المشاركة الأصلية كتبت بواسطة *باسم*

في القديم كانت الكنة طيب تغسل تسيق تعمر الماء وإذا كانت عجوزتها طاعنة في السن تدوشلها تغسل ملابسها وتحطلها الماكلة بين يديها حتى وإن كانت هذي العجوزة واعرة ولا تعامل الكنة معاملة جيدة
أما اليوم من نهار الاول تطلب دار وحدها الا من رحم ربي وتظل 24/24مسكرة الشمبرة على روحها وإذا دارت مزية و طيبت العشا متغسلش الماعين
في رأيكم ماهي الأسباب التي جعلت الكنة تفعل ذلك نتمنى المشاركة من الجميع خصوصا المتزوجين
لا نعمم الكلام على الجميع هناك بنات الصيل

عجبني سؤالك
نعطيلك قصة كنة في الحاضر موش في الماضي واحكم فيها وحدك


يحكى انه توجد عروس حاليا عندها ام مريضة والام هاذي عندها زوج عرايس فقط والام دايرا للعرايس هاذو كل مايحبو وتعاملهم اكثر من بناتها بالخير ويتصرفو في الداروكانهم في دارهم واكثر وهوما بطبيعة الحال يطيبو ويجيبولها الماكلة بينن يديها ومؤخخرا لمرض الام الشديد يسااعدوها في التدواش

ننرجعو للعروس لي عندها امها مريضة تزوجت وراحت عند ناسس لقات عجوزها بصحتها يعني موش مريضة لكن العروس حبت تدير كييما ولوو انها في مانة امها يعني على الاقل تطيبلها
لكن المفاجاة انو لعجوز تقول للعروس في شهرها الاول من العرس انو اهل البيت يحبو ماكلتها (اي لعجوز)) ومايكلوش ماكلة اي واحد؟
يعني هاذاي الهدرة خلات لعروس تحس بالذل وبطبيعة الحال جبدت روحها عليها وخلاتها تطيب كيما تحب يعني لعروس ماقاتش حرية التصرف عند اهل زوجها مما خالاها كيما قلت تجبد روحها عليهم وتحكم شامبرتها لانو اكتشفت انو عجوزها غيارة بزااف وحبت تجنبها

فماهو هو الحل بنضرك واين المذنب هنا