دورة فراشات تزهو بالألوان بيوتهن قمة في النظافة و التنظيم و التدبير و الاتقان

[faty05]

صباح الخير يا أحلى فراشات
يومكم سعيد
ربي يفرج هم كل مهموم و يفك كربتكم

[mariamalak]

المشاركة الأصلية كتبت بواسطة رضاك يا الله

اختي اليك هذا الرابط

https://fatwa.islamweb.net/fatwa/inde...er=&startno=75

موفقة ان شاء الله

بارك الله فيك اختى رانى شفت الرابط .دائما نخمم نتيمم و الشبطان يخدمهالى نقول راه متوفرلى الماء السخون
ان شاء الله نجاهد نفسي صلاتى ما نخليهاش بغسل او بتيمم حتى يدفى الحال

[mariamalak]

المشاركة الأصلية كتبت بواسطة oumdjana

khlas maniche zaafana rah alabali taab ntaa khadmat dar w masouliyat ewlad rab ykadarna khti mariamalek ana wladi mayakraouche mazel wahda hata septembre nchallah w tania mazel andha 14 mois rahoum sghar fi zouj mandji ndir chghal maahoum ghir bassif maykhalouniche zid programy ala hssab meteo ida chams nkharadjhoum sbah yalabou ida lbard nakdi choughli hada li rah maayni bazef goulili laoudt ghalta kifache ndiralhoum wa chkran koul faracha rahbat bia meme farachet li madkhlouche wallah ghir nhabkoum w nhab nassaihkoum assamhouli maandiche clavier belaarbia salem

راكى كيما انا حبيبتى نستناو نهار تطلع السمش باش نخرجو نحو شويم ميديتى من عضامنا ههههه
ولادك مزالو يصغار و يحتاجو عناية كبيرة و الدار معاهم ما تتخملش حاولى كى يكونوا نايضين خملى الحاجة اللى ما يتوشوهاش كيما الخزاين و الغرف اللى ما يلعبوش فيها و كى يرقدو سيقى ولا اصنعى قاطو و لا تهلاى فى روحك ماكيي و ديي سشوار
المهم ما تقلقيش روحك تقولى الدار ما تتخملش .اللى عندو ولاد صغار من الطبيغى يجبدو العاب و يديرو الفوضى مرحلة و تفوت
اما بالنسبة للكلافيي انا ثانى كنت كيما انتى احكمت سكوتش اللى نديروها كى نجو نبترو .راهى تجى فيها جيهة لسقة و جيهة كاغط قسمتهم قطع صغار و كتبت الحروف تاع الغربية و و درت فى قوقل كلافىى عربية شفت الحروف وين جايين و لسقتهم و بشوية بشوية والفت نكتب بيهم

[mariamalak]

المشاركة الأصلية كتبت بواسطة أمة الله 84

السلام عليكم
راني اليوم معولة نكمل إن شاء الله التنظيفات العميقة ادعولي يا فرشات ربي يوفقني و هكدا تدخل و نقرا المشركات راني نقرا فيهم بلا تركيز

صحيتى يا الشاطرة كملى و احكيلى كيفاش درتى انا مزالتلى الكوزينا .

[أم جيهان31]

مساء الخير حبيباتي راكم ناشطات تبارك الله عليكم بصح راني زعفانه عليكم الظاهر نستوني ماعليش راني نعاتبكم قد ما نحبكم .....زيد كملتلنا لكريا تع الدار خلصنا تسبيق 6أشهر ب 14 مليون و الله غير غادوني لواحد شحال وهو يلم و ميفرحش بيهم ما عليش هاكا ولا كثر.الحمد الله على نعمة الصحة ....ادعولي نشا الله ربي يفرجها عليا وما يطولوش علينا بالسكن لي رانا غير نستناو فيه

[ام مؤمن]

المشاركة الأصلية كتبت بواسطة زينب2000

أم مؤمن راني قريت ردك للأخت flower lotus فيه متشابهات تع الطيحات والنوضات، وراني نحاول نستفاد معاكم بش نتغلب على بزاف حوايج
ربي يقدرنا

ربي يوفقك اختي زينب

[أم جيهان31]

المشاركة الأصلية كتبت بواسطة oumdjana

Khlas maniche zaafana rah alabali taab ntaa khadmat dar w masouliyat ewlad rab ykadarna khti mariamalek ana wladi mayakraouche mazel wahda hata septembre nchallah w tania mazel andha 14 mois rahoum sghar fi zouj mandji ndir chghal maahoum ghir bassif maykhalouniche zid programy ala hssab meteo ida chams nkharadjhoum sbah yalabou ida lbard nakdi choughli hada li rah maayni bazef goulili laoudt ghalta kifache ndiralhoum wa chkran koul faracha rahbat bia meme farachet li madkhlouche wallah ghir nhabkoum w nhab nassaihkoum assamhouli maandiche clavier belaarbia salem

Habibti marhabik m3ana raki newartina choufi nenshak trouhi lggogle tkatbi clavier arabe tedoukhli le site la awal tektbi wach raki haba we dirai copier coller il a kounti men le portable lazam tselectioner ga3 wach ketbti we diri copier coller fi safhat l mountada hiya samta fe lewal besah mba3d twalfi bi tawfik okhti

[حسناء القمر]

مساء الخيرات والبراكات على احلى الفراشات

[oumdjana]

المشاركة الأصلية كتبت بواسطة mariamalak

راكى كيما انا حبيبتى نستناو نهار تطلع السمش باش نخرجو نحو شويم ميديتى من عضامنا ههههه
ولادك مزالو يصغار و يحتاجو عناية كبيرة و الدار معاهم ما تتخملش حاولى كى يكونوا نايضين خملى الحاجة اللى ما يتوشوهاش كيما الخزاين و الغرف اللى ما يلعبوش فيها و كى يرقدو سيقى ولا اصنعى قاطو و لا تهلاى فى روحك ماكيي و ديي سشوار
المهم ما تقلقيش روحك تقولى الدار ما تتخملش .اللى عندو ولاد صغار من الطبيغى يجبدو العاب و يديرو الفوضى مرحلة و تفوت
اما بالنسبة للكلافيي انا ثانى كنت كيما انتى احكمت سكوتش اللى نديروها كى نجو نبترو .راهى تجى فيها جيهة لسقة و جيهة كاغط قسمتهم قطع صغار و كتبت الحروف تاع الغربية و و درت فى قوقل كلافىى عربية شفت الحروف وين جايين و لسقتهم و بشوية بشوية والفت نكتب بيهم

WECHE NGOULEK YALAHBIBA ANA RAH ANDI GHIR SALON W CHAMBRA W COUSINA YAANI DHIK WZID AL MKALAKNI NDAL DAYRATALHOUM DESSIN ANIMME NGOUL BAZEF ALIHOUM MAIS HNA RAKI TAARFI CLIMA NHAR CHEMS 30 YOUM BARD YAANI F DAR DAIRATHA FI LA CRECHE MAIS MICHE BAZEF 2 JOUR ANA RANI FI 78 WNTI WIN RAKI ASSAMHILI ALA SOUAL KHAITI HADI EL GHORBA LI RAHI THADAR FINA ET MERCI ALA NASSAIH SALEM

[oumdjana]

المشاركة الأصلية كتبت بواسطة أم جيهان31

habibti marhabik m3ana raki newartina choufi nenshak trouhi lggogle tkatbi clavier arabe tedoukhli le site la awal tektbi wach raki haba we dirai copier coller il a kounti men le portable lazam tselectioner ga3 wach ketbti we diri copier coller fi safhat l mountada hiya samta fe lewal besah mba3d twalfi bi tawfik okhti

allah ydjazik khti oum djihane hada weche ajdbni fi had el dawra

[oum sabrin]

مساء النور حبيباتي الفراشات
توحشتكوووووووووووووم

[منال100]

مساء الانوار
ان شاء الله راكم كامل لباس
أنا راني متاثرة بزاف من أم كمال راهي غايضتني بزاف ان شاء الله مانيش غالطة في الاسم لان الحبيبات كثيرات وأنا ننسى بزاف على كل لعايشين غ في غرفة واحدة وباباهم يضربهم من القلق
انا البارح كتبتلك رد مطول مع الاسف كجيت نرسلو ضاع النت ثقيلة مع السخانة هذه
انا قلت نصبرها لانني مالقيت مانديرلها وراني مشي مليحة منها اليوم في القسم وجي صورتها بين عينيا انا عندي 3غرف ونقول الضيق كيف هي عندها غرفة واحدة
قالك تسمع هم الناس تنسى همك والله غصح
شوفي يا اختي انا شوية منيش فاهمة الحالة نتاعك كعندكم الضيق كفاه زادو جاو عرايس خرين مازال ما فهمتش مليح
وعلاه ماتسكنيش ببيت منفرد لكان زوجك ماهوش لاحق ديرو صوسيال ولكان رب فاتح عليه ديرو في عدل ولا اكرو لخاطر بكل صراحة راكم في حالة تصعب على الكافر والاولاد ضرك يزيدو يكبرو
غرفة واحدة واحدة واحدة انا راني دايخة وين يقراو وين يلعبو
ياخيتي الله يعطيك الصبر صبرت 3سنوات الله يبارك زوجك مسكين معذور الله غالب كيضربهم بلاك هو ثاني راه على عصابو غ ميهدرش ويلي فش زعافو فيهم
انا مالقيت مانقولك فقط ارفع يدي عاليا واطلب منه بكل اسم سمى به نفسه ان يفتح عليك ووسعها عليك ويرزقك ببيت واسع تتمتعي بيه انت وفليلساتك يا رب يارحمن
ومن يدري هو الله الذي بيده كل شيء ما ضاقت الا فرجت ان شاء الله يفرج عليك
لي عودة اليكم في المساء حان وقت الذهاب الى العمل
سلام

[oum sabrin]

المشاركة الأصلية كتبت بواسطة الريفية

الف شكر اختي أم صابرين على الرد وعلى الشرح ربي يجازيك كل خير
راني نخدم بالطابلات مافهمت فيها والو

لا شكر على واجب عزيزتي اتمنى تكوني فهمت من التابلات

المشاركة الأصلية كتبت بواسطة ouricia

اهلين ام صابرين وشراكي يافحلة واما زينب الكشرودة راهي راحت تحوس

اهلا بالكشرودة المميزة هههه وشراكي عزيزتي اتمنى تكوني بخير سلمينا على زينب بصحتها التحويسة

المشاركة الأصلية كتبت بواسطة أم ملاك مروة

هذي لكل الفراشات و اليرقات :

يمممممممممممممممممممم يعطيك الصحة رائعة الطورطة

المشاركة الأصلية كتبت بواسطة بعيدة المنال

مساء الخير على الفراشات الفحلات والكشرودات تاني ان شاء الله تكونوالكل بألف ألف خير هذا وين وصلت درت دوش باه انحي التعب وقعدت نطل ونقرعج
حبوبتي سمونتي يالفحلة ربي يحفظك من كل حاسد إذا حسد وربي يكملك بعقلك واتزانك ونظامك ويبلغك وين قاصدة غلى بالي بلي طباخة ماهرة ومع الاصرار لي عندك رايحة تنفخي ولد الناس بصح قوليلي وين نصيب عسل التمر ؟؟؟؟
أم صبرين يا حبيبة قلبي الله يسعدك ويهنيك راني دايما نحاول نعاندك في شغلك المتقون ربي يحفظك من كل بلية حربي مع الوزن راهي متذبذبة ساعت نحس بروحي متقدمة والميزان يزيد يشجعني كي نلقى روحي ودرت غرامات ساعات مع التعب والقلقة نحبس لكن الحمد لله ما قعدليش بزاف والمشكلة في تثبيت الوزن ؟؟
أم مؤمن : الله يسعدك ويهنيك راني غير نتمسخر حنا علاه شاقيين ياك باه نسعدوهم وكي يتقلقوا تظلام علينا الدنيا - اسكتي لا ندير قصيدة غزل عفيف أو ماجن
أم عبد الرحمن : الله يحفظك حبيبتي ويحفظلك عبد الرحمن
أم نسيبة : الله يعطيك الخير زوجك مفتاحو في يدك وانت تهولي فينا ياك قتلك ما كاش قد الحوار البناء على بالك كي كتبتلك في المشاركة تاعي كلام قاسي ونصحتك بالمواجهة بالحوار باه تعرفي ساسك من راسك وانت غبت وغابوا أخبارك أنا قلت هذي هزت الكلام سخون وفرغاتو في حجرو والله مت بالخلعة وعدت ندعي في ربي يجيبها في السلامة خفت نكون سبب في أي حادة تصرالك لا قدر الله .. الله يسعدك ويهنيك ويدوم المحبة بينك وبين زوجك
شوشو : وينك حبيبتي تطلي كي الهلال وتروحي شاركينا ابداعاتك
الريفية : يالعمرية الفحلة وينك هذي غيبة ياك علا بالك بلي نتوحشوك ومع ذلك لازم ولي الأمر راهي الإدارة هنا صارمة وما تقبلش الزيقزاق
أم كمال : اسمحيلي حبيبتي راني غلطت في اسمك واكتبتك باسم حبيبتنا أم أحمد ربي يحفظها ويحفظ وليداتها في مشاركة سابقة :

حبيبتي أم أحمد مشكلة أولادك راهي عادية إذا كانت مرتبطة فقط بالفصل الأخير راهو التعب يشمل الجميع ومع ذلك سأعطيك طريقة من نقطتين : تغذية كما قالت الأخت جيادا جزاها الله عنا كل خير زبيب وجوز وانا نزيدلك لو كان إمكانياتك المادية تسمحلك تشري مجموعة مكسرات أنت واش قدرتي ( جوز - لوز- جلجلان - فستق - تطحنيهم بلا قلي ( نيئين ) وتزيدي معاهم الزبيب والقرفة مطحونة وقليل من الزنجبيل مطحون وتخلطي الكل في العسل الحر وتعطيلهم ياكلوا منه ساعة قبل الأكل راهو روعة لزيادة التركيز وتقوية الداكرة وإذا نقصك مكون ماكان مشكل مديلهم على قد استطاعتك
والنقطة الثانية ثاني مجربة وهي : أامري من تعب منهم ولم يعد قادرا على التركيز أثناء الحفظ بوضع كل ما في يده ويغمض عينيه باسترخاء '( ما يزيرش عليهم ) أو يضع يديه بلا ضغط ويسترخي تماما ويتخيل منظر جميل كحقل ممتد الخضرة ويغرق في الخيال ولو 5 دقائق راهي طريقة مدروسة وناجعة المهم يتعلمها الطفل على أصولها ويقدر يطبقها حتى في القسم أثناء الامتحان ولو لمدة 2د أو 3د راهو بعدها يولي كلي رقد 10 ساعات

اهلا بحبيبة قلبي بعيدة المنال اتمنى تكوني بخير و الله لما نقرا زدودك نفرح كثيرا كلامك عسل ربي يوفقك و يعطيك ما راكي متمنية يا عسسسسسل

المشاركة الأصلية كتبت بواسطة غزالة1

الريفية ام صابرين جيادا شوشو زينب البرايجية سمونتي اوراسية كل الفراشات و اليرقات الجدد لكم مني قنبلة اوه عفوا قبلة حب

مرحبا بغزالتنا الرائعة الف قبلة مني لك و لكل الفراشات

المشاركة الأصلية كتبت بواسطة أم فاطيمة

السلام عليكم و رحمة الله و بركاته واش راكم لبنات توحشتكم مووووووووت كل وحدة و اسمها
و خصوصا شقيقتي بعيدة المنال هاني جيت سمعتك غير تحوسي عليا ربي يخليك
المنتدى راه مهبلني كل ما ندخل يطفى الميكرو و غير فالجلفة ما نعرف علاش
المنتديات لخرى نرمال راجلي قالي ما فهمتيش روحك ما نستحقوكش و انت لاصقة فيهم
وزادني ظهري مرانيش نقدر ندير التطبيقاات غير لخفيف
حبوبة واش راكي واش راهم مشروعك رانا على نار

اهلا حبيبتي ام فاطمة
واش راكي اتمنى تكوني ريحتي شويا من ظهرك غير بلعقل حبة حبة تكملي كلش
تحياتي

المشاركة الأصلية كتبت بواسطة ام براء عبيدة

السلام عليكم واش راكم انا سعيدة بالتعرف عليكم كامل وانا الان في بيت اهلي لذلك لا استطيع التواصل معكم بحكم عدم وجود انترنيت

اهلا بك اختي ام براء متشرفين بمعرفتك

المشاركة الأصلية كتبت بواسطة رقية الناجحة

نداء الى كل الفراشات


وليدي غدوة رايح يجوز امتحان الرسم الخاص بالbm ادعولوا في صلاة الفجر وفي جوف الليل امانة عليكن ياحبيباتي

اهلا اختي رقية اتمنى ان امتحان ابنك جاز على خير اتمنى له و لكل الممتحنين في البكالوريا التوفيق و ان شاء الله نفرحو بهم كامل يا رب

المشاركة الأصلية كتبت بواسطة omselma

صباح الخير حبيباتي تووووووووووووووووووحشتكم بزااااف و انتوما وقيلا وحدة فيكم ما توحشتني وانطبق معايا المثل اللي يقول اللي غاب غاب اسمو المهم صباح سعيد مليء بالسعادة ان شاء الله

[COLOR="Plum"][SIZE="5"] على سلامتك اختي ام سلمىيتوحشك الخير

[لشائر الرحمن]

سلام عليكم حبيباتي انا جديدة في المنتدى ومازال ما تعودتش على كتابة الردود عجبني الموضوع لكن زوجي عندي مشكل معاه ما يحبش ........ المقارون الروز العدس الشوربة الخرشف القرنيع الحوت الشفلور ,,,,,,,,,,,,,,,,,,,, وتلقيني غير نخمم واش نطيب ساعديني الله يجازيك

[أم ريتاج زهرة]

المشاركة الأصلية كتبت بواسطة لشائر الرحمن

سلام عليكم حبيباتي انا جديدة في المنتدى ومازال ما تعودتش على كتابة الردود عجبني الموضوع لكن زوجي عندي مشكل معاه ما يحبش ........ المقارون الروز العدس الشوربة الخرشف القرنيع الحوت الشفلور ,,,,,,,,,,,,,,,,,,,, وتلقيني غير نخمم واش نطيب ساعديني الله يجازيك

مرحبا بيك أختي و الله حتى أنا عندي نفس المشكل مع زوجي نصيحتي سقسيه واش ياكل قبل ما طيبي و هكذا تنقصي على نفسك التخمام بالتوفيق حبيبتي