حمزة المجتهد مستعد للاجابة على استفساراتكم ~ الى التميز ~ متجدّد ~

[اسيل منة الله]

سلام جميل يا فتاة الامل والعطاء
في مادة العلوم طبيعية كنتي تحلي من احمد امين بزاف انا والله كي كنت انحل نحل شفهيا يعني ليه ليه لان متقدريش تحلي كامل
فانا اركزعلى سلاسل استاذ بوريشا احمد واش رايك فيها
وانا اختي مثلا لما اسئل زميلات على مراجعتهم ما شاء الله حليييين جميع تمارينات يهبطل مرال مقارنة معاهم
وزدي راهم يجوني بعض افكار ان نحس روحي منخدمش مليح مثلا نجيب باك ب 10 وانا صحاباتي يدوا معدلات هيلين ونا لا لا المهم افكار من هذا القبيل
انتي كنت كيما هاك ولا
واش تنصحيني لان والله كلام دايما يبقى في وذني سلام وشكراااااااااااا مسبقا

[ورود العلم]

المشاركة الأصلية كتبت بواسطة اسيل منة الله

سلام جميل يا فتاة الامل والعطاء
في مادة العلوم طبيعية كنتي تحلي من احمد امين بزاف انا والله كي كنت انحل نحل شفهيا يعني ليه ليه لان متقدريش تحلي كامل
فانا اركزعلى سلاسل استاذ بوريشا احمد واش رايك فيها
وانا اختي مثلا لما اسئل زميلات على مراجعتهم ما شاء الله حليييين جميع تمارينات يهبطل مرال مقارنة معاهم
وزدي راهم يجوني بعض افكار ان نحس روحي منخدمش مليح مثلا نجيب باك ب 10 وانا صحاباتي يدوا معدلات هيلين ونا لا لا المهم افكار من هذا القبيل
انتي كنت كيما هاك ولا
واش تنصحيني لان والله كلام دايما يبقى في وذني سلام وشكراااااااااااا مسبقا

السلام عليكم حبوتي اسولة كيف الحال ؟؟؟

بصراحة كتاب احمد امين خليفة به عدد كبير جدا من التمارين ..وانا كنت العام الماضي دائما اقوم بحل اكبر عدد منه ..بحيث انني اقول مثلا لازم ليوم في الليل نحل خمس تمارين ..وهكذا واستطعت ان احل منه معظم التمارين بالنسبة للجزء الاول ..اما الجزء الثاني بصراحة ماكانش عندي مالا كنت نحل من مواضيع اخوتي ....وحليت اختبارات تع العام نتاعنا ...المهم بالنسبة كيما قتيلي راكي تحلي شفهيا هذه الطريقة ماتساعدكش ياسر ...لازمتلك تحلي كتابيا باه تقدري تقولي انك حليت تمارين ...حاولي حبيبتي كل مرة تهزي موضوع تع باك مثلا باك تع 2013....وحاولي تخيري موضوع منو وتحليه في 3ساعات ....كل مرة ديري هك ..وباذن الله راح تحسي روحك تحسنتي طول في العلوم ...ودائما كي تشوفي الاجابة النموذجية قارنها باجابتك وشوفي وين الغلطة نتاعك ..اسئلي نفسك وين ارتكبتي الاخطاء وعلاه ارتكبتيها ...



اما بالنسبة للسلاسل لقولتيلي عليها بصراحة مانعرفهاش ...مي تاكدي انو مهما كانت التمارين فستكون مفيدة اذا كانت هذه السلاسل مرفقة بالحل ...فلابأس ركزي عليها ..ليس المهم المرجع بقدر مايهم فهمك الجيد لكيفية حل التمارين ..



مممممممم حبيبتي ننصحك ماتهتميش بزميلاتك لراهم يحلو عدد كبير ..وماتخليش هذا الامر يحطكمك ..اذا كان هذا يخليك تنافسيهم باه تحلي اكبر عدد من التمارين فلا باس ولكن لا تجعليه ابدا يشعرك باليأس ..ربما هم يقومون بحل التمارين بسرعة او ربما حتى يحفظون الحلول دون فهم ..الفهم الجيد لبعض التمارين افضل بكثير من حل عدد كبير منها دون استيعاب اي شئ ..

وعزيزتي لا تدعي اي افكار سلبية تشعرك بالاحباط ..لماذا هذا التشاؤم على العكس تفائلي وقولي انه راح يجيك الباك اسهل مايكون ..هذي حاجة ..وحاجة اخرى ماتخميش خلاص في المعدل والله تعرفي المعدل راه غير بالمكتوب ....ساعات تلاميذ يكونو متفوقين وينزلو وساعات تلاميذ ضعفاء ولكن يدو مليح ..وساعات التلميذ يبقى مستواه نفسه كل هذا بالمكتوب فدعيك من هذا التفكير وكل ما تفكري هك استغفري ربي سبحانه وتعوذي حبيبتي ..

حقيقة انا العام لفات كنت ساعة نتفاءل وساعة نتشائم ..وصراحة انا في الفصل الاول وبعد ما مرضت وفاتتني الاختبارات والدروس شعرت بالاحباط واليأس وقلت هاني في اخر المطاف راح ينزل مستوايا ...ولكن كنت استغفر الله عز وجل دائما واقول مادام انني ادرس بجد فليس علي الخوف ....ودرست بوتيرة ثابتة في الفصل الثاني عندما اخذت 14 ..حزنت قليلا لانني اول مرة في حياتي اخذ هذا المعدل يعني كان اضعف معدل ليا 16 ...ولكن حمدت الله عز وجل على كل حال وقلت ندي هك خيير من ننزل اكثر ..ومن بعد في الفصل الاخير كنت متفائلة الى ان اقترب وقت امتحان الباك هذاك الوقت كنت حاسة روحي نسيت كلش ..قريب نستسلم لكن كل ما نتفكر انو الله عز وجل معي نتقوى ...وكان على لساني دائما قوله صلى الله عليه وسلم ..تفاؤلوا خيرا تجدوه ....يعني المهم كان دائما تفائلي يغلب تشاؤمي ..

اذا في الاخير اقول لك حبيبتي لا تستسلمي مهما كان فلتبقى روحك التنافسية دائما عالية ...وثقتك بالله يجب ان تكون كبيرة ..

وبالتوفيق ..سادعو لك بالنجاح وتحقيق كل احلامك ..

سلام جمييييل ...