لمن لديه تجربة

[بنت فاميليا]

وما بهن الماكثات في البيت ؟؟؟؟؟؟؟؟؟؟؟؟؟؟؟؟؟؟؟؟؟؟؟

[بنت فاميليا]

المشاركة الأصلية كتبت بواسطة زبدة ذايبة

واش تعريف المرأة الماكثة في البيت

هي اللي تطيب وتغسل وتنقي دارها

أو


هي المرأة الشريفة العفيفة اللي تحافظ على شرفها ودينها.

إذا كان التعريف الأول هو الصحيح عندك

ننصحك تشوف وحدة توقفت عن الدراسة في الابتدائي أو المتوسط

وإذا تحوس على التعريف الثاني

هنا عندنا واش نقولو

الدين والشرف ماراهوش مرتبط بالبيت والمكوث فيه مع أن رب العالمين أمرنا أن نمكث في بيوتنا لكن احنا ماستجبناش لأسباب مختلفة فينا الطبيبة تاع النساء وفينا القابلة وفينا

طبيبة الأطفال وفينا اللي تقري من الابتدائي حتى الجامعة وقالولنا العلماء إذا كان عملكم مافيهش الاختلاط والريبة ماعليش تخدموا لأن المجتمع يحتاجكم والنساء الماكثات في

البيوت يحتاجوكم.

شمرنا على سواعدنا واخدمنا.

وانت ياأخي راك غالط ؟؟؟؟؟؟؟؟؟؟؟؟ كيفاش تطلب من وحدة قارية ومتعلمة قضات 10 سنين أو أكثر وهي تقرا ومن بعد كي تتخرج تقوللها اقعدي في الدار.

لازم تفهم عقلية المرأة باش ماتخسرش المرأة

أغلب النساء مايخرجوش للعمل من أجل المال بل لأجل تقدير الذات

ربما هو تحصيل حاصل من العقلية القديمة اللي توارثناها. مانحبوش الذل والضغط وأنك إمرأة خلقت لخدمة الرجل.

يعني ماراكش رايح تصيب إمرأة متعلمة تطرح عليها موضوع العمل وتوافقك

هي بالنسبة ليها تبقى بايرة وماتخليش خدمتها.

يعني فكر مليح في هذا.

إذا وجدت إمرأة متدينة ومحتشمة ومجال عملها نضيف مثل ماقال بعض الإخوة فعلى بركة الله وموضوع العمل يكون بالتدريج.

لأنها بعد ماتجيب الأولاد تعود هي تقولك والله غير مارانيش لاحقة على التربية وعلى الخدمة في الدار.

لكن من أول ماتشوفها تقوللها بطلي خدمتك هذا صعيب خاصة مع نسب الطلاق المتزايدة.

بالنسبة إليها العمل أضمن منك لأنهم مايخرجوهاش من خدمتها وانت تقدر تخرجها من حياتك بكل سهولة.

نتمنى أني قدرت نوصلك شوية من التوضيح اللي لازم تاخدو بعين الاعتبار لأن الموضوع حساس ومصيري

رب يرزقك ببنت الحلال اللي تعرف حدود الله وحق الله قبل ماتعرف حقك انت كزوج

اختي فاجأتيني بردك
في جامعيات وعلى قدر من الدين والأخلاق وفضلن المكوث في البيت طلبا لرضا الله
ما جئت به يخصك وحدك أخية فلا تعممي
وللشرع الحظ الأوفر فيما يخص عمل المرأة ..........فأذا كنت عاملة فهذا شانك فلا تطلب من غيرك بالضرورة انو يوافقك في نظريتك

[aminazy]

السلام عليكم
اخي مكتوبك مازال مع الصبر تلقى لي راك متمنيها
لكن كون راجل واعطي شروطك من الاول
قبلت اللهم مابارك اذا ما قبلتش شوف من جهة وحدوخرى حتى تلقى
ربي يوفقك في ختيارك ويعطيك ما تتمنا

[وفاء الصحراوية]

ان شاء الله اخي ربي يرزقك الزوجة الصالحة عاجلا غير آجل
والله اخي كاين الماكثات بارادتهن مثقفات واقسم جامعيات وينحيو شظية من السماء وقاعدات حتا حد ما يسال عليهم والناس تجري مور اللي يظلو يدورو في الزنق وماشي حتا راضيين بيهم حاشا بنات الفاميليا
الله يفتح عليك وعلى كل من به ضيق
تقبل مروري اخي الكريم واكثر من الصلاة والدعاء وربي هو الرزاق سبحانو

[rose de sable s]

صراحة بما انك تحب الاولة حاول تفاهم معها
لا اري عيب في عمل
لو انك صبرت معها ممكن تتوقف عن عمل بعد زواج و مسوولية
ممكن تجيب ماكثة في بيت لكن لا تتوافق معها في عقلية وهي اهم شئ
انظر الي شخصيتها قبل كل شئ

[ibtihal18]

الصراحة ثم الصراحة ثم الصراحة من الاول ....و سوف تجد من تقبل بشروطك و استعن بالدعاء ربي يسهلك في ايجادها