نسيبـــــــــــــة والعجـــــــــــوزة

[mounia 85]

السلام عليكم
بالنسبة ليا ختي راجلي و دارنا كامل سمن على عسل من ناحية بابا و لا ماما ولا خاوتي كامل يحبوه وهو يحبهم والله يتعامل معاهم كانه ولدهم وهوما تاني خاصة امي والحمد لله عاقلة بزاف صدقيني هو يقولي راني نحمد في ربي على نسابي تصوري امي مسكينة في فترة الوحم تاعي انا نطيح فراش نديها معايا هي تخدملي كلللللش حتى الماكلة وفطور الصباح تجيبهولنا للبيت تغسلو قشو وتغطيه كي يبرد والله مانزيد عليك كلمة ..وكي يصرا بيناتنا مشاكل هي تهدي الحالة وعمرها ماتلوحلو كلمة زايدة ولا تحرشني عليه درك عندنا قريب 4 سنين زواج وعامين خطوبة يعني 6 سنين عمرها صرات مشكلة او سوء تفاهم بين دارنا وراجلي الحمد لله يا ربي
على العكس انا مع امو ماناش متفاهمين والله والله والله عاملتهاكيما امي وقيمتها وفي اللخر نهار زيدت قالها ابنها ديريلها الكسرة على خاطر ماما كانت مشغولة باعمال البيت والاعتناء بيا و ببنتي قالتلو درك نشوف بسماطة والله مادارتها وبزاف امور دارتهم وفوتلها نورمال وقلت ماعليش هادي امو وشعندي فيها حتى نهار صرا مشكل بيني وبين راجلي ضربني وغلط راح عيطلها تفك بيناتنا راحت خلطت الدنيا في بعضاها وتهمتني اني قلت كلام وانا ماهدرتوش لي في عوض تصلح بيناتنا ولات تقول كل واحد يجيبلو ربي من جيهة يعني ننفاصلو خير بعدما راحت لدارها تسامحنا انا قلت لراجلي عيط لامك نطلبو منها السماح كي قلقناها معاها طلبنا السماح وكلش نورمال وفاتو ايام جاو ماليا عندي راح راجلي ليها باش تجي تتلاقاهم ما حبتش تجي لداري زدت رحت انا قلتلها علاه ماحبيتيش تجي قالتلي حلفت على دارك ماندخلهاش من نهار تقابضتو نتي وراجلك وقلتيلي كدا وكدا وانا والله ماهدرت هاكا وراجلي كان حاضر وعلابالو باللي ماهدرتش المهم ماحبتش تجي تسلم على ماليا وهادي هي اللي غاضتني بزاااااااااااااااااااااااااف
من تما قلبي كحال وماقدرتش ننساهالها خلاص المهم لحكاية طويلة وفيها تفاصيل بزاف وقلبي معمر وغايضتني لحكاية بورتون عندها تقريب عامين
وماتقوليليش ام زوجك يا ختي والله ربي علاالو واش كنت مدايرتلها وربي علابالو باللي عمري ماقستها والله قلبي كحااال باسكو جات في والديا وهوما كلشي عندي بعد ربي سبحانو
مع هدا العلاقة بين دارنا و راجلي راهي كيما بكري كيما درك والحمد لله