نسيبـــــــــــــة والعجـــــــــــوزة

[بائع الورود]

موضوع في الصميم
شوفي نحكيلك هذي و احكمي يا بنت الفامليا
البارح رحت ليهم باش نهدر مع يماها و معاها
قلتلهم علاه درتو هكاك و ما عرضتوش يما قالولي راك عارف بلي ماعرضناش قلتها بصح بنت راهي مزوجة جاتك نورمال بنت تروح بلى عجوزتها لعرس ختها قالتلي حنا عندها نورمال قلتها مالك في عرس ختها لي رايحة تتزوج إذا ما دات يما معاها ما تروحش لعرس ختها قالت يماها -ههه قريب ضحكتلها في و جها- مالك كي ولات هكا حنا ما نروحوا ليكم و انتو ما جو لينا قلتلها إذا هكاك ما تحوسوش علي .
انا نورلها في الصح أو هي حبت تقنعني بلي عندها الحق
قالتلي هذوا طبايع البليديين هما صامطين و يحبوا يلكو بزاف
قلتلها سمحيلي راكي غالطة الدنيا قع هكا
الخلاصة : نسبتي ربي يهديها تحوس غير علي برك و انا قلتلها انا بموالية منيش مقطع
و قلتلها القيمة و القدر يكونوا و لا كل واحد يشوف لي يخرج عليه
كي جيت رايح بنتها قالتلها اعطيلوا التاوسة تع يماه ؟؟؟ واش ميزك في مرتي ؟؟؟
قلتلها ما تحشميش و كي جيت خارج قلتلها ريحي عند يماك .
الخلاصة
كاين شي نسيبات ما ينصحوش بناتهم على الخير و على رجالهم ؟ يقولولهم العجايز شواطن و الراجل ركبيلوا الهم و ردي بالك على روحك ديري روحك ما تفهميش ؟؟؟
و الله انا عندي خياتي جي واحدة دير لراجلها هكا قدام يما يما تضربها بكف و ما تخليلهاش و نطلبوا منو السماح و حنا ردوها لدارهم و نرطبو للنسيب باش يرضى .
ما ني فاهم والوا في الدنيا هذي
الله يهدي ما خلق أميييييييييين