زوجي طردني من البيت

[زبدة ذايبة]

اسمحيلي نكون قاسية عليك ماعندي حتى صلاح من وراء قسوتي سوى أنك تحافظي على بيتك وتعيشي مستقرة

يقولون : من يهن يسهل الهوان عليه

واضح هذا الجزء من المقولة.

انت والأمة (العبدة) عند هذا الراجل كيفكيف ماكاين حتى فرق.

السبب هو انت بالطبع

تنازلت على كل حقوقك البشرية يعني (وليتي ماتسوايش -مع احترامي ليك)

جاه ساهل يطيرك من الدار وانت بالحمل وهذا أكبر دليل.

أعطيتيلو راتبك وذهبك وخليتيه يتصرف كيما يحب وكأنك ميتة ما تقزيستيش بلعاني اكتبهاتلك بالعامية باش يكون وقعها في نفسك أكبر وأكثر.

وكي تجي تبينيلو بلي راك على قيد الحياة وهذا من خلال بعض المطالب الصغيرة تفكريه بلي راك موجودة. وهذا يقلقو منك ويولي يضرب ويعيط ويطلق.

عاودي راجعي روحك وراجعي تصرفاتك ولكن بالتدريج على خاطر وضعك صعيب شوية وهذي تراكمات تاع سبع سنين قمت فيها بالتنازل على كامل حقوقك.

شافك بلي ماتستاهليش تسكني في دار وحدك على هذا خلاك مع دارهم. ماعندو علاه يخسر عليك دار قادرة تجيبلو مصروف كل شهر وانت واش تجيبيلو غير الخسارة.

كلما تنازلت كلما كسر لك راسك وعفس عليك.

الحل :

في شرعنا الإسلامي وماكاش خير من شرع رب العالمين حنا اللي مانفهموش مليح

عندك الحق تتصرفي في مالك وحرام عليه يمس منو دورو

طاعة الزوج بينها رب العالمين بالمعروف عمر الإسلام ماحولنا لعبيد لأزواجنا بل بالعكس حفظلنا كرامتنا لأبعد حد.

ماترخسيش روحك وتبيني بلي راك إنسانة هايلة مع كامل الناس لأن هذي الشخصية هي شخصية مرضية. دائما في الحياة كاين ناس يحبونا وناس يكرهونا وناس يغيرو منا وناس

يخافونا

ننصحك تعاودي تلمي أجزاء شخصيتك المتناثرة من طحن زوجك لها لأنه بالفعل ماتركلك حتى مقوم للحياة وما بقالك حتى شخصية يحترمك على أساسها أو يقدرها

حتى باش بينو وبين نفسو يقول عيب عليا هذي مرتي واولادي مافكرش فيها. واش كاين اكثر!!!!!!!!!!!

ماشي باش ندخلك الشك ولكن حطي احتمال تاع 20% ممن تكون أنثى وراء هذي العصبية الزايدة (هذا إذا كانت هذه العصبية جديدة يعني ماكاش هكذا بكري)

نوصيك هذا الأمر يكون تدريجي لأنك لو تواجهيه مباشرة راح يطلقك وماشي بعيد تكون كاين واحدو اخرى كمشروع للزواج فانتبهي.

مانقدرش نعطيك طريقة واضحة لأنني لاأعرفك ولا أعرف شخصية زوجك

ابحثي في مواطن الضعف اللي عندو لازم تكوني ذكية ومنتبهة لتصرفاته وإيقاعها.

ومن مناطق اضعف انتاعو ابداي في العمل على أساسها.

ماعرفتش كيفاش نزيد نوضحلك أكثر

المهم ابداي انت في التغيير وحافظي على نفسك واحترامها

ماتسيئيش لنفسك أكثر مما أنت عليه الآن.

اوقفي على روحك وكشري على أنيابك في الحق وبالمعروف كيما آمر رب العالمين

كوني لبؤة تحافظ على بيتها وأولادها ماتكونش الحيوانات خير منا نحن البشر.

حافظي على بيتك وزوجك واتركي الضعف والجبن وقلة الهمة توصل بيك حتى يلولي زوجك يطردك من الدار -هذا حرام كبير وماشي فعل الرجال- ومايسقسيش عليك وعلى

اولادو.

كيما تكوني يكون معاك زوجك

ابتعدي عن الذل والهوان والبكاء تاع الضعاف اللي مايجيب والو غير الهوان. خاصة عند هذا النوع من الذكور

مارانيش نشمت فيك ولا نتمنالك الشر. ولكني أعتبرك كأختي أنصحها بالشي الذي فتح الله به علي.

والله من وراء القصد