طلب مساعدة من دوي الخبرة

[~ السلطانة ~]

المشاركة الأصلية كتبت بواسطة amira back

شكرا جزيلا حبيبتي سلطانة على اهتمامك بانشغالي ربي يوفي لك ماتتمني.ادا ممكن تحطي صور لبيوت جزائرية بنيت حديثا باش تعاوني و ما نديرش خالوطة كيما قلتي لي ههههههههههه.نسيت نسولك ماهي ابعاد الكرلاج المناسبة للارضية 33×33 ام 40×40 ام هدا لا يهم وتبقى فقط مسألة دوق و اختيار؟ سمحيلي هبلتك معاي

العفو اختي ..
اختيار مقاييس الكارلاج من عدة جوانب ، ديري في بالك كلما كبر حجم الحبة نقس وقت الاشغال يعني كي يركب حبة كبيرة يزرب يخلص العمل ، و ثاني كلما كبرت الحبة نقصو ال les joints يعني الفراغات بين الحبات ، هذو عادة كي يكثروا يعطو منظر ماشي مليح احنا عادة نحاولو نقصو منهم باش تنبان الأرضية أجمل .

أنبه فقط لملاحظة حين شراء كل انواع التشطيبات سواء كارلاج ، منو ، كومباكتو ، فايونس الخ ...
01- ابعاد الحبات خاصة من يريد استعمال لونين مختلفين قد يحصل ان يجد اختلاف في يعض المليمترات مما يصعب عليه تنسيقها فيما بعد مما يؤدي عادة كحل هو تكبير الفراغات و هذا بشع جدا ...
02- مراقبة حواف الحبات ما تشروش للي كي كوان شكل دائري نوعا ما ، لازم تكون الزاوية قائمة تماما ، مرات تكون مكسورة و لو 2 مم هذا يعتبر تبليط فاسد و معروض للبيع للي ما يعرفش يشريه .
03 - الكارلاج او المنو او اي نوع آخر يتكون من طبقتين او ثلاث ، الهم فيهم الطبقة التي تحمل الشكل الخارجي الجميل ، هذيك اختاروها سميكة قدر الامكان ، و الأفضل تكون نصف ارتفاع الحبة و لازم يتم كسر الحبة للتأكد من النوعية خاصة من يريد شراء كمية كبيرة ، لأن بعض التجار هداهم الله كي تكبر الكمية يحبو يضاعفو الربح يبيعو منتوج مغشوش يخشنو الطبقة السفلية و العلوية يديرها رقيقة لنها هي التي تحدد ثمن المنتج .

[~ السلطانة ~]

بخصوص الصور الحديثة ، صدقيني عندي مدة سنتين ما خدمتش مع خواص ، لكن لما تتوفر عندي مراحش نبخل عليك .

[amira back]

شكرا حبيبتي سلطانة محنتك معيا و يعطيك الخير خليتيني
نعرف الوجهة الصحيحة باش ندير الإختيار الصح لأننا أحيانا ننفق الكثير و لكن لا نتحصل على نتيجة مرضية لهدا قررت أنني مندير حتى حاجة حتى نشاور لا خاب من إستشار.فشكرا لك مرة أخرى