كم أنا مفتخرة بكن يا بنات , تعرفو لماذا ؟ أدخلوا و شوفوا لماذا

[يسمينة البجائية]

المشاركة الأصلية كتبت بواسطة jimi17

من باب تبادل الثقافات لا غير ,,,,,خذ مايفيد و ترك ما يضر حبة قاطو تفرح فيها مع ولادك حرام لا يجوز خلاااااااااااااااااااااص جهنم؟ و اش هذا ؟؟؟؟؟؟؟؟؟؟؟؟؟؟؟؟؟ إذا كونتي أختي الفاضلة ما عجبكش الجانب الوسط لا أقول التقليد الاعمى و العياذ بالله ولا كن حسن النية أسبق و إذا كونا نقول شبرا و ذراعا المقصود من الحديث التقليد السلبي الاعمى و ليس في حبة كعك . أحنا الاسلام يا أختي دين متفتح و بأسلوب عقلاني ,أمالا مادريش الماكياج و مأ تستعمليش الميكرو بورتابل و مادريش الفايسبوك و ما تلبسيش الماركات و ماتاكليش الباتيسري و ما تطلعيش حتى في السيارة و تمشيش حتى في la dalle de sol و ماتستعمليش حتى شئ له علاقة بالياهود و النصارى ,ياو كوني منطقية شوي ,,,,,,,,,,,,,,,,, لي راكي فيه من صنع يديهم و أفكارهم حتى رسالتك كانت بجهازهم فأين أنت؟؟؟؟؟؟؟؟؟؟؟

يا أختي هل يجوز لكي تفسير الاحاديث النبوية من دون علم و لا معرفة ؟ فلغتهم العربية ان ذاك أقوى و أفصح من اللغة العربية 2015 . وعلاش كاين علماء الافتاء , واش خدمتهم ؟ ولا ما راكيش تستعرفي بأقوال العلماء الكبار ؟ حنا نستعرفوا برك بفتاوى الوضوء و الصلاة و الاغتسال و الطهارة و اما الاعياد المحرمة و الاحتفالات بأعياد الكفار بالكعك و القاطوا هاذوا ماشي فتاوى ؟ و الله نسمع نساء تعيط للشيخ علا خاطر احتارت كيف تغتسل جنابة؟ و وقتاش ؟ بصح ما حتارتش على الاعياد رأس السنة و لا بوش و القاطوا اذا حرام أو حلال ؟ تعيطوا المشايخ لمصلحتكم برك ؟

العلماء طلبوا العلم حياتهم كامل ,سنين و في جامعات كبيرة كجامعة الأزهر و جامعة المدينة المنورة و أفتوا الناس و حذروا من الاحتفالات رأس السنة بالاحاديث و الايات و هم أهل الذكر و أهل العلم . ماشي عيب علينا نفسروا الاحاديث وو حياتنا كامل مع تربية الاولاد و الطبخ ما عندنا وقت نقراو اية قرانية و نبدوا نفسروا احاديث ؟ و الله عيب و جهل ... عار علينا نطيحوا قيمة المشايخ و فتاواهم علاجال قاطوا و ندخلو في الفتن و المحرمات .
و ما تقوليش ما سمعتش شيخ يحرم الاحتفال و لابوش . البارح برك شيخ في قناة الجزائر صرح بالتحريم فتاوى على الهواء , شيخ ابو عبد السلام و الشيوخ الاخرون في البرنامج , لا قاطوا لا لابوش لا زنديق . و اليوم سمعت في قنوات أخرى و في لاراديوا beurfm شيخ تكلم بالقبائلية و حذر بالاحتفالات هاذوا بأتم التفاصيل . و ما نتكلموش على الانترنت الخ .... اللي قال ما سمعتش يكذب و اللي قال ما داروش في التلفاز و الراديوا يكذب . و أكبر علماء الجزائر شيخ فركوس حفظه الله اللي ما يعرفوش يحوس عليه و يعيط لو و يشوف الجواب .

و اسألوا أهل الذكر ان كنتم لا تعلمون

نخلطوا السيارات و البورتابلات مع الاحتفالات المحرمة ؟ نخلطوا الماكياج و الفيس بوك مع الاحتفالات المحرمة ؟ غدوا روحي خلطي الحليب مع الزيت . ولا خلطي الحلال مع الحرام هكذا خير .
حنا المتدينين و اللي نسمعوا للفتاوى العلماء كأغبياء و الامامات في المساجد اللي تخطب كا الجمعة و يعيطوا في الميكرو فون
ياااااااااااااااااا عباااااد الله لا تحتفلوا بأعياد المشركين فمن تشبه بقوم فهو منهم حتى طلعت أنفاسهم
غير انت الشاطرة يا أختي مع كا احتراماتي .
الجمعة المباركة هو عيد المسلمين وعلاش ما تحتافلوش و تزهيو الدراري . نلبسهم الجديد و الريحة الطيبة و يقراو القران و ندير لهم قاطوا يفرحوا و يحبوا الجمعة . فرحيهم في أيام أخرى يا أختي و لا تخاطري بأخرتكي . قالوا لك حرام ؟ ما تحتفليش و خلاص . توكلي على الله و خلي الكرش في جهة .ان شاء الله ناكلوا عسل الجنة و ما نبدلوش بكعكة تغضب رب العالمين
حق ربي راني محتارة واش نقول بصح فرحت لان الكثير من الاخوات هنا يخفن الله و تطعن الله و رسوله وو ما هو حرام و حلال . التقوى و الله ندعي لهم في صلاتي عن ظهر الغيب و ندعي ربي يهدي أخواتي للطريق الصحيح