الجزء 104 من واش طيبتي اليوم : كل يوم فكرة بإذن الله - الصفحة 22

om mita · 2014-12-15, 10:02

انا اليوم رايحة ندير كرواصون وتورت الشفلور

زينب 83 · 2014-12-15, 10:15

انت الزين يا سطايفية الغالية

ام يسرى ما شاء الله على الباروك شهيتيني مع الصباح ربي يوصلك على خير حبيبتي و اهلًا بيك في بلادك
أية حبيبتي بارك الله فيك على الدعاء و ربي يعينك على الريجيم
صباح الخير داءمة الحمد يا نوارة المنتدى
إيمان صباح الخير حبيبتي
اهلين ام ياسو نورتن الكوزينة
ام وسيم صباح الخير مرة اخرى
توتة يا توتة راكي مزهيتها مع الصباح]
جيادا صباح الخير رانا نسناو في الارنوبة
ليزا العسولة واش صحبتي حبيبتي راك سهرتي البارح
نهال بصحتك السلاطة هذا واش نحب]
صباح الخير ام لجين راني جاوبتك على الكسرة
صباح الخير يا احلى ام محمد تاج حتى انا عندي سبع شعرات شايبببن كبرنا الله غالب
ام أمنية صباح الخير حبيبتي واش راكي مع الحمل ربي يسلكك على خير
ام نهولة صباح الخير يا لغالية
صباح الخييييييييييييييير على الجميع بدون استثناء و اللي نسيتها تسامحنيييييييييييييييييي

oum ibrahim · 2014-12-15, 10:26

صباح الخيرا يا الحراير
كوزينة مبروكة زينوبة تفضلو البقلاوة و روحو للصالون و تشاورو براحتكم انا للاسف منقدرش نشارك معاكم مشغووووووووووووولة

omomnia15 · 2014-12-15, 10:31

ام رهام روحي للدردشة

زينب 83 · 2014-12-15, 10:34

صباح الخير على كل الملتحقات ، سالما تيتا ، ام سراج ، ام ابراهيم الغاليين ، ام ابراهيم باروكك توب يا ملكة الحلويات

توتة راني غيرت شوي في التطبيقات شوفوهم و اذا حابين تغيرو حاجة قولولي و لازم تتفاهو وقبل 12 راهي نص الكوزينة راحت في التفاهم

أم ياسين الزهراء · 2014-12-15, 10:40

جيادا ياحلوة فكرتك مليحة 4444444444444444444

نهال الله يكملك على خير

ام ماجد الله يجيب الشفاء اختي اتهلاي في روحك

توتة حتى انا ابعثيلي برية مافهمت والو هههههههههههههههه

غدايا عدس بالعصبان اللي خبيتو لوليدي والمطلوع والحمد لله وطبعا راح نبدا نلبز على بركة الله

البنات الله يخليكم فرحتولي بعودة وليدي ربي يفرحكم ويخليكم

حقى ام محمد زوجي ع صايم ونديرلو شربة بيضاء باللحم مرحي ونشوف واش نزيد

أم ياسين الزهراء · 2014-12-15, 10:41

ام ابراهيم عندي قرن ونحوس عليك قوليلي القيس تاع سنيوتك تاع قلب اللوز واوزنيلي الدقيق اللي ديريه بالميزان وماتسرقيش في الميزان ههههههههههههههه نتمسخر ياحلوة

om wassim · 2014-12-15, 10:42

البنات ادعيولي راهي بدات الرحلة عندنا ادعيولي يكون لي نصيب منها و ربي يرزق كل محروم ببيت كريم امييين يا رب العالمين

زينب 83 · 2014-12-15, 10:44

ام كاميليا ربي يشفيك حبيبتي و يعافيك من كل ضر

ام ياسو الحمد لله على عودة وليدك بالسلامة هذا وين قريت ، ربي يفرحك بيه دائماً

sunshine2013 · 2014-12-15, 10:55

السلام عليكم أخواتي راني جديدة بيناتكم و حابة نتعلم معاكم
حبيت ندير شربة فريك بنينة كيما نتاع لعراس بصح ما نجحتش فيها يعني شربة نتاع ضياف ربي يخليكم

mina2015 · 2014-12-15, 10:55

الف الف مبروك الافتتاح

kikimnarim2 · 2014-12-15, 10:58

ما شاء الله

zahra30 · 2014-12-15, 10:58

صباح الخييير ومبروووك الكوزينة الجديدة والله يبارك ما شاء الله زينب كي الدار كي الطياب كلش 44444444444 ربي يهنيكم
ام ندى سمحيلي ما اقدرتش نشارك في كوزينتك راني مريضة وعائلتي بلاقريب جامي شفتها في حياتي سخانة وقيا واسهاال وووو عفاكم الله
الشيئ اللي خفف عليا ولدي ربي يحفظو ويشفيه بعثتلو المعلمة انتاعو بشارة باللي هو الاول في القسم وعقباااال لولادكم يفرحوكم وتفرحو بيهم ياااارب

scorpionoir · 2014-12-15, 11:09

زهرة كلشي مبروك وربي يبعد عليه العين ولعقوبة لبناتي راني نستنى
لاقريب راني بيها درت تراتمون وضربت 2 اباري ومراحتليش مع الفشلة راح نرجع لعشية لطبيب .السمانة لي فاتت قالي راهي قريب قاوية ربي يشفينا ويبعدعلينا البلا
غدايا فريت انا ولبنات زوجي معروض للغدا وراني مع التفاح كشما ندير بيه بدا يفسد وما كلوهش

om mita · 2014-12-15, 11:12

[FONT="Comic Sans MS"][COLOR="Indigo"]
هاي حبوبات
زينوبة هاو ليك الباروك نشاله يعجبك
هذي غريبة اللهلوبة اممممممممم قدما درتها مكرهتش منها تحفة تحفة

هذا مربى الفراولة

هذا غدانا في احد الايام هههههههههههههه
سمك مرمد بلاشابلير

بطاطا مع اللحم مقلي
عطاتولي اختي ربي يسعد ايامها هي وزوجها واولادها

هذا وحد اليوم جاوني ضياف علا غفلة حضرتلهم هذا

هذو قطايف

وهذا خبز الفوكاشيا امممممم جا يهبل

هو يعني مزيف كي درت خبز الدار تاع السميد نقصت قرصة صغيرة حليتها رقيقة
دهنتها بالياغورت الطبيعي + ثوم تطريقة الاخت زينب
ودرت زيتون وفرماج
FONT]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري