الجزء 103 من واش طيبتي شعارنا متحابين في الله - الصفحة 63

ام نور الهدى 2014 · 2014-12-12, 13:20

السﻻم عليكم
جمعة مباركة على الجميع
حبيت نسقسيكم لعندها كاش وصفة بنينة تجي بسمك التونة الفري في الفرن او مشوية
انتظر ردودكن ان شاء الله

lyzzabel · 2014-12-12, 13:21

صح فطوركم يا الغاليات
داءمة الحمد الف لاباس عليك حبيبتي و ربي يشفيك و يعافيك و سلميلي على اسينيتا و اسيناااااات مووووووواح
ام ياسو لي كراب تاوعك يشهو بزااااااف ما تحقريهمش مممممممم
ام هبوبة بصحتكم البركوكس راه يشهييييييييييييييي
ام وسيم ربي يخليلك ماماك و بصحتك الكبدة
توتة بصحتك الطعام ههههههههههه مارانيش نضحك على لطعام راكي عارفة علااااااش
ناهدوراااااان حبيبتي نسيت ما رديتيش عليك البارح ،، ترحب بيك الجنة غاليتي و ليك وحشة كبيييييييرة و بوسيلي الأميرة الحلوة الجميييييلة ربي يحفظها
ام نور الدين تاني طلت البارح ، نقولك المنتدى منور بوجودكم يا العزيزة موووووواح

فطورنا كان كيما قلتلكم كبدة بالزيتون ايفيلي و الفول صوتي و الحمد لله على نعمه حمدا كثيرا طيبا مباركا فيه

حقا سمسومتي ما نقدر نكليكي على واااالو مام هديك la grille تاع copier coller ما تخرجلييييش واااااااع

حبيباتي بصحتكم كامل بدون استثناء ،، بالاك من بعد الجمعة نخرجو بإذن الله ندو الاولاد ل mega land دازمااااان ما خرجناش ،، ولا كان ربي ما كتبش ندخل ،، سلااااااام الى حين

اللهم صل و سلم و بارك على الحبيب المصطفى

touta2010 · 2014-12-12, 13:22

ام هبوبة روعة روعة ومع داك الكس تاع العصير ممممممممم بعثيهالي قبل ما يدخلو ليزانديا ههههههه

أم ياسين الزهراء · 2014-12-12, 13:23

توتة ادا ولد يشبه لوليدي ياسين اله يبارك زين وسر منبعد نبعثلك صورة ماتخافيش عندنا الكل الزين ولاطاي والسر والطياب هههههههههههههههههه

اهلا ليزتي الحلوة وين راهم المنتوجات البحرية سخفت عليهم من يديك ياعسل

omomnia15 · 2014-12-12, 13:23

السلام عليكم وجمعة مباركة للجميع
مبروك الكوزينة ام ندى ولو متاخرة بصح الله غالب ظروف وان شاء الله مربوحة عليك
فطوري لوبيا ودرت مخبز الكوكاو ونوات كوكو جا روعة يعطيها الصحة مولاتو وكملت حمصت الطمينة ودرت شوية رقاق للشخشوخة وخبيتهم فالجونجيلاتور واذا قدرت نزيد شوية صابلي والله راني نكمل في الايام هذي بالسيف دعواتكم لي ولكل الحوامل في هذا اليوم المبارك

أم ياسين الزهراء · 2014-12-12, 13:24

هدا لي قبل مايجو ليزاباش ههههههههههههههههههه تسخف امممممممممممممممممم تسلم يديك

touta2010 · 2014-12-12, 13:27

ام ياسين نستنى ونبعثلك قبلاتي
ليزابال بصحتك الغدا والتحويسة ام امنية اهلين منورة المطبخ

لبنات الحاج عقروب مجاش غير الخير ههههههههههه

om wassim · 2014-12-12, 13:27

سخفتوني درتهم هههه عجبوهم دارنا يعطيها الصحه صاحبة الوصفة

touta2010 · 2014-12-12, 13:35

لبنات كما تعرفو اليوم درت الطعام جا هايل حطيت وبقينا ناكلو حتى كملنا نص الزلافة فتكرت روحي وقلتلهم اااااااا كيف مكانش لي قالي متكليش لخطرش طبيب منعني من اكل المعجنات
بقا صاحب السمو وولادي يشوفو فيا وقالي وحنا شعندنا فيك وبقاو يضحكو عععععععععع
والله بطني راه حالة بدا يتنفخ هههههههههه

lyzzabel · 2014-12-12, 13:36

حقا امنياتي يعطيك الصحة الفو ميل فأي رووووووعة حطيلي الرابط قبل ما تخرجي عزيزتي

ام ياسو انت العسل كله و المنتوجات البحرية كاين بصح الصور وااااااااع راني باغية نبكيييييي ،، موووووواح

نور الهدى سمك التونة بعدما تنقيه مليح و تغسليه خليه يقطر و وجدي الحشو لي هو سنات ثوم رابي كثري و ربطة معدنوس مقطع رقيق و ملح و فلفل اسود و كمون و زيت الزيتون و عصير ليمونة ،، خلطي ملييييح و ديري فتحات على سطح السمكة من الجهتين و دخلي فيهم شوية مالحشو و ديري تاني الداخل مكان المصارن لي نحيتيهم و ادا بقاتلك الحشوة زيدي أطليها من فوق على الجهتين و ادا كملتلك ديري رشة ملح و فلفل و كمون ،، حطيها في طبق الفرن و غطيها بالالمنيوم ،، النار تاع الفرن ما تكونش قاوية بزاف و خليه يطيب في لا ماغيناد تاعه و ما تقلبيهش ،، و ادا السمكة كبيرة بزاف ضيفي غيييير شويييية ماء ،، تقدري تزيدي دواءر تاع طماطم و نوصيك ما تديريش معاها ترونشات الليمون راهم يطلقو المرارة و مين يطيب قدميه في صحن مع ترونشات الليمون و أوراق السلطة الخضراء للتزيين
و ادا بغيتي تشويها قطعيها دواءر رقيقة نوعا ما مشي بزاف و تبليها بالملح و الفلفل الأسود و الكمون ،، عامة السمة الأزرق يحب الكمون ،، و ما تنسيييييش رشة زيت الزيتون باش ما يلصقش و اشويه على الجهتين حتى يتحمر على نار اقل من المتوسطة و قدميه مع الليون و زينيه بالمعدنوس و بالصحة على قلوبكم ،، نتمنى تكوني فهمتي و اي استفسار خليهلي هنا و مين ندخل بإذن الله نجاوبك

اللهم صل على النبي و سلم تسليما

touta2010 · 2014-12-12, 13:37

اقتباس:

المشاركة الأصلية كتبت بواسطة om wassim

سخفتوني درتهم هههه عجبوهم دارنا يعطيها الصحه صاحبة الوصفة

شفتي البنة كيف روعة خاصة بحشو الخضر مممممم
بصحتكم

lyzzabel · 2014-12-12, 13:39

ام هبوبة و ام وسيم يعطيكم الصحة حبيباتي كلشي راه يشهي

ام أمنية على سلامتك حبيبتي ،، ربي يسهلك و يجيبلك سويعة ساهلة نتيا و كل الحوامل يااااارب امييييين و بصحتك اللوبيا و ربي يعاونك فآل تحضيرا غاليتي

توتة الله يسلمك لاكان تجي معايا يالله مرحبا

أم ريمة* · 2014-12-12, 13:41

مساء الخير دائمة الحمد ربى يشفيك عاجلا غير اجلا يارب
ام ياسين تطبيقك روعة و ربى يخيلك لنا يامحارب وبصحتكم البسبوسة
توتة بصحتك الطعام والتعمير
اهلا بالغالية ليزا بالمناسبة رانى درت القاطو انتاعك بالنوادكوكو وجا مذاقو روعة ربى يعطيك ما تتمناى

ليتارتولات بالموز والكراميل لالهام ممممم

وهذا غدانا شخشوخة الظفر رانى درت 2طبيقات

وسلطة الفواكه موز وبرتقال وتفاح وكيوى وياوورتوالحمد لله حمدا كثيرا

*أم ثازيري* · 2014-12-12, 13:42

أوريسيا هاهي ليك الطريقة
اشري باطة رفيس قسنطيني لونها زرقا
نحيه من الباطة ديريه طوووول في الكسكاس و فوريه

كي يفور نحيه و سقيه بنص كاس ماء زهر مخلط بنص كاس حليب
خليه ينشف
رجعيه يفور
عاودي نحيه و ديريلو ماء زهر وحليب و خليه ينشف
عاودي رجعيه يفور
نحيه زيديلو مكسرات جوز و بيسطاس مدقدقين
في مرميطة كبيييييرة ديري زبدة و عسل يذوبو
اذا تحبيه حلو غلبي كمية العسل
جمري الرفيس في خليط العسل و الزبدة
و من بعد ديريه في صحون التقديم
و زينيه

touta2010 · 2014-12-12, 13:45

ام ثازيري الطبق يشهي بصح معرفتهش مكانش عنا ولا لا اليزابال

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري