~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~

[ام هاديل وياسين]

مساء الخير

وفيكي بارك الرحمان اختي سمراء الله يقدرنا ونقدمو اكثر

شكرا نبض الفؤاد شفتي احنا كي نشفوهم لاهيين نقولو راهم يتعلمو منهم وهوا الغلط بنفسو

انا بديت ببني الصغيرة راني نحاول نبعدها على قد ما نقدر

بتوفيق للجميع

[نبض الفؤاد]

لازم انا الكبار ما عندهم حاجة بالتلفاز بصح الصغير ....تعلق بيه من بعد الرحلة لقى روحه بعيد على اصحابه....وما عنديش اولاد الجيران ذكور.....صبت معاه صعوبة كبيرة نظل نجري.....موراه.....

سمراء صوالح رووووووعة يعطيك الصحة

[ام ياسمين10]

السلام عليكم ورحمة الله وبركاته
يومياتى تشبه تقريبا ليومياتكم
الاسبوع الى فات كنت صايمة نوض على 5.15 نطيب قهوة وحليب ونفطر وفى نفس الوقت سحور ونروح نتوضا ونصلى ركعتين ونقعد نقرا قران الى ان يؤذن نصلى ونسبح ونستغفر تلحق السبعة نوجد حليب ولادى وينوض الزوج ونوجد وليدى نغسلو ونلبسو باش يروح للروضة 7.30يخرج مع باباه ونتلها ببنتى تغسللها ونلبسها ونمشطلها شعرها تموووت على التحفة ههههه
و نروح طول للدوش نلمو ونحط القش يتغسل فى الماشينة مع البرد والدرارى صغار ديما كاين القش ونلم شمبرتى وفراش الدرارى ونقعد عند الميكرو وننسا روحى ياى نلقاها مرات 10ولا 11 نروح للكوزينة بالزربة نوجد حاجة للغداء زوجى يحب حاجة خفيفة للغداء والعشاء ثقيل والدرارى تقريبا ميحبوش ياكلو معانا دايما كسرونة دويدة ولا دشيشة ولا مقرون ......
تلحق 12.20 يدخل زوجى وابنى نحطلو ياكل وانا نلهى مع ولادى نوكلهم بايدى ولا مايكلوش والله تعبونى طبيعة جايحة ميحبوش ينحيوها
يصلى زوجى الظهر ويروح لشغلو وانا نصى ونرقد ولادى معايا
نوض قبل العصر نوجد القهوة ونسقهواو ونقعد مع وليدى شويا نقريه الحروف والارقام نراجعلو واش راه يقرا فى الروضة
ونخليه مع الميكرو يلعب ونروح نوجد العشاء
نتعشاو ونسهرو الزوج مع النت وولادى يلعبو ويديرو حالة ميحبوش يرقدو مرات تلحق 12.00 وهما مصحصحين
برنامجى فيه ياسر ديفووات ان شاء الله معاكم نسقمو

[oum sabrin]

المشاركة الأصلية كتبت بواسطة سمراء الدنيا

بارك الله فيكن .... ام صابرين + شوشو + ام هديل + الدرة المكنونة على المشاركة الفعالة

الامنيات هاهو الرابط
https://www.djelfa.info/vb/showthread.php?t=1467354

المشاركة الأصلية كتبت بواسطة نبض الفؤاد

السلام عليكم.....كراكم؟؟؟؟لا باس.....اليوم حبيت نتلاقى بيكم.....وحدة ما راهي تدور.......المهم اليوم ثاني غير مع الحوايج....الله يلطف.....وجاوني ضياف للفطور....غسلت ميعناتي وجوزت بنتي نشاف...حاشاكم....البارح سيقنا....والاخرى نشرت الغسيل.....صليت الظهر وقغدت قدام الميكرو.....والاولاد راحو يذاكرو....راهم على ابواب الامتحانات...
وذرك نروح لصلاة العصر...ونطيب المثقبة للقهوة....اولادي ما يحبوش بزاف الحلاوي....الفطير والمثقبة....هما المراد....
ام هديل ...يعطيك الصحة....انا دايما ننهي خياتي ونسا خاوتي وكل من التقي على التلفاز....وشفتي شحال كثر التوحد يا لطيف.....
ام صابرين....بارك الله فيك....ربي يديم عليك الصحة ...راكي ما شاء الله.....برك ادا كان ممكن بعد طلبالغالية شوشو....تصوريلنا الكريمات.....باه تضحكو شوي الخميس رحت نشري لبنتي فون دوتا....عيطتلي مالخدمة وأملاتلي الماركة...جايينها يشوفو...كي رحت كي البوجادي قلتله اقرا ومدلي المركة....وهو يسأل فيا ونا ما عندي حتى معلومة.....
المهم كثرت الماركات وتخلطت علينا......

المشاركة الأصلية كتبت بواسطة سمراء الدنيا

البارح طلبت من الاولاد ينظفو غرفهم و يساعدوني في تنظيف مرآب السيارة و نكافئهم بغداء في الغابة و فعلا قامو بالعمل على اكمل وجه و عملتليهم سوندويشات لكن ما خرجناش لانو الجو تغير ريح و برد
الخلاصة انو ممكن تستعملي مع الاولاد في بعض الاحيان العقاب و في مرات اخرى استعملي المكافأة و كوني وفية بوعودك حتى يحترموك و يطيعو اوامرك

مساء الأنوار حبيباتي
شكرا لكن على التشجيع
أختي نبض الفؤاد ها هي صور الكريمات[

EMAIL="
"][/EMAIL]


بالنسبة للوشن جابوهولي من ألمانيا لا أدري إذا متواجد بالجزائر أما الثانية فاشتريتها 480دج

[ام ياسمين10]

اختى ام هديل ربى يحفضك على التنبيه والله صح التلفاز هو شر الاولاد رانى كنت نجاهد مع وليدى والحمد لله راه تحسن والان رانى مع بنتى الصغيرة نحاول نحيلها التلفاز ونخليها تتعلم التعامل والكلام

[ام محمد اسلام الله]

والله روعة هدا واين اكتشفت هدا البرنامج روعة ادا امكن نشارك معكم

[ام محمد اسلام الله]

والله روعة اختي سمراء الدنيا جزاك الله كل خير على هدا البرنامج

[ماريا205]

تطبيقاتي لايام الاثنين الثلاثاء الاربعاء

[نايليةوافتخر]

صباح الخير
وشراكم يعطيكم الصحة على النشاط وعلى الافكار الي حطيتوها
انا ملي ولدت تبدلي كلش مانيش عارفة انظم روحي نهائيا حاسة يومي مخلط ومتوقف على بنتي ادا ناضت مانخدم والو لازم نعود نجري وهيا راقدة والمشكل ترقد 20او30د وتنوض خدمتي دائما مقطعة وزيد عليها سهر اليل راني نحاول انظم روحي ونبدا معاكم هد الاسبوع لان عندي شومبرة وصالة وكوزينة فقط
والجانب الديني راني صفر ربي يغفرلي ويعني
بديت نكتب ناضت تسمط هههههههههه

[& هبة الرحمن &]

السلام عليكم ورحمة الله وبركاته

يقول الحبيب المصطفى ﷺ

سلوا الله العافية فإنه لم يعط عبد شيئا أفضل من العافية "

العافية تكون في الجسد وفي الولد وفي المال وفوق ذلك العافية في الدين .
اللهم إنا نسألك العفو والعافيه في الدين والدنيا والآخره .

اللّهُمَ أسألُك صَباحاً مُبَشراً ..
وَهَماً راحلاً ..
وَقلباً مُطمَئِناً"
صباآحگم فرح ورضآآ"
صباح الخيرات والمسرات

[تائبة لله تعالى]

السلام عليكم
ان تطبيقى لهذ اليوم وغيره من الايام
انهض مع 3.30 اصلى ركعتين قيام الليل وابدا بالاستغار الى ان ياتى وصت صلاة الفجر اصلى ركعتين الفجر ثم اقرا بعض السور من القران الكريم واقرا الاذكار الصباحية الى ان ياذن لصبح اصلى ركعتين واستغفر قليلا ثم انام الى الساعة 7.00 صباحا امى تجهز لنا القهوة والحليب مع الخبز واخوتى يذهبون للمدرسة وانا ابدا بتنظيف دار الاستقبال ثم الهول ثم الكوزينة ثم نشرب قهوتى لانى نشرب القهوة بعد ان اكل التنظيف ثم لبس لباسي واتوجه للتكوين المهنى مباشرة وانا تخصص خياطة والحمد لله تعلمنا بعض الفصالة والخياطة ووعندما انتهى من التكوين مع 11.00 ناتى للبيت واجلس مباشرة على النت الى الساعة 12 نتغذى ثم نصلى الظهر ونرجع للتكوين الى الساعة 4.00 مساء ارجع للبيت اصلى العصر واقرا اذكار المساء واقرا ما تيسر من القران الكريم واجلس على النت الى ا ياذن المغرب اصلى صلاة المغرب واقرا الاذكار بعد لصلاة ثم نحضر العشاء ويكون حاجة خفيفة ثم انظف الكوزينة وماما تجلس على النت
الى ان ياذن لعشاء نصلى العشاء وننام جميعا نغلق كل شيء النت والتلفاز والاضواء لكى يرتاح جسمنا ونستيقظ باكرا ونحن نشيطين
لذ انصحكم ان لا تكثروا من السهر كثيرا وربي يحميكم كامل
سلام

[سمراء الدنيا]

[نبض الفؤاد]

[IMG][/IMG]

[شموخ امرأة]

السلام عليكم صباح النشاط والخير مع قمح الشعير على قول سمورة
الله عليكم كلشي بالطبع والشان سمورة قوليلي هذوك جيوب ههههه وين لقيتيهم في السوق والله غير عجبوني

[شموخ امرأة]

[IMG]https://im81.gulfup.com/nZ1aOX.jpg[/IMG