لماذا تتدخلون في مالا يعنيكم ؟

[مريم الصابرة]

المشاركة الأصلية كتبت بواسطة أم ملاك.

السلام عليكم اختي ام ملاك اتمنى ان تكون الجميلة ليديا بألف خير
الحمدلله هي بالف خير شكرا على السؤال


يعني أنت تسمحين بالتدخل حسب الشخص وحسب الموضوع
متى اسمح بالتدخل ان كانت مشكلة مستعصية مع زوجي وهناا دخل اي انسان يسمع له زوجي ويقدره كاهله ابوه امه او حتى اخوته المهم يفرى المشكل


طبعا الام يحق لها التدخل سواء ام لرجل او لإمرأة وكثيرا ما تدخلها في امور الزواج يكون مجحف ولكن تبقى نظرتهم كأولياء مسيطرة علينا
صح عانيت كثيرا من تدخل امي في امور زواجي وكنت اتخاصم معها لذلك وصراحة ندمت اشد الندم فقد كانت ترى مالم استطع رؤيته عليها بقولك الي فايتك بليلة فايتك بحيلة




هنا السؤال المحيّر لما اهل الرجل يرفضون الفتاة وحتى قبل أن يعرفوها لما إختياره لشريكة حياته دائما مرفوض سبحان الله
ويبقى السؤال مطروح لماذا؟؟؟؟؟





لدي سؤال واجيبيني بكل صراحة لو تدخلت امك في امر بينك وبين زوجك هل ترفضبن او تسمعين وتسكتين الاكيد حتى لو رفضت تدخلها ولكن تسكتين ولكن طبعا لو تدخلت امه اكيد سوف تقيمين الدنيا وتقعدينها وربما انا لو تزوجت افعل هذا صراحة هذا طبع فينا ام ماذا؟
نجاوبك بصراحة
انا من طبعي مانحب حتى واحد يتدخل في حياتي مع زوجي حتى ولو كانت امي احيانا كثيرة تنصحني او تنهاني عن شيء او راكي تعرفي الامهات حاجة ماترضيهم مانخليهاش صراحة تفوت الحدود مانسمعلهاش ونبدللها كل الموضوع خاطرش احيانا مثلا نكون متخاصمة مع زوجي نروح نطلب النصيحة نلقاها منيرفية منو تقول هي اللي تعافرت معاه وتبدا تهدر تهدر هههه نقوللها جيت ندي نصيحة مش باش تكرهيني في راجلي تقولي نوريلك صلاحك وانا مانفيقش بروحي بعد ماكنت مقلقة منو نولي ندافع عليه ونقول واش داين نحكيلها كنت لاباس ههههههه
حماتي نعرف نوياها عليها مانحبش تتدخل ابدا في حياتي
اذا كانت بينها وبين ولدها مايهمنيش بصح باش توصلني نحطها عند حدها بالمعاني والكلام حتان تفهم روحها


معليش كان القصف أرض ارض معليش
ههههههه تعرفي جيت عروسة نحشم من خيالي وكل مايديرولي حاجة نسكت ولا نبكي راجلي في طبعو مايحبش المراة الضعيفة كي يشوفني هكذاك يتقلق مني ويقولي لوقتاش نظل ندافع عليك هههه
نقولو مانقدرش نهدر ليماك ولا لاختك نحشم يقولي ماكانش حشمة في هاذ الدنيا ماتخلي حتى واحد يحقرك لازم تحطي حدود لكل واحد باش يحترموك
وفعلا عندو الحق علمني ندافع على روحي بديت بيه هو الاول ههههههه
والحق مانتجاوزش صلاحياتي تلقايني نعامل كل واحد بنفس طريقته وفرات



شكرا اختي نورتي موضوعي
شكرا عالرد

السلام عليكم اختي
نورني ردك وآسفة على التاخر
كل ما اعجبني في ردك هو أن زوجك حرّضك على اهله ههههههه
راكي قافزة ما نخافش عليك
ربي يحفظ ليديا يا رب
شكرا لك