هل اذهب للرؤية الشرعية أم لا داعي؟؟؟

[وهراني 31]

المشاركة الأصلية كتبت بواسطة yildiz

السلام عليكم
قريت الموضوع .. قريت الردود ..
الى صاحب الموضوع و ما ادراك و ما ادراها امك من هي الافضل بالنسبة لك ؟؟!!!!!!!!!!!!!!!!!
تزعمون انكم تبحثون عن صاحبة الدين و والخلق وفي باطنكم ............ الله به عليم
تتركون صاحبة الدين المتخلقة بإرادتها والملتزمة ما استطاعت و المجاهدة لنفسها في سبيل طاعة ربها ... تتركونها بحجة العمر غير المناسب !!!! ما لكم كيف تحكمون ؟؟!!!!
*****
انا نعرف حاجة وحدة برك
الي يحوس على الي مدينة في هاد الوقت يديها و لو كانت اكبر منه سنا او اقل جمالا .. و غير الراجل الي صح راجل يديرها ...
***
و الى الاخ الوهراني الله الله عليك ...
ما نهدرش معاك بزااف ..
بصح نقولك حاجة وحدة ان شاء الله يعطيك ربي طفلة و تحرقلك قلبك بالهدرة الي تسمعها عليها بلي فاتها القطار و ما تصلحش للزواج و انتهت مدة الصلاحية تاعها ... تماك تقول يا ندامتي .. شحال من وحدة عمرها 28 سنة قرات ردي على موضوع المسكينة صرالها اكتئاب و ساءت حالتها بسبب ردي .... والايام بيننا و بين كل واحد يطول لسانو على النسا و العُمر و يحل فمو بزاااااااف
والكلام هادا موجه لكل واحد يخمم و يهدر كلام كيما هادا ....
*****
نقولكم حاجة وخممو فيها مليح ,,, او بالاحرى ما تخمموش تطيحو فيها بإذن الله ....
الصغيرات (الي راكم تهدرو عليهم يصلحن للزواج احسن وافضل من فاتت ال 26 سنة )
وخاصة في هاد الوقت وهادا الجيل ,, تعرف امور اكتر من مولات 26 الي من الجيل السابق عندها الحيلة اكتر ....
المغريات قدامها اكتر .... و الحالة ماشية و ينقص الحيا من الدنيا ... مغرورة بصغرها ... روحو برك للمتوسطات و الثانويات و شوفو العجب و ادخلو للديار و شوفو الي قاعدات فيهم و هوما "صغيرات " روحو شوفو واش يديرو فالليل و في وضح النهار ايضا ..... وفي راسي حاجات وامتلة مانيش حابة نقولهم احتراما لنفسي أولا....
و حقيقة ماكانش ذكر من الي يحل فمو بزاف ينكرها ’’ بعد الزواج ادا كتر هاد الذكر بسنة واحدة يبدا يمل من الصغيرة هادي و من جسمها و الحياة معاها وخاصة ادا كانت صغيرة جسم وسن و عقل و ادراة بيت ...
و سقسيو الي يقول انا وانا ادا يقولكم الصح والحقيقة ....
وفالاخير نعم يا رجال يا ذكور الهمّ الوحيد اتباع الغرائز .. نعم تزوجو الصغيرة و تموتو وتخلوها مازالت صغيرة و تعاود تتزوج و تعيش لابال في ..
و فيف الذكور تاع بلادي خالعين روحهم بالتعدد و القوامة و الحق في اختيار الزوجة الودود الولود والبكر الي يلاعبها وتلاعبه و هو فالصح برك لاvوا تاعو يديروها في ديسان انيمي تاع شخصية وحش ... و الرومنسية في الشرق وهو فالغرب ... و ادا قدر يفششها بكادو بلا مناسبة و بمناسبة و يسمعها كلمات حلوين مرة فالشهر راهو مليح ....
****
ميساج لبزاف ناس والي توسوس و وجعاتو الهدرة رااني عليه ..
و يحياو ولاد بلادي ههههههه

الله يحسن العون

يبدوا انك من العوانس اللاتي تجاوزن سن 26 لهذا انت تتكلمين بحرقة

فرغي اللي راه في قلبك يا اخية

واعلمي ان قصدي لم يكن الاساءة ابدا ولكن ماذا افعل ان كان كلامي يساء فهمه