واش طيبتي اليوم?الجزء92 كواليس عيد الاضحى***

[lyzzabel]

السلام عليكم و رحمة الله و بركاته و كل جمعة و انتن الى الله اقرب
صح فطوركم حبيباتي و بصحتكم القهوة
اليوم فطرنا طعام بالعصبان و الرقبة و الحمد لله على نعمه حمدا كثيرا طيبا مباركا فيه

المشاركة الأصلية كتبت بواسطة mimimouni

السلام عليكم ، وجمعة مباركة للجميع حبيت في هاذ اليوم المبارك نطلب من اخواتي يدعولي راني تعرضت لحادث صغير فالمنزل، والحمد لله على كل حال ، المهم راني في حالة على مستوى الرقبة و الكتف و الضهر واليد.
من فضلكم ما تنساونيش في دعواتكم يحبس لي الالم و يشفيني ربي ويشفي جميع المرضى.

حبيبتي ميمي الحمد لله على سلامتك ،، واش من حادث ما تقوليليش انحرقتي عافاك الله ،، اسال الله العظيم رب العرش العظيم ان يشفيك شفاءا عاجلا غير اجل ليس بعده سقم و ربي يحفظك و يحفظنا من كل سوء امييييين

المشاركة الأصلية كتبت بواسطة SS86

سلام لكل المشاركات
عندي مدة و أنا غا نتبع من بعيد بلا مشاركة و كنتحابة نشاركم بكواليس عيدي لكن الله غالب مرضت مرضة طيحتني فراش مع الغربة و الوحدة و الكفار ميرحموش صدقوني مورالي راهو تعبان اكثر من جسمي
نتمنى منكل وحدة فيكم تدعيلي ربي يستر و يشفينيو يفرج همومي

SS مرحبا بيك و صح عيدك ،، عندك مدة ما بنتيش انشالله راكي لاباس حبيبة
صح الغربة صعيبة خاصة في بلاد الكفار ،، ربي يكون في عونكم و يحفظكم من كل شر و يبعد عليكم ولاد الحرام يااااارب


حبيبتي ام نور الدين قاع الناس راها تشكي من قطع الرحم ،، يا حبيبتي نطلب ربي سبحانه يصلح لنا اولادنا و يحنو علينا و يبرو بينا امين يا رب العالمين

جيادا الله يحفظك و يجازيك بالخير على طيبتك يا طيوبة ،، و حبيبتك ربي يكبرها و يرحم المفقود و يجعل مثواه الجنة امين ،، من رايي ديريلها الرقاق باللحم كيما تقولو الشخشوخة و سلاطة و لاكان تقدري زيدي معاها شوربة و ديريلها مادلان او الكعك او لامونة و لك الاختيار حبيبتي

ام هبوبة و امنياتي و ام نور الدين بصحتكم الطعام ،، و هديك الطيابة لي خلات الدار و راحت جابتها غير في روحها و لي يتبع طريق الشيطان عليه لعنة الله طريقه قصيرة

ام ياسو العزيزة بصحتكم المفور راه يشهي و ربي يشفي عجوزتك و يعافيها و ينعم عليها بالصحة و السلامة امين

قمر و ام وسيم و ام مصعب بصحتكم واش فطرتو حبيباتي

بيبا بصحتكم اللوبيا حبيبتي تاكلوها بالصحة و الهنا

ام وسيم و ام مصعب الف مبروووووووك ،، ربي يثبتلكم حملكم و يكمللكم بالخير امين

ام سهام ممممممم كلشي من يديك يشهي الله يبارك ،، أعطيني وصفتك تاع البيسكوي لاكان ما فيهاش ازعاج طبعا ،، نشوف لاكان كيما تاعي ولا لا هههه

ام ساجد يعطيك الصحة حبيبة كلشي يشهي ،، فكرتيني بالصيف هههههه

كريمة بصحتكم الكمونية حبيبة و بالشفا على ولدك حنونة و البوزلوف انا ما ناااااااكلههههههش

ميمتي ام رحاب ربي يحفظك على الكلام الجميل و المعطر غاليتي و بصحتك الفطور

لينا الحلوة كلشي راه يشهي و الكبدة بالبطاطا ممممممم يعطيك الصحة حبيبة

ام باسم الف لاباس عليك حبيبتي و ما تشوفي شر ،، اللهم رب الناس اذهب البأس اشف انت الشافي لا شفاء الا شفاؤك شفاءا لا يغادر سقما

مرام و المبتدءة عيد ميلاد سعييييد و عمر مدييييييد و كل عام و نتوما بخير و صحة و سلامة يارب ،، وكاش مفاجآت قولولنا ههههههه

ما نعرف لاكان نسيت كاش وحدة هادو كامل تفكرتهم من اجتهاد ذاكرتي خخخخخ قولو ماشاء الله ههههههه ،، و لاكان نسيت وحدة حقها عليا

اللهم صل و سلم على محمد و على ال محمد كما صَلَّيْتَ و سلمت على ابراهيم و على ال ابراهيم ،، اللهم بارك على محمد و على ال محمد كما بَارَكْتَ على ابراهيم و على ال ابراهيم في العالمين انك حميد مَجِيدٌ