مشروع غسل السيارات

[tamimo92]

السلام عليكم و رحمة الله
سبحان الله تقول راني نسمع في روحي نهدر أنا ثاني 22 سنة وراني حاب ندير Lavage...
بانتلي صفقة مليحة.. فيها ربح سريع .. وما تسحقش راسمال كبير واشنو لازملك تشوف التنافسية في المنطقة وتكون تعرف مليح تسير الـمحل تاعك.. شخصيا أنا راني حاب نبداه على عامين إن شاء الله "كي يزيد ونسموه بوزيد" المهم..أنا بطبيعة الوظيفة ماراحش نكون شاغر للمحل على هذيك راح نشارك غير برأس المال و ندير مسير و عاملين فيه..
غلى حساب واش عرفت من معلومات المشكل اللي راح يكون في البداية هو مشكل الكراء على خاطر راح يطلبلك من 6 أشهر لسنة وحتى لسنتين تسبيق مع سعر الكراء راح يكون من 3 حتى لـ 6 ملاين وثاني مشكل تهيئة المحل إذا مكانش مهيئ من Faillance وعدادات واحد للماء وواحد للكهرباء ب380 فولت + يلزملك ترخيص باستعمال جزء من الرصيف لركن السيارات و موراها يلزملك في المحل من 2 إلى 3 عمال كأقصى تقدير إذا كان مغسل سيارات أما إذا كان مغسل شاحنات راح تحتاج 2 آخرين طبعا ماراحش تحتاج منهم شهادات ولكن الخبرة راح تستحقها، هذي مشاكل تقنية بسيطة تبقى دراسة المنطقة..هذا واش وصلت من الدراسة السطحية للمشروع
بالنسبة ل لونساج إذا كان أمكن لك تتجنبوا ماذابيك خاصة التمويل تع المشروع مراحش يكون كبير بزاف والديون دائما راح تبقى الثقل الأول والأخير على ظهر المستثمر.. ولكن بعد كل شيئ هذي التسهيلات والتحفيزات من عند الدولة داروها باش يستغلوها المستثمرين وهو تشجيع مهم في الحقيقة، خاصة اذا ولى معدل الفائدة صفر بالمئة
في الأخير نقولك ربي يوفقك ويعينك في مشروعك

[المنصور3]

المشاركة الأصلية كتبت بواسطة tamimo92

بالنسبة ل لونساج إذا كان أمكن لك تتجنبوا ماذابيك خاصة التمويل تع المشروع مراحش يكون كبير بزاف والديون دائما راح تبقى الثقل الأول والأخير على ظهر المستثمر.. ولكن بعد كل شيئ هذي التسهيلات والتحفيزات من عند الدولة داروها باش يستغلوها المستثمرين وهو تشجيع مهم في الحقيقة، خاصة اذا ولى معدل الفائدة صفر بالمئة
في الأخير نقولك ربي يوفقك ويعينك في مشروعك :d

المشاركة الأصلية كتبت بواسطة pctheatre

khtik men lansej roh cchri 4 karcher w aspirateur w citern ta3 el ma w 2 khadama w tkel 3la rabi ykhosek garage biensur mais ykomlek koulchi b 20 hata 30 max ila habit dir hata chaba

يا أخي كما ذكر الإخوة لونساج ليست حلا ما دام الحرام فيها و ربي يوفقك و يفتح عليك