السلام عليكم
هاذي و صفة الجاج بالموتارد والكريم فراش
بصل مقطع en lamelles (شرائح رقاق) تقليه في الزيت وشوية زبدة
تزيدي الجاج
تملحي + فلفل لكحل + الزعيترة +وريقات رند
تقلي شوية
تزيدي مغرف مليحة موتارد
ثم تضيفي الماء .. ماتكثريش بزاف .. قيس مايكمل يطيب الجاج وتبقى لصوص
انا ندير الشومبينيو ومرات كي مايكونش ما نديرش
وفي الاخير ندير الكريم فراش ونخليها تزيد شوية فوق النار ..
(في الحقيقة انا نحب نكمللها الطياب في الفور باش يحمار الجاج.. بصح كي نكون مزروبة ماندخلهاش)
ونحطها مع خضرة سوتي (بطاطا .. لوبيا خضرا.. زرودية..)
او بطاطا فريت ... وزوجي يحبها بالروز
ان شاء الله نكون قدرت نوصلك الطريقة
بالتوفيق
( تقرير عن مشاركة سيئة )، و الموجودة أسفل كل مشاركة .
2014-09-12, 08:17
العرض الشجري