الجزء 87 من واش طيبتي في داري الجديدة الله يوسعها علينا الكل تفضلو

[سعيدة8888]

على قول ام محمد ربي يخليها نروح نسوج سوجة في الدار و نولي

[nihale89]

صباااااح الانوااااار

[بشرى2008]

صباح الخييييييييييييير ونهاركم مبرووووووووووووووووووك
ام انس 69 رانا دائما فى انتظار الوصفة
دائمة الحمد هاتي هاتي الوصفة وخليني انا نخملك البلاكار

[Simassim]

صباحا لنور بشرى نهال وسعيدة واش رأكم
فطوري راه باين لحم في الكوشة بايت يتردد من البارح
صبحت على خلعه اليوم ولدي تسلق اللي تاعه وطاح خرجت له كورة في رأسه وانا كلشي راه يرجف فيا
غدوا يدخل الروضة زرق ونبقاو في سين وجيم معاهم

[oum anas 69]

صباح الخير على كل حباباتي
مانضناش بكري هههههه و راهي عندنا 09:40 وااااااع رايحة نحدد عراااااااااااام قش ديجا دخت
الدخول المدرسي عندنا يوم الثلاثاء إن شاء الله دخول موفق لكل أولادنا حبايبنا يارب
دائمة الحمد ربي يعينك على البلاكار حتى أنا راني نفرز في داري بالشوية بالشوية تحسبا للولادة بقالي بإذن الله أقل من شهر
أم ياسو بشورة أم ماجد الوصفة ساهلة ماهلة للسيدة رزقي

_
وصفة كعك اليويو للسيدة رزقي
هذي المقادير تعملك كمية كبيرة تكفي للعائلة الله يبارك
2 بيض
100 غ سكر قلاصي .. ندير ممكن 3 ملاعق لأن 100 غ بزاف لأنو راح يتعسل و يجي حلو بزاف
كاس تاي حليب عادي
كاس تاي زيت
لفاني و ممكن تزيدي ماء الزهر يهبل ريحتو من بعد مايطيب
أو قشور الليمون أو البرتقال
باكي و نصف إلى 2 باكيات خميرة الحلوى .. أحنا عندنا باكي فيه 15 غ درت باكي واحد
فرينة حتى تتلم على شكل عجينة طرية
في وعاء تخلطي بالمضرب اليدوي :
البيض + السكر + خلط مليح + الفاني + الحليب و الزيت +ماء الزهر أو قشور الليمون خلط + الخميرة و الفرينة حتى تتحصلي على عجينة طرية ماهيش يابسة باش ييجي هشوش
خليها ترتاح شوية ثم أفتحي بكمية باش ماتغلبكش على الطاولة بالحلال ... ديري الفرينة على الطاولة.... ثم قطعي بكاس أو مول دوائر ثم زيدي قطعي في الوسط مثل الصابلي حطيهم فوق سنيوة مرشوشة بالفرينة حتى تخلصي
أقليهم في زيت ساخن على نار متوسطة على الجهتين مايدوش الوقت بزاف وقطريهم
عسليهم بلا ماتغطسيهم بزاف يعني أرفدي حبة أغطسيها بيدك و أجبديها مباشرة خطرش يشرب العسل بزاف و يولي ثقيل و حلو بزااااااااف أو رشيهبالعسل من الفوق فقط
رشي عليه المكسرات لي عندك

[ام احمد وصال]

صباح الخير عليكم ياحراير

ام انس ربي يعاونك حنونة وربي يسلكك على خير ان شاء الله

سماسم ربي يحفظلك وليدك والله الاولاد معاهم الخلايع انا البارح العشوة كامل وحنا في السبيطار بني العشوة كامل وهو يتقيا حشاكم ختى ولى يحط فيه مرار وجهو ولى ابيض كيكت الكتانة كي ديناه للسبيطار قاتلي ميكروب كشما كلى حاجة مساعداتوش مسكين يشف زعمة نهار الثلاثة يطهر تعيلي ناجلوها وخلاص راهو ولى يخلع مسكين ربي يشافيهم ويعافيهم

[ام ندى 87]

صباح الانوار على الجميع
ام انس ربي يقدرك ويسلكك على خير
اماني السلام و سماسم ربي يحفضلكم اولادكم ويشافيهم رانا كيف كيف نهار كامل نجرو موراهم

[omomnia15]

صباح الخير حبيباتي ان شاء الله صبحتو ملاح
ام انس اليويو 44444444
سماسم بصحتك اللحم فالفرن
حسناء اللبن والحرشة يشهو مع هذي السخانة
دائمة الحمد مزال البلاكار مخلاصش راكي مابنتيش ربي يعينك
اليوم لوستي تع تبسة راهي جاية للعشا رايحة ندير شربة فريك وبوراك وشطيطحة بالمثوم ودجاج في اكياس الشواء وسلاطة وطبعا فواكه ومشروبات وااااااااع ربي يعيني العرضات في السخانة
عندي بزاف صور بصح لازم نطلعهم للفايس بوك ونرجعهم عجزت كي نكمل لا تفكرت راني نصور ونحطلكم العرضة تاعي سلاااااااااااام نروح نقص شوية طياب قبل السخانة ومرة على مرة نطل

[ام طيري الجنة]

السلام عليكن و صباح الانوار و الافراح و النهارات الملاح على احلى لمة
اختي ام ياسين الف مبروك افتتاح الكوزينة الجديدة و الفين مبروك افتتاح الدار الجديدة الله يجعلها عامرة بالخير و البركة و يعاونكم على الدين و تعمروها بالخير و الخمير مع الصحة و العافية
هدا باروك بسيط
الطعام نتاع الدخلة ههه

و هذا مسمن و عسيلة

[أم ياسين الزهراء]

صباح الانوار

اماني وسماسم ربي يشافي ولادكم

منال اهلا بيك معانا والله يفتحها في وجهك

دائمة البارح دارت الشتاء حالى والرعد والبرق مت بالخوف عيط لزوجي قتلو خفت وين راك قالي جايحة ههههههههههههههه قولي لاسينات ترد بالها على بنتها الجو في باتنة شوي بارد انا شخصيا مانحبش الماناج يعيني

حقى لبنات كيتشكو في تسمم بعيد الشر ديرو تيزانة تاع الشيح راهي مليحة ونافعة

البارح بقات الشربة كيما راهي راح نزيد الفريت ونشري الخبز والحمد لله

ام انس بارك الله فيك وربي يسلك وحلك

[أم ياسين الزهراء]

ام طيري الله يحلي ايامك ونفرحو بولادك والطعام اممممممممممممممممممممم

الجو راهو يبان تاع الشتاء وباتنة شاطرة غير في الحملى يييييييييييييييييييييي زعمى ناوية نخرج عندي شحال مازنقتش ودوق يدخلو البنات يقراو تطفر في ييييييييييييييييييييييي

[lyzzabel]

صباح الانواااااار على أغلى الأحباب و نهاركم طيب

المشاركة الأصلية كتبت بواسطة دائمة الحمد

حسناء بصحتك اللبن والحرشة حتى الطاس زي انتاعي ههههههه ماكانش كيما الحاجات التقليدية
منول مراحب بيك عزيزتنا واش راكي كانش حمل كانش رحيل ربي ييسرامورك حنونة
مبتدئة البلاكار الى اللقاء غدا الصباح بكري بحول الله
تولهيت في العشاء وفي لمان الكوزينة اميرة مريضة كي تجيها هذيك تقتلها بالسطر هذا وين كملت
ام الهضاب ام طيري الجنة زادو اختفو كالعادة وليزا راهي عادت متمردة موالفة مواظبة على الحضور اليومي
ام رحاب راهي راحت تزور في ماماها حرنت ثم
وام محمد عندها سمانة وهي تطبق في سرافت العرس وما ظهرتش

ههههههه صباح الخير يا الحبيبة شفتي كيفاش وليت متمردة ههههههه ،، راكي علي بالك بلي راني نخمل غير بالشوية وندي لداري نستف بصح والله غير عذااااااااب عييت بزاااااف مع شقاوة الاولاد هنا ولهيه اكثر ،، ما قدييييتش لهاذ الماراتون ،، تعشينا تما و لميت كلشي قبل ما نشور و زيدت العشا للحوانة كيما راكي عارفة حتى بغيت نطيييييح مالتعب ،، صبحت نشكي ما عنديش ليمن ربي يخليكم ليا و يقدرني


هاذي صينية القهوة شربناها تما بالملفاي و الكرواصون و الgوفرات




و هذا العشا لي درته و درت المطلوع بفكرة ام ميتا ربي يجازيها بالخير جا خفيييييف و فارغ من داخل مي خشنتها شوية مرة اخرى انشالله نزيد نرققه خاطرش مين يكون يطيب ينتفخ بطريقة مذهلة ،، و السلاطة ما صورتهاش و الحمد لله على نعمه حمدا كثيرا طيبا مباركا فيه





سبحان الله و الحمد لله ولا اله الا الله و الله اكبر ولا حول و لا قوة الا بالله

[مسيرة المدينة]

صباح الخير و الورد و الياسمين ليكم يا لحراير و جمعة مباركة ربي يتقبل مناو منكم صالح الأعمال
حبيت نستشيركم
عندي عرضة ل 14 فرد و حابة ندير رشتة شحال يليقلي من كيلو ؟ و قلت ندير معاها اسكالوب محشي بلاصوص انتاع champignons
وش رايكم كشما نزيد معاها ؟ اقتراحاااااااااات

[ام طيري الجنة]

و الله يا بنات باش وصلت هذي الصفحة من البارح ما رقدتش حتى الزوج قريبة نتاع الليل و اليوم من الثامنة راني نراجع اعييييت
دائمة الحمد اموااااااااااااااااااااااااااااااااااااااااااااااا ااااااااااااااااااااااااااااااااااااح سبيسيال ليك دايما متفكرتني تتفكرك الجنة دايما و تكوني من اهلها يا رب
سماسم و اماني السلام بالشفا على وليداتكم ربي يحفظهم
البنات يعطيكم الف صحة على كل واش طيبتو و الله غير روااااااائع
ليزابيل الحنينة ربي يعاونك على الرحلة بصح كي تسكني و تستقلي تنساي كلش ان شاء الله عتبة مربوحة عليكم و تدخلوها بالصحة

[lyzzabel]

ام طيري الجنة صباح الفل و الورد ، يا سلاااااام على الصحن تاع الطعام ،، و المسمن فييييييلم و عجبني بزاااااف السرفيس تاع الشاي روووعة الله يبارك ،، بصحتكم من كلشي حبيبتي

ام يسرا على السلامة يا الحبيبة طولتي الغيبة ،، و اطباقك راءعة كالعادة ،، بصحتكم الزيارة للبلاد العقوبا للعام الجاي

ام ياسو عودك جراي هههههه اليوم بالذات راني دايرة الحوت للفطور بإذن الله نحطلكم الصور نتيا و الغالية ام ماجد مواااااح

ام أمنية ربي يعاونك و بصحتها الضيفة مسبقاااا

سمسومة لاباس على ولدك شفتي هذيك الخلعة تاع الطيحة شحال واعرة ،، ربي يحفظ اولادنا من كل سوء

اماني حبيبة ربي يشفي ولدك و يعافيه أعطيله bactrim sirop هو لي ينفعه للتسمم و الطهارة اجليها حتى يريح مليييييح ،، اسال الله العظيم رب العرش العظيم ان يشفيه شفاءا عاجلا غير اجل امييين

حبيباتي والله غير راجعت كلشي و نسيت المهم يعطيكم الصحة كل وحدة باسمها ما تزعفوش مني راني حالة التعب

اييييه داءمة الحمد بالتوفيق في تفراز البلاكار واااااع هههههه انشالله أميرة تكون ريحت شوية

حقا ام سراج شفت سؤالك نتيا و داءمة الحمد على الفطور تاع يامس ،، هذاك كان تدبيرة فقط ،، كان باقيلي الجاج محمر مالعشا فتته و قليت البطاطا و في مقلة سخونة مع شوية مارغرين درت طبقة بطاطا و طبقة فرماج كان عندي قريار و طبقة جاج مفتت و فرغت عليهم البيض مخلط مع شوية حليب و ملح و فلفل اسود و معدنوس مقطع و طيبتهم على الجهتين و رابيت القريار من فوق و خلااااص





استغفر الله العظيم من كل ذنب عظيم