الجزء81من مطبخ واش طيبتي اليوم ** مرحبا بالكل **

[دائمة الحمد]

هذا كان فطوري البارح وحلى وسوفلي ماصورتهمش














[

[Simassim]

صباح الخير عليكم ونهار كم مبروك ان شاء الله

[دائمة الحمد]

صباح النور اخت سيماسيم اني جاوبتك البارح على الزرير

[Simassim]

اختي دائمة الحمد لونها جاني غامق احنا تاني نديروها بصح لونها يكون فاتح
احنا عندنا نديرو واحدة غامقة بصح ماشي بالقمح والحمص اسمها الزميط يصنعها بالخروب ودقيق الزرع أظن يجئ لون نتاعها غامق

عجبني الشاريو نتاعك تبارك الله فكرة وشكله شيك

[دائمة الحمد]

اي فيها الحمص مقلي والزميطة كي تعود بالماء او الحليب تجي فاتحة وزيد على جال رمضان قليناها مليح

[Simassim]

الزميطة حنان ديرها بالخروب والشعير محمرين ومطحونين والخروب هو اللي يعطيها ألون الغامق ونخلطوها بالماء سخون والسكر والزيت او الزبدة مافيهاش قمح او الحمص

كاين قليل اللي يعرفها تعرفوها ؟؟

وال تقنتة هي اللي نديروها بالحمض والقمح عسل والزبدة

[دائمة الحمد]

التقنتة هو الزرير تاعنا والخروب نزيدوه للزميطة كي نعملوها في الشتاء لفطور الاولاد الصغار

[om kamilia]

صباح الانوار عليكم

[islam1aya]

سلام غالياتي كيفكم لاباس
دائمة مبروك عليكم عجبني كل شيء هايل

لبنات شكون جربت صابلي الزيت تع ريهام وكيفاش اجي في البنة وهل اجي كما الغربية في الذوق ولا دوقه صابلي عادي كما تع الزبدة قولولي من فضلكن

[دائمة الحمد]

صباح الانوار
الله يخليك ام اسلام انا جربت صابلي الزيت تاع ريهام يجي روعة فقط نقصت السكر عملت 2كيسان ونقصت الخميرة
ذوقو يجي عادي كيما الصابلي وممكن ابن

[islam1aya]

شكرا لك حبيبتي دائمة انا رايحة نجرب نصف المقادير املا ندير فقط كاس سكر او كاس ونصف

[دائمة الحمد]

ام اسلام اعمي كاس فقط راه يجي حلو

[أم فاطيمة]

السلام عليكم
دائمة الحمد راني دخلت على اطباقك يعطيك الصحة كلشي فووووووور
لبنات تديتو لقاطو و لا مزال لي خدمت تحطلنا باش ننقلوووووو
صح فطوركم

[idron0]

دعاء اليوم السابع عشر
اَللّهُمَّ اهدِني فيهِ لِصالِحِ الأعْمالِ ، وَ اقضِ لي فيهِ الحوائِجَ وَ الآمالِ, يا مَنْ لا يَحتاجُ إلى التَّفسيرِ وَ السُّؤالِ ، يا عالِماً بِما في صُدُورِ العالمينَ صَلِّ عَلى مُحَمَّدٍ وَ آله الطّاهرينَ .

[طالبة الجامعة]

السلام عليكم يوم رمضاني مبارك