الملتقى التشاوري لمتأهلات مسابقة رمضان الكبرى - الصفحة 17

أم ضياء عبد الرحيم · 2014-07-07, 10:03

عطور راني ما خدمت والو في داري و ولدي مريض و مع هذا دخلت كيما وعدتك و نحاول نعاون بالشيء الي نقدر عليه و بسمة غائبة نهائيا و حنا لحد الساعة ما تفاهناش ما كانش تنسيق خلاص و الله مع ظروفي نخم صح في الاعتذار و نخرج من المسابقة
لازم كي تدخل الاخت مياسم نتفاهموا لان بسمة ما تدخلش خلاص و نتمنى بسمة ما تتغشش مني لكن الحق ما يقلقش لاننا حنا كامل عندنا ظروفنا و مع هذا كي فتنا مدينا كلمة و دخلنا المسابقة رانا نخصوا في وقتنا للمسابقة و ندخلوا

عطرالذهب · 2014-07-07, 10:11

راني هنا جيادا والله النت هي السبب
حبيبتي خليلي لخياطة راني بديت فيها لانو عارفة ضروفك بالصح اقبليها مني كيما جت تجي
التحلية والسحور نفس الكلام نخدموهم لثنين واللي خرجت خير نحطوها
الصينية نفس المشكل ماعنديش سيرفيس باهي نحط فيه

عطرالذهب · 2014-07-07, 10:14

واش بيك متقلقة جيادا بالعقل برك هذه ايام وتعدي وتبقى غير الذكرى الطيبة
وياسيدي اذا ماسمحتلكش الظروف نخدم في بلاصتك وكلو الا زعلك ياجميل
والف سلامة على وليدك

أم ضياء عبد الرحيم · 2014-07-07, 10:17

و الله ما قلقت منك عطور لكن راكي عارفة المشاكل اليومية و زادلي ولدي و تلمت عليا
و زيد حبيت انقص اعليك الخدمة تاع الخياطة و ما نعرفش انا نحب كي نوعد نوفي و الله غالب بالنسبة للصينية خليني نزيد نخمم و نسقسيو واش لازم فيها

أم ضياء عبد الرحيم · 2014-07-07, 10:18

ربي يخليك عطور و الله كلامك نحالي القلقة لكن ميش عدل تحكمي غير انت الخياطة
بزاف عليك

عطرالذهب · 2014-07-07, 10:23

بالعكس جياداوالله راني مقبلة على لخياطة بنفحة مش مثل اول مرة كنت خايفة ولقيتها مش كيمياء شوي تمخميخ برك وزيد راني نصمم في الموديل اللي عجبني امس وماشية فيه مليح
واذا على كثرة العمل الطياب رانا فيه كل يوم
القيلي حل لصينية السهرة برك

أم ضياء عبد الرحيم · 2014-07-07, 10:23

قوليلي عطور كيفاه خميتي في الموديل تاع العباية

أم ضياء عبد الرحيم · 2014-07-07, 10:30

اوكي شوفي انا كي جا خويا نحيتلو شوية دراهم حشمت نزيد نطلب من زوجي قتلتوا مسكين بالطلبات المهم كنت راح نشري لقماش و نفصل و اذا جات مليحة قلت نشري ماشينة مستعملة و نجرب نخيط لكن كي بديتي في الخياطة لعلاه نشري سارفيس مليح المشكل قالي زوجي سوق العرب غير بالاحد باه نلقا الحوايج انتاعنا

oum 3abdou · 2014-07-07, 10:36

صباح الخير لبنات ربي ايعينكم
اختي جيادة ربي يشفي ابنك ماتتقلقيش اختي باذن الله تكملوكل التحديات ان و الخت عطور و بسمة نعرفكم فنانات ماشاء الله

أم ضياء عبد الرحيم · 2014-07-07, 10:43

ربي يخليك ام عبدو و الله العبد يطلعلوا المورال كي يلقى الي يشجعو ربي يجازيك كل خير

awladi · 2014-07-07, 10:56

السلام عليكم
جيادا ربي يجيب الشفاء العاجل لابنك
ربي يعاونكم ويعطيكم الصحة نعرفكم فحلات وشاطرات ربي يوفقكم في التحدي الثاني راني من متتبعاتكم ونشجع فيكم واصلو كما راكم
عطورا و جيادا يعطيكم الصحة على المسابقة وربي يوفقكم يامبدعات ربي يوفقكم في هذا التحدي يارب

مياسم الصمت · 2014-07-07, 10:56

السلام عليكم و رحمة الله وبركاته

واش راكم البنات ان شاء الله بخير

جيادا ألف عافية ان شاء الله على وليدك ربي يشافيه ان شاء الله

عطور يظهر لي رايحة تخرجي من المسابقة خياطة

حاجة فقط حبيت نقولها لكم المهم ما تخسروا بعضكم فقط

بالنسبة لتحدي الطبخ أظن اننا كل يوم نطبخ في رمضان

ورمضان شهر خير

بالنسبة لعطور راهي فرضة ترفعي التحدي وتتعلمي الخياطة ان شاء الله

بالشوية برك

بالنسبة لبسمة واش نقول ربما عذرها معها

الغايب عذره معه لا ندري ربما مريضة او النت منقطعه او عندها ظرف قاهر

وان شاء الله ما يكون غير الخير

عطرالذهب · 2014-07-07, 11:00

شكرا ام عبدو واولادي على التشجيعات والدعوات هاذاك واش نحتاجو منكم
بارك الله فيكن
مياسم شفتي ياخي والله تنحتلي عقدة لخياطة وحتى سي السيد اليوم عيطلي قلتلو استنى راني نفصل بقى يضحك قتلو اصبر امالا التحدي مع زوجي حابة نبيتلو بللي اللي يخيطو مش خير مني ههههههههه

أم ضياء عبد الرحيم · 2014-07-07, 11:06

اقتباس:

المشاركة الأصلية كتبت بواسطة awladi

السلام عليكم
جيادا ربي يجيب الشفاء العاجل لابنك
ربي يعاونكم ويعطيكم الصحة نعرفكم فحلات وشاطرات ربي يوفقكم في التحدي الثاني راني من متتبعاتكم ونشجع فيكم واصلو كما راكم
عطورا و جيادا يعطيكم الصحة على المسابقة وربي يوفقكم يامبدعات ربي يوفقكم في هذا التحدي يارب

شكرا ليك اولادي ربي يجازيك عنا خير الجزاء كلمات التشجيع صح تعاونا بزاف

اقتباس:

المشاركة الأصلية كتبت بواسطة مياسم الصمت

السلام عليكم و رحمة الله وبركاته

واش راكم البنات ان شاء الله بخير

جيادا ألف عافية ان شاء الله على وليدك ربي يشافيه ان شاء الله

عطور يظهر لي رايحة تخرجي من المسابقة خياطة

حاجة فقط حبيت نقولها لكم المهم ما تخسروا بعضكم فقط

بالنسبة لتحدي الطبخ أظن اننا كل يوم نطبخ في رمضان

ورمضان شهر خير

بالنسبة لعطور راهي فرضة ترفعي التحدي وتتعلمي الخياطة ان شاء الله

بالشوية برك

بالنسبة لبسمة واش نقول ربما عذرها معها

الغايب عذره معه لا ندري ربما مريضة او النت منقطعه او عندها ظرف قاهر

وان شاء الله ما يكون غير الخير

شكرا ليك ختي مياسم و بالنسبة للبنات انا صلا دخلت للمسابقة باه نكسب اخوات و بالنسبة لبسمة تسامحلي كنت قلقانا و ان شاء الله تكون بخير
نقولك ختي مياسم انا هنا نكمل في دراسة اختصاص برمجة و عندي اثنين موديل مازالولي ما خرجتهمش عندي فيهم امتحانات في شهر اوت و مع خدمت الدار و مع هذا را ني ندير المستحيل باه ندخل و نكون متواجدة معاكم المهم سامحولي اذا قلقتكم لكن كتبت واش حسيت بيه راكم خواتاتي

أم ضياء عبد الرحيم · 2014-07-07, 11:42

شكرا ليك عطور و الله ما في منك قلب كبير و يسع الكل
ارني نهز في افكار و لعشية نقضي و نطبق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري