ما هي طبقات المجتمع الجزائري؟؟؟؟؟

[ذكرى مضت]

ههههههههههه موضوع شيق صح .....
تعرف ذكرني بسؤال كان يدور في راسي ....
انو في المجتمع الجزائري اصبحنا مؤخرا فقط
نشعر بالفوارق الطبقية .... سابقا كان تقريبا 80% من
الشعب تقريبا من الطبقة المتوسطة .... لا يوجد لدينا فواصل
ولد مدير المؤسسة يدرس مع ولد الحارس و عادي جدا دون
عقد او خجل ....... تقريبا شغل الافلام تاع شغالات و خدم و حشم
غير موجود .... يعني مثلا كان عندي زميلة تسكن في فيلا كبيرة
و يصيفو في اليابان و تركيا ... بصح امها تقوم بشغل البيت ....وكي
نروحلهم منحسش انهم مترفهين غير حيطان زايدين .....
اما حاليا استطيع القول ان المجتمع الجزائري ينقسم الى ثلاث اقسام :
الطبقة الغنية ....... بنسبة 20% و هاذوا اللي ذرك يسكنو في قصر
و كل فرد عندوا سيارة .... و يصيفو في تركيا و باريس ... وولادهم
يمشو بالشوفوووووور .....
الطبقة المتوسطة .... بنسبة 30% و هاذو اللي عندهم دار بيهم خدام
يركبو في النقل الجماعي و كي تطفر يركبو في نقل حضاري ... و نهار
ياكلو مشوي و بطاطا مقلية و نهار ياكلو عدس و زيد ولادهم يلبسو
بصح مش كل يوم جديد مرتين ثلاثة في العام جديد .. و زيد فيهم اللي عندوا
سيارة بصح فير ماريتي او كيا و المخير اكسون هههههه هذا اللي تقشف
باش لحقها ....و هاذو يصيفو في جيجل و بجاية ...
الطبقة الفقيرة .....بنسبة50% و هاذو يسكنو في ديار طوب و احيانا مكانش
بياتهم مش خدامين ... تقريبا فيهم اللي ياكل و هذا فقير متوسط و فيهم اللي
مكانش وش ياكل و هذا فقير مسكين .... هذوا جماعة ولادهم يقرا فيهم غير
المكافح و يشوف الويل .... تقريبا تفكيرهم كل منصب كيف يسدون الجوع
و فقط منقدرش نحكي على سيارة و تصياف لاني تقريبا راني نكفر ....

اما عن الدين يا اخي انا لست معك ابدا ..... هناك فقراء نعرفهم يظلو يسخطو
على ربي و كاين اللي ما يعرفش حتى يصلي .... و كاين فقراء لا هم بالدنيا
و لا هم بالاخرة....
و هناك اغنياء ما شاء الله ..... دنيا و دين ....
باختصار الدين لا علاقة له بالمال .... و شكرا لك