نصرالله مهددا اسرائيل : سنقطع اليد التي تمتد الى الجيش اللبناني

[RaBaB]

السلام عليكم ورحمة الله وبركاته

اولا نحييك طاهيري فتيحة على اسلوبك المؤدب في الرد ومعالجة الموضوع
و أحييك ثانيا على اسلوبك في التفكير

لانو صح نصر الله بلا ماندخلوها اعتقادات يرفع الراس
على الأقل ماكانش بزاف الي يفرْحوا ف السياسة كيما هوا

انا نحير فـواحد ياكل ويشرب ويرقد و بروح يحكي في الشخصيات لكبار
والله نحير تاع الصح

صحا هادي حرية تخمام

مي شوية

الواحد يحترم الناس لكبار

مانيش نقصد بكلمة كبير انو الشي الي يعتقد بيه صح

مي فقط لانو شخصية باينة وعندها مواقف شجاعة
او جريئة ياسيدي مانقولش شجاعة باش ما يزعفش مني الأخ عماري

واحد كيما هادا نتقل روحي كي نهدر عليه
على الأقل قدام ناس بزاف

يعني يقدر يدخل هنا للمنتدى اي شخص سني شيعي غربي عربي
وحتى شيوعي
ويحكم علينا كمسلمين وكجزائريين

يعني الواحد لازم يتعلم كيفاه يعالج المواضيع رزانة

ومايخليش هواه يغلبه او اتجاهه سواءا الديني او السياسي

لأنو باش تناقش واحد من الأتجاه المعاكس ليك وتقربله او تربحه -كيما تحب-

لازملك شوية ليونة و فن

مانيش نقصد واحد هنا -صدقوني-

وسمحولي اذا كانت مشاركتي ثقيلة عليكم

الله غالب مانعرفش بزاف :d

تحيتي للجميع ..............