الحقرة عيناني في جامعة سطيف'دكتوراه'

[freeman2008]

المشاركة الأصلية كتبت بواسطة مشري85

نبدا بسم الله
""مدرسة دكتوراه سطيف""
انا مآمنا بلي في بلادنا كاين الحريق و الحقرة
مي دايما نسيي كيفاش
نحيهم من راسي باش ما نحبسش في بلاصتي
مي اسمحولي اسمحولي
البارح دايرة روحي شاطرة رايحة
نحوس على numèro téléphone
تاع جامعة فرحات عباس"سطيف"
ايا الحمد لله لقيتوا في الانترنيت
قلت نعيط زعمااا نصقسي على الكواغط كاين منها و الا لالا
علابالكم كيما العادة
اياااا ريبوندا عليا خدام تما قالي انا ما نعرفش خاطيني الشيء
و قالي نجوزلك واحد من الادارة يعرف خير مني
باش يوريلي زعما
من باعد فات عليه استاذ قالي درك نعيطلوا بالاك يفهمك
ايا هاد الاستاذ الفاهم و القاري و اللي يقري
كان متربي بزاف من تربيتوا الزايدة على الحدود
كوبا في وجهي ديراكت بلا ما هدر و قعدت 2
سوايع و انا نعيط
لا حياة لمن تنادي واش نلقاه يصوني مشغووول
و الله عيب هاد الشيء اللي راهوا يصرا
قلت في راسي هذا غير باش نصقسي
برك
مالا كي باش نجوز كيفاش
يعطوني طريحة
علاه يا العباد تفسدو البلاد
حرررررام هاد الشيء
و المشكل في رمضان كي تروح الجامع ما تلقاش وين تحط رجلك منهم
بكري علابالي مؤمنين يصلوا درك عرفت علاه الجوامع معمرة
باش يمسحوا
ذنوبهم
و الله ما يعطيكم ربي
ربي قاعد على كرسي الحق
و يشوف فيكم ما تتمسخروش بيه
بزوج ركعات
بصح هكد و زكارة نسجل و نجوزها حتى لوكان يقولولي رانا غلقنا القائمة واجدة قبل التعقاب

أختي مشري 85 ما تقليش روحك ، كما قلتها من قبل ، بلاد القومية و الحركى راها مخلينا الشمايت هما ليشدوا المسؤولية و هذا الراعي لراه اغلق التليفون في وجهك ، راه عارف بلي راه يتكلم مع انسانة محترمة و خير منه في كل شئ أعلى هذا الشئ الحسد و الزجعة انتاعه خلاوه ايكوبي اعليك ، حسب نفسه راجل و عنده قيمة ، بصح ديري في بالك حاجة هذه الرعيان ان شائ الله بشباب كما احنى ايخاف ربي و حاب الجزائر تتنقى من كرعين المعيز و اولاد القومية و الحركى ، .. يا والله انحوهم ان شاء الله ، بصح واعديني بحاجة واحدة ( الكلام للجميع ) نقراو و نبذلوا مجهود باه نصفاو للقمة و من بعدها انحوا هذي الحشرات من طريقنا و نفتحوها للرجالة و الفحلات لتستهل