موضوع لمساعدة كل من تطبخ

[**بنت النيل**]

نينا..
هو يفضل الزيت الحار لأنه بيديله طعم جميل..إنما ممكن لو مافيش زيت تستعينى بالزيت العادى

ودى طريقته..
المقادير
علبة فول..سن ثوم متوسط..و5 عروق بقدونس طازج..ورشة ملح صغيرة..ونص ليمونة..وزيت حسب الرغبة بس يفضل تحطى كتير..

الطريقة
تفتحى العلبة وتضعى الفول على النار الهادئة حوالى خمس دقائق..

تقشرى الثوم وتقطعى البقدونس وتفرميهم وتضعى فوقه الملح وتطحنيهم لغاية ما يتجانسوا مع بعض..

طبعا كل ده تحطيه فوق الفول..وبعدين تجيبى نص الليمونة وتعصريها فوق الفول وتقلبيه بهدوء..

بعدين كد بقى جاهز ممكن بقى تزينية بأى حاجة انتى عايزاها..
وممكن بدل كل ده تعمليه بالطماطم يعنى تعملى الطماطم فى الخلاط وتضيفيها فوق الفول مع الملح والزيت وتقلبيهم..

هو سهل جدا وبإذن الله هيكون جميل معاكم..