واش سندريلا صافا؟؟؟؟؟؟
كاش جديد ؟؟؟؟ هههههههه
البارح الملاك تاع بنت خالتي
والنساء دايرين رايهم بالشطيح
قعدت كلما نشوف واحدة في موقف يضحك
نكاميريها
كي كملت الحفلة
وراكو شايفين هاديك الجماعة اللي يديروها الفاميليا بعد الحفلة
ويقعدو يحكو على. وعلى ....... وعلى .........
جبدت البورطابل
وقعدت ندوره عليهم
كل واحدة نوريلها اللقطة تاعها
ونقوللها حطيهم كاش ولا نوريه لراجلك ههههههه
ايا بقاووا يضحكو ما خدمتش معاهم هادي تاع نوريه لراجلك
قالولي ها وريه ههههه
ايمالا رفدت الكابل تاع البورطابل
درتهم في البيسي
قلتلهم ايا ضركا اللي ماتخلصليش سمانة لاكريم
وقتاش مانحب وواش نحب وكيف ما نحب
راني نحطها ترقص في الصفحة الاولى تاع اليوتوب
هههههه
ماما وخالاتي وبنات خالاتي جاتهم نورمال
موالفين بيا نتمسخر
واحدة زوجة خالي
مسكينة غير البكاء اللي مابكاتوش ههههه
وخالاتي يقولولي زيديلها شوية
ويقعدو يخدمو في الفيلم
خالاتي والله مجنونات .... كنت نقول منين جبت هبالي!!!! ههههه
ايا في التالي كي مسكينة شفتني
قلتلها ايا خلصي على كامل الجماعة ضركا لاكريم
والفكرة تاع خالتي ....**شيطانة**
ياووا تشوفونا شحال كنّا هههههههه
6 فاميليات
وكل فاميليا فيها الله يبارك شحال من طفل
+ ختي وراجلها + بنت خالتي وراجلها + بنت خالي وبنتها
ههههههه
تزدام مابقى فيه والو
ايا الجماعة كي كملو وتبردو قعدو يضحكو
امراة خالي منارفية قالتلهم علاه راكم تضحكو؟؟؟
قالولها أمّنتي بلّي كانت رايحة تديرها ؟؟؟؟؟
والله خالي يجري مورايا من تلمسان للصين
à pieds
سلاااااااااااااام
*
( تقرير عن مشاركة سيئة )، و الموجودة أسفل كل مشاركة .
2010-07-02, 14:40
العرض المتطور
