قولولي واش رايكم بصراحة

[صمت الجزائر]

المشاركة الأصلية كتبت بواسطة شقراء

صباح النور على الكل شوفي يا أختي هذي اول جبة نخيطها مع الصدر تتفكري كما سألتك على الباترون وحطيتلك وقلتلك انديرو على شكل v وقلتيلي نعم والباقي كملت وحدي صح غلطت شحال من مرة وكنت انعاودها او حاجة تانية الى ساعدتني كنت انخيط بيدي وكي نغلط انسلهها وكي كملتها خيطتها بالمشينة
تاني حاجة خاصة بالقماش قوللي للبنات الى اول مرة ايخيط جبات الدار ايشمخو القماش لان راه رايح ايروح نصف عند الغسيل
وشكرا لكي على كل شئ ومازالني معاك باه نتعلم ونخيط اروحي وجزاكي الله كل خير وربي ايفرحك .

سامحيني حبيبتي تاخرت عليك في الرد ...والله انتي تمشيتي صح ...لما قلتيلي نخيط بيدي ثم نسحب الخيط...يعني فقط درتي فوفيلاج...بيدك...وراكي فاهمة مليح...والله راحت علي هذه الخطوة وانتي راكي فكرتيني بيها...اما على الكتان اللي يشرب ...هاذاك موضوع اخر كنت نحضرله باش نمدلكم نوعية الكتان وكيفاش التعامل معاه...ونتي راكي مديتي فكرتك ..وهو نوعية الكتان اللي ينقص...اي يشرب ...وهو السوسدي.لازم يغسل قبل التفصال والخياطة....
بارك الله فيك وشكرا لك...وراكي باهية في الخياطة ونقولك المستقبل ديالك راه فيها واصلي وانا راني هنا لاي سؤال....شكرا