ما ترضى العجوز على الكنة ..حتى يدخل بليس للجنة؟؟

[نبض قلب أمي]

السلام عليكم والله في الحقيقة بدأت أشك بأن أخي الفتى الصغير النبيل يعيش في بيتنا لأنه يتكلم وكأنه يعيش معنا وأنا معه في كل كلمة خطّها ففي بيتنا ولله الحمد ماشاء الله لدي ثلاث إخوة تزوجوا كلهم ونعيش كلنا في بيت واحد ولديهم أبناء وللآن ولايوم سمع الجيران أصواتنا ونحن لم نتشاجر أصلا حتى يسمع صوتنا وكما قال الفتى الصغير عندما يغضب أحد إخوتي زوجته تكون أمي دائما إلى جانب الزوجة وتقوللهم(اولادي هوما الغلطانين نعرفهم ملي كانوا صغار باباهم مقلشهم وحصلتوا فيهم انتوما)ونقوللكم ماما واش تقول الدار تكون مليحة وناسها عايشين فالهنا حتى يدخل الثالث بيناتهم يولوا واحد فيهم ما يحمل الآخر)إذا نحن في بيتنا ممنوع منعا باتا دخول الثالث بيننا .
ونقوللكم حاجة وتبقى بيناتنا دي فوا كي يجي خويا يفطر وما يعجبوش الفطور يبدا يعيط على مرتوا وأنا بالطبيعة نزيد مع فريقي يعني(زوجة أخي)ونبدا نقولوا علاش مسكينة طيبت ووجدت وكي جيت تاكل تبدا تعيط عليها,الماكلة بنينة وانت اللي راك تظلم فيها والظلم ظلمات يوم القيامة تعرفوا واش يقولي:اديفوندي عليها وهي البارح فالليل كانت تهدر فيك وتقولي اختك فيها وفيها وفيها إدا انا واش نردلوا؟نقولوا:الراجل اللي تهدرلو مرتو في اختو ولاّ يماه وماتصبحش عينها زرقا وسنيها رايبين اسمحلي مي ماشي راجل ههههههههه هههههههههه هههههههههه وديما يقولي واش ندير باش تدوسوا مع بعضاكم تعرف واش نقولولو نسينا في ربي سبحانوا وفي كتابوا إدا قدرت ههههه ههههههه هههههه.
وفي الأخير لا يصح إلاّ المثل الذي نتبعه في بيتنا والذي علمته لنا أمي أنا وزوجات إخوتي (شوية مالحنة وشوية من رطابة اليدين) شكرا لك أخي مصطفى وبارك الله فيك والسلام عليكم.
أختكم في الله إكرام