كوفرولي سموكس أحمر

[بنت جبال الأوراس]

المشاركة الأصلية كتبت بواسطة RIMA89

روعة يعطيك الصحة

المشاركة الأصلية كتبت بواسطة RIMA89

ربي يوفقك ممكن تقوليلي نوع القماش الي استعملتيه يعني الاسم نتاعو وقداش هزلك الفراش كامل من متر

القماش المستعمل يسمى ب: crep satain ou bien crep satinné

السعر تاعو هنا في قسنطينة من 15ألف، 17ألف و20ألف يعني أنت ماتزربيش تشري حوسي بعقلك
لاكان عندك وقت وماكيش مزروبة

هذا ألي خدمتو كوفرولي بهاديك الرشمة ب170سم/200سم مع الكشكشة ألي رايحة نديرها فالجناب
و2مخاد و2سطرميات والكبريسة تجيك 15 أو 16متر المهم أنت ديما اشري 1م أو2م زايدة

الكوفرولي باه قدرت ندير 2م طول خدمت بالقماش بالعكس باسك قليل
المستطيل ألي فالوسط فيه 1م والجوانب ألي زدتهم باه تجي 170سم فيهم 35سم 35سم
ماتنسايش برك تزيدي للقياس 2سم لكل جانب يعني تولي +4سم للخياطة
واحرقي القماش فالجناب باه مايتسنسرش

الكشكشة تحسبي المحيط ألي رايحة ديريه كامل كيما عندي 5م و40سم
يعني نجيب 3.5م قماش ونقسو فالوسط ونلقمو يجيني 7م باه نقدر ندير البليات

المخاد درت الرشمة في طرف قماش ومن بعد لصقتو باه تجي الرشمة فالوسط وفصلتلو الظهر

السطرميات حبيت نديرها كامل يعني ماش لازم تزيدي، فصلي الظهر برك

الكابريسة ساهلة

نتمنى نكون قدرت نفيدك وفدت البقية

أختكن في الله... لبنى بنت جبال الأوراس