لا للثورة الدموية نعم للحوار الهادىء والبناء

[saiid2009]

المشاركة الأصلية كتبت بواسطة حميدي البشير

وانت من جماعة الغني والا الفقير ,,,,, من جماعة اللي يتعشى باللحم والا يكدد في كسرة الخبز حتى نعرف هل تدافع على بلدك ام تدافع على مصالحك ؟ اسمحلي خويا على هذا الكلام لخطراشي شكيب خليل ثاني كان يقول البلاد راها لاباس وشبعنا وطنية وفيما بعد هرب ب ملايير وراح الى ايطاليا وباع البلاد ببخس التراب الطلليان سرقوا المليارات واعطاوه الفتات وفيما فضحوه في اعلامهم ورجعوه ما يسواش بصلة شوف خويا احنا عندنا فساد وسارقين معدهمش حتى ثقافة السرقة الواحد منهم يسرق ويروح الى اوربا وهو عارف بلي يبيعوه الاوربيين لانهم عارفينوا خاين بلادوا وعندوش امان وامثالهم يعاملوه كما يعاملون البضاعة حتى اذا جابلهم 10000000 مليار فهو والحيوان برتبة واحدة صدقني خويا لوكان الواحد فيهم اسرق وعمل مصنع او شركة في بلاده لكان اهون لكن كيما يقول المثل عندنا مال الزف يديه الطكوك انا معاك على مبدا رفض الثورة ليس حبا في هذا النظام ولكن لأن الساحة الساسية مليئة بالمافيا السياسوية يعني تنح فاسد وتحط فاسد اكثر فساد زائد تحط واحد كي سعيد سعدي يبيع البلاد والعباد او واحدة كي لويزة اللي ما تعرف حتى الله - نهجها الشيوعي- فهذه الثورات يقوم بها الشرفاء ويمتطيها اراذل القوم الشعب اليوم يعرف ان النظام به جناحان جناح به بوتفليقة جناح اصلاحي وجناح آخر خفي تقوده المافيا مافيا الزيت والسكر والنهب الشعب الجزائري ذكي يخرج الى مظاهرات فئوية فقط لا يريدها ثورة بل يريدها لتقوية جناح بوتفليقة فالرئيس لم نرى منه الا خيرا و الشعب معه لانه بكل بساطة الشخصية الوحيدة التي هي اليوم محل احترام اما البقية فقد رماهم الى الزبالة حاشاك وشكرا اخي العزيز

أنا معاك يا حميدي البشير
المواطن الجزائري راه كره كيفاه واحد يسرق 1200مليار ةآخر يسرق10ملاير دولار ووووو ومكانش اللي حاسبهم
ولكن اذا حادت المسيرة على طريقها المرسوم فاللي يخلص وش كون هو انا وأنت
والجزائر ترابها وحجرها وشجرها راه يشكي من الفساد حتى البهائم والجماد راهم يشكوا من هذا الفساد اللي مكان حتى واحد اتجرأ وحبسوا وحاسبوا تلقاه يدرس في الخارج ويداوي في الخارج وساكن في الخارج ويحوس في الخارج ولكن تلقاه يسرق فقط من الداخل
هذون الناس يعمروا في دول العدوا ويخسروا في بلادهم
وهذي البلاد فقط اللي تحن على كل جزائري أما حتى وان سكن في الخارج حتى وان كان غاني هذيك البلاد اتكون ناكراتو وكارهاتو وما ان تخلاصلو الفراكات يذلوه ويغربوه ويطردوه الا في الجزائر مهما كان المواطن الجزائري هي قابلاتوا
وانا والله لو يعطولي ملايير الدولارات لن يهنأ بالي ولكن المهم هو اللي عندي كي نشوف قاع الجزائريين وأبناؤهم بخير ولاباس عليهم ومش محقورين (اذا خممت على نفسي فقط أنكون أناني وكذلك خائن للمواطنة ) فكل الجزائريين عندي كي نفسي
وشكرا لك