كل واحدة تقول الحيل الي تديرها ولادها

[عريبية وافتخر]

السلام عليكم
اختي انا قريب نهبل مع اولادي وهم 5 الله يبارك 12 و 11 و 8 و 6و3 الله يبارك بصح صعيب الحال تعرفي انا كنت صارمة ف كل شيئء معاهم ف الصلاة والدراسة والاكل حتى كانو يجمدو ف بلاصة كي يعرفو بلي راح نعاقبهم تخيليي كنت نلوم نفسي على هاديك الطريقة لي كنت متبعتها وبحكم اني عشت يتيمة الام من الصغر رجعت كل ما نعاقب نقول بصح انا ك كنت صغيرة كنت نحب كون ماما عاشت وتكون حنينة عليا تقدري تقولي توسوست من هاد الناحية وبديت مانعاقبش خلاص نحاول نسيطر على الامور بالحب والحنانة لكن رجعو ما يخافونيش والدبازي دايرين حالة والعياط وانا احيانا نحس روحي مغلوب على امري والله عييت ونحبهم يكونو عاقلين واحيانا نبكي والله ونقول ماعرفتش نربيهم هم الحمد لله يصلو ويقراو مليح نتائجهم ماشاء الله بصح صاحبتهم وندمت والله المهم انا رجتلك على موضوعك
اما عن الحيل والخدع هههههههههههه يا اختي انا ولادي كانو صغار كانو ك نكون متكسلة ف بيتي يروحو للكوزينة يخربو و مرة هزو السكرية وكانت تاع اينوكس دارت الحس وانا خليتهم ك جاو ف 2 قلتلهم كليتو السكر قالولي كيفاش عرفتي قلتلهم راني دايرة كاميرا قد حبة العدس تصورلي كلشي ف المطبخ تعرفي من براءتهم امنوني حتى هنا هنا فاقولي ههههههههههههههههههههههه وقلتلهم بلي كنت لازم نخدعهم
المهم الله يصلح الاحوال
برك حبيتكم تنصحوني كيفاش نتعامل معاهم خاصة الدبازي رجعت نضرب ك الضالم ك المضلوم ويوميا العياط والمشكلة تكون بين 2 يدخل واحد يشرحلي واش صرا يعودو ك الكبة تاع الخيط كامل متقاتلين الا اذا كان الاب تم يكونو ملائكة يخافوه بزاف بزاف